വിഹഗ വീക്ഷണം

വിദേശനയത്തില്‍ ഭാരതത്തിന്റെ ധര്‍മ്മസങ്കടം

2011-10-22T11:57:00.000-07:00

വളരെ വൈകിയാണെങ്കിലും പെട്ടെന്നിതാ മൂന്നുപ്രശ്നങ്ങള്‍ പരസ്യപ്പെട്ടിരിക്കുന്നു: യു.എസ്.-പാക്കിസ്ഥാന്‍ ബന്ധം; യു.എസ്.-ഇന്ത്യ ബന്ധം, ചൈന-ഇന്ത്യ ബന്ധം. ഈ മൂന്നും പരസ്പരം ബന്ധമുള്ളവയും വേര്‍പിരിക്കാന്‍ എളുപ്പമല്ലാത്തവയുമാണ്.യു.എസ്.-പാക്കിസ്ഥാന്‍ ബന്ധത്തിന്റെ കാര്യമെടുക്കാം. ഹക്ക്വാനി നെറ്റ്വര്‍ക്കിന്റെ പേരിലുള്ള യു.എസ്-പാക് വിരോധം വളരെ പഴയതാണ്. കാബൂളിലെ അമേരിക്കന്‍ നയതന്ത്രകാര്യാലയത്തിനെതിരെ പ്രസ്തുത നെറ്റ്വര്‍ക്ക് തിരിഞ്ഞതുമുതല്‍ അമേരിക്കന്‍ നയരൂപീകരണ വൃത്തം പാക്കിസ്ഥാനെതിരെ തിരിഞ്ഞിരുന്നു.ഇക്കാലമത്രയും-ആരെല്ലാം എന്തെല്ലാം പറഞ്ഞാലും-അമേരിക്ക പാക്കിസ്ഥാനെ സ്വന്തം ആജ്ഞാനുവര്‍ത്തിയായാണ് കണ്ടുപോന്നത്.

ശീതസമരരാഷ്ട്രീയത്തില്‍ തങ്ങള്‍ക്ക് സഹായിയായിവര്‍ത്തിക്കുന്ന രാജ്യം എന്ന നിലക്കാണ് അമേരിക്ക പാക്കിസ്ഥാനെ പരിഗണിച്ചത്. ആ രാജ്യം നല്‍കുന്ന സഹായങ്ങളില്‍ മാത്രം കണ്ണുവെച്ച പാക്കിസ്ഥാന്‍ അതെല്ലാം തങ്ങള്‍ ശത്രുവായി കരുതുന്ന ഇന്ത്യക്കെതിരെ പ്രയോഗിക്കാമല്ലോ എന്ന ധാരണയോടെ ആശ്രിതരാജ്യമെന്ന നില അംഗീകരിക്കുകയായിരുന്നു. എന്നാല്‍ പാക്കിസ്ഥാന്റെ ഇരട്ടത്താപ്പ് അമേരിക്ക മനസ്സിലാക്കാതിരുന്നില്ല. സ്വന്തം കാര്യം നിര്‍വ്വഹിക്കപ്പെടുമെന്ന കാരണത്താല്‍ പാക്കിസ്ഥാന്‍ അമേരിക്കയ്ക്ക് വഴങ്ങിപ്പോന്നു.പക്ഷെ ഭീകരതയെ അമര്‍ച്ച ചെയ്യുന്ന വിഷയത്തില്‍ പാക്കിസ്ഥാന് സ്വമനസ്സാലെ നിര്‍വ്വഹിക്കുവാന്‍ കഴിയാത്ത പലതും ചെയ്യുവാന്‍ വാഷിങ്ടണ്‍ ആവശ്യപ്പെടുന്ന ഘട്ടം വന്നപ്പോള്‍ സ്ഥിതി മാറുകയായിരുന്നു. ഇതിനെ തുടര്‍ന്ന് യു.എസ്-പാക് ബന്ധത്തില്‍ വിള്ളലുണ്ടാവുമെന്ന് പ്രതീക്ഷിച്ചിരുന്നതു തന്നെയാണ്. അമേരിക്കയുടെ ഭാഗത്തു നിന്നുമുള്ള ആജ്ഞകള്‍ അനുസരിക്കാന്‍ മേലില്‍ സാദ്ധ്യമല്ലെന്ന് പാക് പ്രധാനമന്ത്രി സയ്യിദ് യൂസഫ് റാസ ഗിലാനി പറഞ്ഞതോടെ പ്രതീക്ഷിച്ചത് സംഭവിച്ചു എന്നു പറയാം.

അമേരിക്കന്‍സേന, തങ്ങളുടെ ഗോത്രവര്‍ഗ്ഗ പ്രദേശത്ത് ആക്രമണത്തിനു തുനിഞ്ഞാല്‍ തങ്ങള്‍ തിരിച്ചടിക്കാന്‍ നിര്‍ബ്ബന്ധിതരാകുമെന്ന് സി.ഐ.എ.യോട് ഐ.എസ്.ഐ. വ്യക്തമാക്കുകയുമുണ്ടായി.2007ല്‍ ഒരിക്കല്‍ അമേരിക്കന്‍ സേനയെ പാക്സൈന്യം ആക്രമിച്ചിരുന്നതാണ്. ആ വാര്‍ത്ത രഹസ്യമാക്കി വെയ്ക്കപ്പെടുകയായിരുന്നു. ഇപ്പോള്‍ അമേരിക്കയുടെ മുന്നില്‍ മൂന്ന് ഉപായങ്ങളാണുള്ളത്. ഒന്ന്, പാക്കിസ്ഥാനോടുള്ള സമീപനം മൃദുവാക്കുകയും ഭീകരതക്കെതിരായ അവരുടെ സമീപനത്തെ തന്ത്രപൂര്‍വ്വം സ്വാധീനിക്കുകയും ചെയ്യുക എന്നതാണ്. രണ്ടാമത്തെ മാര്‍ഗ്ഗം പാക്കിസ്ഥാന്റെ അഭ്യര്‍ത്ഥനകള്‍ അവഗണിച്ച് ആ രാജ്യത്തെ വിരോധിയായി കണക്കാക്കലാണ്. പാക്കിസ്ഥാന് നല്‍കിവരുന്ന സൈനികവും സാമ്പത്തികവും മറ്റുമായ എല്ലാ സഹായങ്ങളും അവസാനിപ്പിച്ച് ആ രാജ്യത്തെ തകരുവാന്‍ അനുവദിക്കുക എന്നതാണ് മൂന്നാമത്തെ മാര്‍ഗ്ഗം.

ഈ അവസാനം പറഞ്ഞത് ചൈനയുടെ താല്‍പര്യങ്ങളിലും പെടുമായിരിക്കാം. പരമാധികാരവും സുരക്ഷിതത്വവും പാലിക്കുവാനുള്ള പാക്കിസ്ഥാന്റെ ആഗ്രഹത്തിന് ബീജിങ്ങ് പിന്തുണ നല്‍കാന്‍ പ്രതിജ്ഞാബദ്ധമാണെന്ന് പറഞ്ഞതില്‍ നിന്ന് അത് വായിച്ചെടുക്കാം. ചൈനീസ് പൊതുസുരക്ഷാവകുപ്പ് മന്ത്രി മെങ്ജിയാന്‍സിയാണ് കഴിഞ്ഞ സെപ്തംബറില്‍ പാക്കിസ്ഥാനെ ചൈനയുടെ ഈ നിലപാട് അറിയിച്ചത്. "നിങ്ങളുടെ ശത്രുക്കള്‍ ഞങ്ങളുടെയും ശത്രുക്കളും നിങ്ങളുടെ മിത്രങ്ങള്‍ ഞങ്ങളുടെയും മിത്രങ്ങളും നിങ്ങളുടെ സുരക്ഷിതത്വം ഞങ്ങളുടെയും സുരക്ഷിതത്വവുമാണ് എന്നു പറഞ്ഞുകൊണ്ടാണ് മെങിന്റെ പ്രസ്താവനയെ പാക്ക് പ്രധാനമന്ത്രി ഗിലാനി സ്വാഗതം ചെയ്തത്. ഇതില്‍ വാഷിങ്ടണ്‍ സന്തോഷിക്കുമെന്ന് ആരും കരുതുകയില്ല. ഇന്ത്യയ്ക്കും സന്തോഷമുണ്ടാവുകയില്ല. ഈ അടുത്ത കാലത്തുമാത്രമാണ് മൂന്നുവര്‍ഷംകൊണ്ട് ഉഭയതല വ്യാപാരം 2.7 ബില്യണ്‍ ഡോളറില്‍ നിന്നും 6 ബില്യണ്‍ ഡോളറാക്കി വര്‍ദ്ധിപ്പിക്കുന്നതിന് സംയുക്തമായി ശ്രമിക്കുവാന്‍ നിശ്ചയിച്ചത്.

പക്ഷെ പലപ്പോഴും പലതും മാറ്റിമാറ്റിപ്പറയുന്നതാണ് അയല്‍രാജ്യത്തിന്റെ സ്വഭാവമെങ്കില്‍ ഇന്ത്യ എന്തുചെയ്യും? പാക്കിസ്ഥാനിലെ ബിസിനസ്സ് ലോകത്തിന് ഇന്ത്യയുമായി അടുത്തബന്ധം പുലര്‍ത്തുവാന്‍ ആഗ്രഹമുള്ളതായി റിപ്പോര്‍ട്ടുണ്ട്. കൂടുതല്‍ പാക്കിസ്ഥാനികള്‍ ഇന്ത്യയില്‍ സന്ദര്‍ശനം നടത്തുവാനും ആഗ്രഹിക്കുന്നുവത്രെ. "ഇന്ത്യ-പാക് ബന്ധങ്ങളില്‍ ഒരു പുതിയ ശുഭാപ്തി വിശ്വാസമുണ്ടായിട്ടുണ്ട് എന്ന് എഫ്.ഐ.സി.സി.ഐ സെക്രട്ടറി ജനറല്‍ രാജീവ്കുമാര്‍ പറഞ്ഞത് കഴിഞ്ഞ ഏതാനും ദിവസങ്ങള്‍ക്ക് മുമ്പ്മാത്രമാണ്. ജമ്മു-കാശ്മീര്‍ അതിര്‍ത്തിയില്‍ ഭീകരക്യാമ്പുകള്‍ ഊര്‍ജ്ജിതമായിട്ടുണ്ടെന്നും ഇന്ത്യയിലേക്ക് നുഴഞ്ഞു കടക്കാന്‍ പുതിയ തീവ്രവാദസംഘങ്ങള്‍ കാത്തിരിപ്പു തുടങ്ങിയിട്ടുണ്ടെന്നും പ്രധാനമന്ത്രി ഡോ. മന്‍മോഹന്‍സിംഗ് പ്രസ്താവിച്ചതും ശ്രദ്ധേയമാണ്.പാക്കിസ്ഥാനില്‍ അധികാരത്തിലുള്ളത് ആരാണെന്ന് ഇതെല്ലാം കേള്‍ക്കുമ്പോള്‍ സംശയം തോന്നും. പടിഞ്ഞാറേ അയല്‍രാജ്യവുമായി നല്ലബന്ധം പുലര്‍ത്തുവാന്‍ സാദ്ധ്യമായതെല്ലാം ചെയ്യാമെന്ന് സന്മനസ്സോടെ കരുതുമ്പോഴും, യാഥാര്‍ത്ഥ്യം ആവശ്യപ്പെടുന്നത് പാക്കിസ്ഥാനില്‍ നിന്നുള്ള തീവ്രവാദി നീക്കത്തെ കരുതിയിരിക്കുവാനാണ്.

പാക്കിസ്ഥാന്റെയും അമേരിക്കയുടെയും തന്ത്രപരമായ താല്‍പര്യങ്ങള്‍ ചില കാര്യങ്ങളില്‍ യോജിക്കുന്നില്ല എന്ന് അഭിപ്രായപ്പെട്ട അമേരിക്കന്‍ വിദേശകാര്യസമിതി ചെയര്‍മാന്‍ സ്റ്റീവ് ചാബോട്ട് ഉപോല്‍ബലകമായി ചൂണ്ടിക്കാട്ടിയത്, ലഷ്കര്‍-ഇ-തൊയ്ബ പോലെയുള്ള ഭീകരവിഭാഗങ്ങളെ ഇന്ത്യക്കെതിരായി ഉപയോഗപ്പെടുത്താവുന്ന ശക്തികളായാണ് പാക്കിസ്ഥാനി ഐ.എസ്.ഐ പരിഗണിച്ചു പോരുന്നത് എന്നതാണ്. ഇന്ത്യക്കെതിരായി ഭീകരവിഭാഗങ്ങളെ സഹായിച്ചുകൊണ്ട് പാക്കിസ്ഥാന്‍ തെറ്റുചെയ്യു കയാണെന്ന് സ്റ്റേറ്റ് സെക്രട്ടറി ഹില്ലാരിക്ളിന്റണും അഭിപ്രായപ്പെടുകയുണ്ടായി. ഈ സാഹചര്യത്തിലും, ചൈനയുമായി പാക്കിസ്ഥാന്‍ പുലര്‍ത്തുവാനാഗ്രഹിക്കുന്ന അടുപ്പത്തി ന്റെ പശ്ചാത്തലത്തിലും നമ്മള്‍ ആ രാജ്യത്തെ എങ്ങിനെ വിശ്വസിക്കും?ചൈന ഒരു ഫ്യൂഡല്‍ മാടമ്പിയുടെ ഭാവമാണ് പുലര്‍ത്തുന്നത്. ഇന്ത്യയടക്കമുള്ള അയല്‍രാജ്യങ്ങളുടെയെല്ലാം വലിയേട്ടനാവാനാണ് ആ രാജ്യത്തിന് മോഹം. ലോകത്തിന്റെ കേന്ദ്രം ചൈനയാണെന്ന് തലകുലുക്കി സമ്മതിക്കുന്നവരുടെ സ്വാതന്ത്യ്രത്തെ മാത്രം സഹിഷ്ണുതയോടെ കാണുവാനേ ചൈന ക്ക് ഉള്‍പ്രേരണയുണ്ടാവുകയുള്ളൂ. എന്‍.എസ്.ജി. (ന്യൂക്ളിയര്‍ സപ്ളൈ ഗ്രൂപ്പ്)യില്‍ ഇന്ത്യയെ തുരങ്കം വെക്കുവാന്‍ തീര്‍ച്ചപ്പെടുത്തിയിരിക്കുകയാണ് ചൈന. ഇന്ത്യന്‍ പാര്‍ലിമെന്റ് ആക്രമണത്തിന്റെ സൂത്രധാരന്മാരായ ജെയ്ഷ-ഇ-മുഹമ്മദിനെതിരായ അന്താരാഷ്ട്ര ശ്രമങ്ങളെ സ്തംഭിപ്പിക്കുവാനും പാക്കിസ്ഥാനോട് ചേര്‍ന്ന് ആ രാജ്യം ശ്രമിക്കുന്നു. ഇതിന്റെയെല്ലാം അടിസ്ഥാനത്തില്‍ ചൈനയുമായി സൌഹൃദബന്ധം പുലര്‍ത്തുവാന്‍ ഇ ന്ത്യക്കെങ്ങിനെ സാധിക്കും?

പാക്കിസ്ഥാന്റെ ഭൂമിയില്‍ ഇന്ത്യക്ക് യാതൊരു താല്‍പ്പര്യവുമില്ല. പ്രകോപിപ്പിക്കപ്പെട്ടാലല്ലാതെ ആക്രമണത്തിന് ഇന്ത്യ തയ്യാറുമല്ല. അമേരിക്കയോ ചൈനയോ ഒരിക്കലും പാക്കിസ്ഥാന്റെ നല്ല സുഹൃത്തുക്കളായിരിക്കുകയില്ലെന്ന് പാക്കിസ്ഥാന്‍ മനസ്സിലാക്കാത്തതാണ് കഷ്ടം. സ്വന്തം താല്‍പര്യങ്ങള്‍ക്ക് പാക്കിസ്ഥാനെ ഉപയോഗപ്പെടുത്തുവാന്‍ മാത്രമാണ് ഇരുരാജ്യങ്ങള്‍ക്കും താല്‍പ്പര്യം. പാക്കിസ്ഥാന്‍ ഇന്ത്യയുമായി നല്ല ബന്ധത്തിലായാല്‍ ദക്ഷിണ ഏഷ്യ ഏറ്റവും ശക്തിയാര്‍ജ്ജിക്കും. അങ്ങിനെയായാല്‍ അമേരിക്കയോടും യൂറോപ്യന്‍ യൂണിയനോടും ചൈനയോടും കിടപിടിക്കാന്‍ ഈ മേഖലാസമുച്ചയശക്തിക്കാവും. തല്‍ക്കാലം പാക്കിസ്ഥാനിലെ സാഹചര്യം ഇന്ത്യ ഉപയോഗപ്പെടുത്താതിരിക്കുന്നതാവും ബുദ്ധി. അമേരിക്കയെ അകറ്റി നിര്‍ത്താനും ഇന്ത്യ ശ്രമിക്കേണ്ടതില്ല. അതാവും നമുക്കും ലോകത്തിനു തന്നെയും നല്ലത്. പാക്കിസ്ഥാനിലെ നയരൂപീകരണ വിദഗ്ദ്ധന്മാര്‍ വൈകിയാണെങ്കിലും യാഥാര്‍ത്ഥ്യബോധം നേടുമെന്ന് നമുക്ക് പ്രത്യാശിക്കാം. പക്ഷെ വെറുപ്പിന്റെ പാതയില്‍ മാത്രം സഞ്ചരിച്ചു ശീലിച്ച പാക് സൈന്യത്തെ കാര്യം ബോദ്ധ്യപ്പെടുത്തുവാന്‍ ആര്‍ക്കാണ് കഴിയുക?

എം വി കാമത്ത് - കേസരി .

ഗാന്ധിവധം - ജസ്റ്റിസ് കെ റ്റി തോമസ് പറഞ്ഞത്

2011-08-17T05:44:00.000-07:00

അങ്ങേയറ്റം ഭക്ത്യാദരങ്ങളോടെ നടത്തപ്പെടുന്ന ഗുരുപൂജാ ഉത്സവത്തില്‍ അദ്ധ്യക്ഷത വഹിക്കാന്‍ എന്നെ ക്ഷണിച്ചത് യഥാര്‍ത്ഥ ആദരവും ബഹുമതിയുമായി കണക്കാക്കുന്നു. ഞാന്‍ ഒരു ക്രിസ്ത്യാനിയാണെന്ന് എന്റെ പേരില്‍ നിന്ന് നിങ്ങള്‍ക്കറിയാം. ഞാന്‍ അതില്‍ ജനിക്കുകയും ആ മതം ആചരിക്കുക യും ചെയ്തു. ഞാന്‍ പള്ളിയില്‍ പോ വുന്ന ഒരു കൃസ്ത്യാനിയാണ്. പക്ഷേ, രാഷ്ട്രീയ സ്വയംസേവകസംഘത്തെ ക്കുറിച്ച് നിരവധി കാര്യങ്ങള്‍ പഠിക്കാന്‍ കഴിഞ്ഞു എന്നത് എന്റെ മെച്ചമാണ്.

1979ല്‍ കോഴിക്കോട്ട് അഡീഷണല്‍ ജില്ലാ ജഡ്ജിയായി നിയമിതനായ കാലത്താണ് ഈ രാജ്യത്തെ അച്ചടക്കമുള്ള ഈ സംഘടനയോട് ആദരവുണ്ടായത്. ശ്രീ എ.ആര്‍. ശ്രീനിവാസന്‍ ആയിരുന്നു അന്ന് പ്രിന്‍സിപ്പല്‍ ഡിസ്ട്രിക്ട് ജഡ്ജ്. അദ്ദേഹത്തിന്റെ സത്യസന്ധത നൂറുശതമാനമായിരുന്നു, ആത്മാര്‍ത്ഥത സുതാര്യമായിരുന്നു, പാണ്ഡിത്യം സമാനതകളില്ലാത്തതായിരുന്നു, രാജ്യത്തോടുള്ള പ്രതിബദ്ധത ചോദ്യംചെയ്യാനാവാത്തതായിരുന്നു എന്നത് അദ്ദേഹത്തെ അറിയുന്ന ആരും സമ്മതിക്കു ന്ന കാര്യമാണ്. സര്‍വ്വോപരി, ജീവിതത്തില്‍ അദ്ദേഹം പുലര്‍ത്തിയ അച്ചടക്കവും പ്രശംസനീയമാണ്. അദ്ദേ ഹം വിരമിച്ചപ്പോള്‍ ഞാന്‍ പ്രിന്‍സിപ്പല്‍ ഡിസ്ട്രിക്ട് ജഡ്ജി സ്ഥാനം ഏറ്റെടുത്തു. എന്നാല്‍ ഉടന്‍തന്നെ, ശ്രീ. എ.ആര്‍. ശ്രീനിവാസന്‍ രാഷ്ട്രീയ സ്വയംസേവകസംഘത്തിലെ അംഗമായി മാറി. ഞങ്ങള്‍ നിരവധി കാര്യങ്ങള്‍ ആശയവിനിമയം ചെയ്യാറുണ്ടായിരുന്നു. രാഷ്ട്രീയ സ്വയംസേവകസംഘത്തെക്കുറിച്ചു പുറത്തുള്ള തല്‍പര വ്യക്തികള്‍ പ്രചരിപ്പിച്ച കരിവാരിത്തേക്കുന്ന പല പ്രചാരണങ്ങളും ദൂരീകരിക്കുന്നതിന് ആ സന്ദര്‍ഭം എനിയ്ക്ക് അവസരം നല്‍കി. അത്തരം തെറ്റിദ്ധാരണകള്‍ എന്റെ മനസ്സില്‍നിന്ന് ഇല്ലാതാക്കാന്‍ കഴിഞ്ഞു. ഞാന്‍ ഈ സംഘടനയുടെ യഥാര്‍ത്ഥ ആരാധകനായിത്തീര്‍ന്നു.

വസ്തുനിഷ്ഠമായാണ് ഞാന്‍ കാര്യങ്ങള്‍ പരിഗണിയ്ക്കുന്നത്. മുന്‍വിധി മനുഷ്യന്റെ ഒരു ദൌര്‍ബ്ബല്യമാണ്. വസ്തുനിഷ്ഠമല്ലാതെ മനുഷ്യന്‍ ഒരു കാര്യം സ്വീകരിക്കാറില്ല. ആര്‍.എസ്.എസ്. ആണ് മഹാത്മാഗാന്ധിയുടെ വധത്തിന് ഉത്തരവാദികള്‍ എന്ന നേരത്തെയുള്ള കരിവാരിത്തേയ്ക്കുന്ന പ്രചാരണം വസ്തുനിഷ്ഠമായി പരിശോധിച്ചാല്‍ നീതിക്കു നിരക്കാത്തതും ക്രൂരവുമാണെന്നു കാണാം. ഞാന്‍ അതിനെക്കുറിച്ച് കൂടുതല്‍ മനസ്സിലാക്കി. കൊലപാതകി ഒരുകാലത്ത് യദൃച്ഛയാ സംഘടനയിലെ അംഗമായിരുന്നു എന്നത് രാഷ്ട്രപിതാവിന്റെ വധത്തിന് അച്ചടക്കമുള്ള സംഘടനയെ ഉത്തരവാദിയാക്കുന്നില്ല. അങ്ങിനെയായിരുന്നെങ്കില്‍, ഇന്ത്യയിലെ മുഴുവന്‍ സിക്ക് സമുദായവും ഇന്ദിരാഗാന്ധിയുടെ കൊലയ്ക്ക് ഉത്തരവാദിയാണെന്ന് നിങ്ങള്‍ക്ക് പറയാന്‍ കഴിയുമോ? ഒരു റോമന്‍ ന്യായാധിപന്റെ ഉത്തരവനുസരിച്ച് റോമന്‍ സൈനികരാണ് യേശുക്രിസ്തുവിനെ കുരിശിലേറ്റിയത് എന്ന കാരണത്താല്‍ മാത്രം അന്നത്തെ മുഴുവന്‍ റോമക്കാരും ചേര്‍ന്നാണ് യേശുക്രിസ്തുവിനെ കൊന്നതെന്ന് പറയാനാവുമോ?ഇത്തരം വിഷയങ്ങളെ സമീപിക്കുമ്പോള്‍ വസ്തുനിഷ്ഠത നിശ്ചയമായും ഉണ്ടാവണം. അതിനാല്‍, മഹാത്മാഗാന്ധി വധക്കേസില്‍ വിധിപറഞ്ഞ ജസ്റ്റിസ് ഖോസ്ലെയുടെ വിധിന്യായം ഞാന്‍ എടുത്തു വായിക്കുകയും പഞ്ചാബ് ഹൈക്കോടതിയിലെ പ ണ്ഡിതനായ ആ ജഡ്ജി, രാഷ്ട്രീയ സ്വയംസേവകസംഘത്തിന് മഹാത്മാഗാന്ധിവധവുമായി ബന്ധപ്പെടുത്തുന്ന യാതൊന്നുമില്ല എന്നതിനാല്‍ പരിപൂര്‍ണ്ണമായി കുറ്റവിമുക്തമാക്കിയതായി കണ്ടെത്തുകയും ചെയ്തു. ഈ അപവാദപ്രചാരണം ഈ രാജ്യത്ത് തീര്‍ച്ചയായും അവസാനിപ്പിക്കണമെന്ന് ഞാന്‍ ആവശ്യപ്പെടുന്നു. അല്ലെങ്കില്‍ ആരുടെ ഭാഗത്തുനിന്നായാലും അത് അന്യായമായിരിക്കും.ഈ സമീപനത്തോടെ, ഈ സംഘടനയെ അകലെ നിന്ന് നോക്കിക്കണ്ടിട്ടുണ്ട്.

ഇന്നത്തെ നമ്മുടെ ബഹുമാന്യ മുഖ്യാതിഥിയുടെ മുന്‍ഗാമിയോടൊത്ത് ഒരിയ്ക്കല്‍ ഞാന്‍ യാത്രചെയ്യാന്‍ ഇടയായി. തീവണ്ടിയാത്രയില്‍ ചെന്നൈയില്‍ നിന്ന് എന്റെ വീടുള്ള നഗരം വരെ ശ്രീ. സുദര്‍ശന്‍ജിയും ഞാനും ഒപ്പമുണ്ടായി. ആ സമയത്ത് പല വിഷയങ്ങളും ഞങ്ങള്‍ തമ്മില്‍ സംസാരിച്ചു. അദ്ദേഹത്തിന്റെ പാണ്ഡിത്യം എത്ര ഉല്‍കൃഷ്ടമാണെന്നും എത്ര ലളിതജീവിതമാണദ്ദേഹം നയിക്കുന്നതെന്നും അറിയുമ്പോള്‍ അത്ഭുതമുളവാകും. ഈ സം ഘടനയിലെ അംഗങ്ങളുടെ സവിശേഷമുദ്രയാണിതെന്ന് ഞാന്‍ മനസ്സിലാക്കി. ലളിതജീവിതവും ഉന്നതചിന്തയും. അതിനുശേഷം ഓരോ ക്രി സ്തുമസിനും ബൈബിള്‍വചനങ്ങളും ഗീതാസൂക്തങ്ങളും ആലേഖനം ചെ യ്ത ക്രിസ്തുമസ് കാര്‍ഡുകള്‍ പതിവായി അദ്ദേഹം എനിയ്ക്ക് അയച്ചുതരുന്ന കാര്യം നിങ്ങളോട് പറയാന്‍ ഞാന്‍ ആഗ്രഹിക്കുന്നു. ഞാന്‍ പതിവായി അദ്ദേഹത്തിനും കാര്‍ഡ് അയക്കാറുണ്ട്.എന്നെ സംബന്ധിച്ചിടത്തോളം, ഈ സംഘടനയെക്കുറിച്ച് കൂടുതല്‍ കൂടുതലായി പഠിക്കാന്‍ അത് അവസരം നല്‍കി. ഈ സംഘടനയെക്കുറിച്ച് എന്റെ ജീവിതത്തില്‍ നന്നായി പരീക്ഷിക്കാനുള്ള സന്ദര്‍ഭമുണ്ടായത് (ഏറിയപങ്കും) ഇന്ദിരാഗാന്ധി ഭരണഘടന റദ്ദാക്കി മുഴുവന്‍ രാജ്യത്തേയും തന്റെ ഏ കാധിപത്യത്തിന്റെ ചമ്മട്ടിക്കു മുമ്പില്‍ സ്തംഭിപ്പിച്ച അടിയന്തരാവസ്ഥാ വേളയിലായിരുന്നു. അക്കാലത്ത് നിര്‍ഭയമായി ഒളിവില്‍ പ്രവര്‍ത്തിച്ച ഒരേയൊരു രാഷ്ട്രീയേതര സംഘടന രാഷ്ട്രീയ സ്വയംസേവകസംഘമായിരുന്നു. തല്‍ഫലമായി ഏകാധിപതിയുടെ കരാളഹസ്തത്തില്‍ നിന്നും ഭാരതമെന്ന ഈ രാജ്യത്തെ വിമോചി പ്പിക്കാന്‍ കഴിഞ്ഞു. നമ്മുടെ നേതാക്കന്മാര്‍ ഈ രാജ്യത്തിനായി നേടിത്തന്ന, ഈ രാജ്യത്തിന്റെ മൌലികാവകാശങ്ങളെ വീണ്ടെടുക്കുന്നതിന് നിരവധി പേരുടെ ജീവിതങ്ങളും ജീവിതസുഖങ്ങളും ഹോമിച്ച ഈ സംഘടനയോട് അങ്ങേയറ്റം കടപ്പെട്ടിരിക്കുന്നു.

വോട്ടുബാങ്കുകള്‍ക്കുവേണ്ടി രാഷ്ട്രത്തിന്റെ സുരക്ഷ പലനിലയ്ക്കും വിട്ടുവീഴ്ച ചെയ്തു കാണുന്നതില്‍ ഞാന്‍ അസ്വസ്ഥനാണ്. ഭരണഘടനയുടെ 19-ാം വകുപ്പ് ഇന്ത്യന്‍ ജനതയ്ക്ക് സ്വാ തന്ത്യ്രങ്ങളുടെ ഒരു പട്ടികതന്നെയാണ് നല്‍കിയിരിക്കുന്നത്. അത്തരം ഓരോ സ്വാതന്ത്യ്രവും ഒരു കാര്യത്തോട് പരിമിതപ്പെടുത്തിയിരിക്കുന്നു. അത് ഈ രാജ്യത്തിന്റെ സുരക്ഷയാണ്. നമുക്ക് രാജ്യത്ത് ജീവിക്കണം എന്നതിനാല്‍ പ്രഥമപരിഗണന രാജ്യത്തിന്റെ സുര ക്ഷക്കായിരിക്കണം നല്‍കപ്പെടേണ്ടത് എന്ന കാര്യത്തില്‍ ഭരണഘടനാനിര്‍മ്മാതാക്കള്‍ക്ക് അങ്ങേയറ്റം നിര്‍ബന്ധമുണ്ടായിരുന്നു. ഭരണകൂട സംബന്ധമായും രാജനൈതികമായും ഉള്ള പല ഔദ്യോഗിക പ്രവര്‍ത്തനങ്ങളുമായി ഇടപെടേണ്ടി വന്നപ്പോള്‍ അവിടെ രാജ്യത്തിന്റെ സുരക്ഷയ്ക്ക് വോട്ടുബാങ്കിനേക്കാള്‍ കുറഞ്ഞ പ്രാധാന്യമാണ് നല്‍കപ്പെടുന്നതെന്നറിഞ്ഞപ്പോള്‍ ഞാന്‍ ശരിക്കും അസ്വസ്ഥനായി. രാജ്യം ഏകകണ്ഠമായും ഏകരൂപകമായും ഉറച്ച ശബ്ദത്തോടെ പതറാതെ അത്തരമൊരു നയം പിന്തുടരുന്നത് നാം വെച്ചുപൊറുപ്പിക്കില്ല എന്ന് പ്രഖ്യാപിക്കേണ്ടിയിരിക്കുന്നു.

രാഷ്ട്രീയ സ്വയംസേവകസംഘം ന്യൂനപക്ഷത്തിനെതിരാണ് എന്നത് അടിസ്ഥാനരഹിതമായ ഒരു പ്രചാരവേലയാണ്. അതിരിയ്ക്കട്ടെ, എന്താണ് ന്യൂനപക്ഷം എന്നാല്‍? ഞാന്‍ മനസ്സിലാക്കിയിട്ടുള്ളത്, രാഷ്ട്രീയ സ്വയംസേവകസംഘത്തെ സംബന്ധിച്ചിടത്തോളം നിങ്ങള്‍ ഏതു മതത്തില്‍ പെ ട്ട ആളായാലും ശരി നിങ്ങ ള്‍ പൂര്‍ണ്ണ രാജ്യസ്നേഹി ആകുകയെന്നതാണ്.നിങ്ങളുടെ വിശ്വാസം വിഷയമല്ല. നിങ്ങള്‍ പിന്തുടരുന്ന മതവിശ്വാസം ഏതായിരുന്നാലും നിങ്ങള്‍ക്ക് ഏതെങ്കിലും വിദേശക്കൂറുകള്‍ പാടില്ല. എന്റെ മതമാണ് നിന്റെ മതത്തേക്കാള്‍ മികച്ചത് എന്നും അതിനാല്‍ നിന്റെ മതം ഉപേക്ഷിച്ച് എന്റെ മതത്തില്‍ ചേരുക എന്ന് പറയാനും ആര്‍ക്കും അവകാശമില്ലെന്ന് ഞാനറിയുന്നു. തന്റെ മതത്തിന്റെ മൌലികകാര്യങ്ങളെക്കുറിച്ച് എന്തെങ്കിലും അറിയുന്ന ഒരാള്‍ക്കും അങ്ങനെ പറയാന്‍ കഴിയില്ല. സ്വന്തം മതത്തെക്കുറിച്ചുള്ള ഒരാളുടെ അടിസ്ഥാന കാഴ്ചപ്പാട് ഇതരമതം തന്റേതുപോലെ അതിപ്രധാനമാണെന്ന് മാത്രമല്ല മതബാഹുല്യം ചിലപ്പോള്‍ - എല്ലാ മതങ്ങള്‍ക്കും ചില ദൌര്‍ബല്യങ്ങള്‍ ഉള്ള സ്ഥിതിക്ക് - മനുഷ്യരാശിക്ക് ഈശ്വര ന്റെ വരദാനമാണെന്നും ആയിരിക്കണം.

ഒരു മതത്തിന്റെ ദൌര്‍ബല്യങ്ങള്‍ നികത്താന്‍ മറ്റൊരു മതത്തിന് ചില ആനുകൂല്യങ്ങള്‍ നല്‍കുന്നു. ബഹുസംസ്കാരം രൂപപ്പെടുത്തിയ രാജ്യമാണി ത്; ഇവിടെ വിശ്വാസം അപ്രധാനമാണ്; പകരം നിങ്ങളുടെ കൂറും കടപ്പാടും ദേശഭക്തിയുമാണ് പ്രധാനം.ന്യൂനപക്ഷത്തെ സംബന്ധിച്ച് എനിക്കുള്ളത് വ്യത്യസ്തമായ കാഴ്ചപ്പാടാണ്. ഈ കാഴ്ചപ്പാട് ഞാന്‍ പല വേദികളിലും തുറന്നു പറഞ്ഞതിന്റെ പേരില്‍ പുഷ്പവൃഷ്ടിക്കു പകരം കല്ലേറാണ് എനിക്കേല്‍ക്കേണ്ടി വന്നത്. ആരാണ് ഈ രാജ്യത്ത് ന്യൂനപക്ഷം? പരാധീനതകള്‍ ഉള്ള ആളുകള്‍ മാത്രമാണ് അക്കൂട്ടത്തില്‍ പെടുന്നത്. ഭരണഘടനയുടെ 29-ാം വകുപ്പനുസരിച്ച് ഭാരതത്തിലെ ഏതൊരുവിഭാഗവും ന്യൂനപക്ഷമാകാം. അതിനടിസ്ഥാനം സംസ്കാരം, ലിപി, ഭാഷ തുടങ്ങിയവയാണ്. എണ്ണത്തില്‍ കുറവായതിനാല്‍ എന്തെങ്കിലും തരത്തിലുള്ള ന്യൂനത അനുഭവിക്കുന്ന ഏതു വിഭാഗവും ന്യൂനപക്ഷമാണ്. 30-ാം വകുപ്പ് അംഗീകരിച്ചിട്ടുള്ള വിശ്വാസത്തിന്റെ അടിസ്ഥാനത്തിലുള്ള ന്യൂനപക്ഷം ഒരു നിശ്ചിത ഉദ്ദേശ്യത്തോടെയുള്ളതാണ്. മൃഗീയഭൂരിപക്ഷത്തിന്റെ കടുത്ത നിയന്ത്രണമില്ലാതെ അവര്‍ക്ക് വിദ്യാഭ്യാസസ്ഥാപനങ്ങള്‍ നടത്താനാണത്. 29-ാം വകുപ്പ് വായിക്കുന്ന ഒരാള്‍ക്ക് ന്യൂനപക്ഷമെന്നത് മതത്തിന്റെയോ വിശ്വാസത്തിന്റേയോ അടിസ്ഥാനത്തിലല്ല എന്ന് ഒരു ഭരണഘടനാ വിദ്യാര്‍ത്ഥി എന്ന നിലയ്ക്ക് എനിയ്ക്ക് പറയാന്‍ കഴിയും. 30-ാം വകുപ്പിലെത്തുമ്പോഴാകട്ടെ മതം എന്നുദ്ദേശിക്കുന്നത് വിദ്യാഭ്യാസസ്ഥാപനങ്ങളുടെ കാര്യത്തില്‍ മാത്രമാണ്.

ടി.എം.എ.പൈ കേസില്‍ വാദം പൂര്‍ത്തിയാക്കാന്‍ കഴിയാത്ത സുപ്രീംകോടതിയുടെ പതിനൊന്നംഗ ബഞ്ചില്‍ ഒരംഗമായിരുന്നു ഞാന്‍ ആദ്യം. 30-ാം വകുപ്പില്‍ പറയുന്ന വിദ്യാഭ്യാസം മതേതരവിദ്യാഭ്യാസം മാത്രമാണ്; തൊഴിലധിഷ്ഠിത വിദ്യാഭ്യാസമല്ല എന്നാണ് അന്ന് ഭൂരിപക്ഷം ജഡ്ജിമാരിലും രൂപപ്പെട്ടുവന്ന വീക്ഷണം. ഇക്കാര്യം ഞങ്ങള്‍ മഹാനായ അഭിഭാഷകന്‍ ഫാലി. എസ്. നരിമാന്റെ മുമ്പില്‍ വെച്ചപ്പോള്‍ അദ്ദേഹം കുപിതനായി. വളരെ മുമ്പുതന്നെ അടഞ്ഞുപോയ ഒരു വിഷയമാണിതെന്നും മതേതരവിദ്യാഭ്യാസമുണ്ടാകുന്നതിന് എത്രയോ മുമ്പുതന്നെ വിദ്യാഭ്യാസമെന്നത് എല്ലാം ഉള്‍ക്കൊള്ളുന്നതാണെന്നും അദ്ദേഹം പറഞ്ഞു. ദൌര്‍ഭാഗ്യകരമെന്നു പറയട്ടെ ഞങ്ങളുടെ ബഞ്ചിന് വാദം കേള്‍ക്കല്‍ പൂര്‍ത്തിയാക്കാനോ വിധി പറയാനോ സാധിച്ചില്ല. നിരവധി വര്‍ഷങ്ങള്‍ക്കുശേഷം, അതായത് ഞാന്‍ വിരമിച്ചശേഷം ഒരു പതിനൊന്നംഗ ബഞ്ച് രൂ പീകരിക്കുകയും അവിടെയും നരിമാന്‍ തന്റെ വാദം ഉന്നയിക്കുകയും ഒടുവില്‍ 30-ാം വകുപ്പനുസരിച്ച് വിദ്യാഭ്യാസമെന്നാല്‍ എല്ലാതലത്തിലും പെട്ടതാണെന്ന് അംഗീകരിക്കുന്ന വിധി ഉണ്ടാകുകയും ചെയ്തു.

മറ്റൊരു ഉദ്ദേശ്യത്തിനാണ് ഞാന്‍ ഇക്കാര്യം സൂചിപ്പിച്ചത്. വിദ്യാഭ്യാസത്തിന് സമഗ്രമായ അര്‍ഥമെന്ന ഈ ആശയത്തിന്റെ വക്താവായ മഹാനായ അഭിഭാഷകന്‍ ഒരു ആത്മകഥയെഴുതിയിട്ടുണ്ട്. അതില്‍ അദ്ദേഹം കുറ്റ സമ്മതം നടത്തുന്നത് ഇങ്ങനെയാണ്: "വിദ്യാഭ്യാസം സംബന്ധിച്ച് അത്തരമൊരു നിലപാട് സ്വീകരിച്ചതില്‍ ഞാന്‍ ഇന്ന് വളരെയേറെ ഖേദിക്കുന്നു . ദൌര്‍ഭാഗ്യകരമെന്നു പറയട്ടെ, സുപ്രീംകോടതി സ്വീകരിച്ച ഈ നിലപാട് മാര്‍ ഗ്ഗദര്‍ശകമായ ഒന്നായി ഈ രാജ്യത്ത് സ്വീകരിക്കപ്പെട്ടതാണ് നമ്മുടെ നാട്ടില്‍ വിദ്യാഭ്യാസരംഗത്തുണ്ടായ എല്ലാ വന്‍വിപത്തുകള്‍ക്കും കാരണം. ചില ആദരണീയ വേദികളില്‍ ഇതു ഉന്നയിക്കേണ്ടതുണ്ട് എന്ന് ഞാന്‍ കരുതുന്നു. 30-ാം വകുപ്പു സംബന്ധിച്ചുള്ള വാദത്തിന്റെ മാര്‍ഗ്ഗദര്‍ശകനായിരുന്ന ആ പ്രമുഖ അഭിഭാഷകന്റെ ഇപ്പോഴത്തെ അഭിപ്രായത്തില്‍ പോലും ഈ വകുപ്പു മതേതരവിദ്യാഭ്യാസത്തിന്റെ കാര്യത്തില്‍ മാത്രം പരിമിതപ്പെട്ടതാണ്. ആ രംഗത്തു മാത്രമാണ് മതത്തിനു ന്യൂനപക്ഷത്തെക്കുറിച്ച് എന്തെങ്കിലും പറയാനുള്ളത്. മറിച്ചാവട്ടെ, ഭാരതത്തെ പോലുള്ള ഒരു വലിയ രാജ്യത്ത്, ന്യൂനപക്ഷത്തിന് വിശ്വാസവുമായി ബന്ധപ്പെട്ട ഒരു കാര്യവും പറയാനില്ല. ആര്‍ക്കും വിശ്വാസം മാറാം. തമിഴ്നാട്ടില്‍ ഒരു പളനിയപ്പ ഗൌണ്ടര്‍ മെഡിക്കല്‍ കോളേജ് ആരംഭിച്ചപ്പോള്‍ ഇതാണ് സംഭവിച്ചത്. പുതിയ ചില നിയമനിര്‍മ്മാണം നടന്നപ്പോള്‍ തനിക്കു ഗുണമുണ്ടാകുമെന്ന് കണ്ടപ്പോള്‍ അദ്ദേ ഹം മതംമാറി ദൈവസഹായമാവുകയും ഇപ്പോഴും മെഡിക്കല്‍ കോളേജ് കൊണ്ടുനടക്കുകയും ചെയ്യുന്നു. ഇതുപോലെ ആര്‍ക്കും മതം മാറാം.

വിശ്വാസത്തെ അടിസ്ഥാനമാക്കിയാണ് നിങ്ങള്‍ നിയമം ഉണ്ടാക്കുന്നത്. ഒരു മതേതരരാഷ്ട്രത്തില്‍ നമ്മുടേതുപോലുള്ള ഒരു മതേതര റിപ്പബ്ളിക്കില്‍ മതമായിരിക്കരുത് നിങ്ങളുടെ വ്യക്തിത്വം; മറിച്ച് ഭാരതീയനെന്നതായിരിക്കണം.രാഷ്ട്രപതിയായിരിക്കെ സക്കീര്‍ഹുസൈന്‍ ചുരുക്കിപ്പറഞ്ഞതിതാണ്. അദ്ദേഹത്തെ പത്രപ്രവര്‍ത്തകനായ ടി.വി.ആര്‍. ഷേണാ യി അഭിനന്ദിച്ചു. സക്കീര്‍ ഹുസൈന്‍ മഹാനായ പണ്ഡിതനാണ്. അദ്ദേഹം വൈസ്ചാന്‍സലറുമാണ്. അദ്ദേഹത്തെ സമീപിച്ചുകൊണ്ട് ടി.വി.ആര്‍. ഷേണായി പറഞ്ഞു: 'രാഷ്ട്രപതിജി, ഞാന്‍ അങ്ങയെ അഭിനന്ദിക്കുന്നു. കാരണം ഇതു ഭാരതത്തിലെ മതേതരത്വത്തിന്റെ വിജയമാണ്. ഏതു വഴിയ്ക്കാണു അതു മതേതരത്വത്തിന്റെ വിജയമാകുന്നതെന്ന് സക്കീര്‍ഹുസൈന്‍ ചോദിച്ചു. മുസ്ളീം ഭാരതത്തിന്റെ രാഷ്ട്രപതിയാകുന്നത് മതേതരത്വത്തിന്റെ മഹത്തായ വിജയമാണെന്ന് ഷേണായി പറഞ്ഞു. സക്കീര്‍ഹുസൈന്‍ അദ്ദേഹത്തെ നോക്കി പുഞ്ചിരിച്ചു. 'എന്താണ് രാ ഷ്ട്രപതിജി അങ്ങ് എന്നെ നോക്കി ചിരിക്കുന്നത്? എന്ന് ഷേണായി ചോദിച്ചു. 'ഷേണായ് മതേതരത്വത്തെക്കുറിച്ചുള്ള നിങ്ങളു ടെ സങ്കല്‍പത്തെക്കുറിച്ചോര്‍ത്ത് ചിരിച്ചതാണ് അദ്ദേഹം പറഞ്ഞു. അദ്ദേഹത്തിന്റെ അടുത്ത വാ ക്യം അടിവരയിടേണ്ടതാണ്. "നിങ്ങള്‍ ക്ക് എന്റെ മതമേതാണെന്ന് അറിഞ്ഞു കൂടാത്ത ദിവസം വരുമ്പോഴേ ഭാരതത്തില്‍ മതേതരത്വം ഫലപ്രാപ്തിയിലെത്തൂ “

സുഹൃത്തുക്കളേ, എനിക്കു പറയാനുള്ളതിതാണ്: ഈ രാജ്യത്ത് മതേതരത്വത്തിന് മതവുമായി ഒരു ബന്ധവുമില്ല. നിങ്ങള്‍ക്ക് എന്റെ മതമേതെന്നറിയില്ല എന്നതുപോലെ ഞാന്‍ നിങ്ങളുടെ മതത്തെക്കുറിച്ചും ചിന്തിക്കുന്നില്ല. അതു നിങ്ങളുടെ മതമാണ്. ആ വിശ്വാസം നിങ്ങള്‍ എങ്ങനെ ആര്‍ജ്ജിച്ചുവെന്നതോ വികസിപ്പിച്ചുവെന്നതോ ഉള്ളത് നിങ്ങളുടെ സ്വകാര്യം. ചെന്നൈയില്‍ നിന്നും കോട്ടയത്തേയ്ക്ക് സുദര്‍ശന്‍ ജിയോടൊപ്പം യാത്ര ചെയ്തപ്പോഴാണ് ഞാന്‍ ഇക്കാര്യം പഠിച്ചത്. അദ്ദേഹം എന്നോടു പറഞ്ഞു: "സാര്‍, താങ്കള്‍ ഒരു ഉദാരമതിയായ ക്രിസ്ത്യാനിയാണ് ; "എങ്ങനെയാണ് ഞാന്‍ ഉദാരമതിയായ ക്രിസ്ത്യാനിയാണെന്നു മനസ്സിലായത്? എന്ന ചോദ്യത്തിന് അദ്ദേഹം മറുപടി പറഞ്ഞു. "അതുവേറെ വി ഷയം. ഞങ്ങള്‍ നിഷ്ക്കര്‍ഷിക്കുന്നത് ഒരു കാര്യം മാത്രമാണ്, നിങ്ങളുടെ വിശ്വാസം എന്തായാലും ശരി നിങ്ങളുടെ പ്രഥമ കടപ്പാട് ഈ രാഷ്ട്രത്തോടായിരിക്കണം; ഈ രാജ്യത്തോടായിരിക്കണം. ഇക്കാര്യത്തില്‍ എനിക്കദ്ദേഹത്തോട് ആദരവ് തോന്നി. ഞാന്‍ ഈ സംഘടനയെ വളരെയേറെ ആദരിക്കുന്നു.

എവിടെയും നിങ്ങള്‍ പ്രകടിപ്പിക്കുന്ന അച്ചടക്കം - ഇവിടെയും ധ്വജത്തിനു പുഷ്പമര്‍പ്പിക്കുന്ന രീതിയും മറ്റും- കാണുമ്പോള്‍ അതാണ് നിങ്ങളുടെ പ്രവര്‍ത്തനത്തിനും പ്രകടനത്തിനുമുള്ള പ്രേരണയെന്ന മതിപ്പാണ് എന്നിലുണ്ടാകുന്നത്. അച്ചടക്കം ഒരു രാഷ്ട്രത്തിന് അത്യാവശ്യമാണ്. ഒരു രാഷ്ട്രത്തിന്റെ വളര്‍ച്ചയ്ക്കുള്ള അടിത്തറ അച്ചടക്കമാണ്. വളരുന്ന ഏതു രാജ്യത്തും ആ രാജ്യത്തെ പൌരന്മാരില്‍ അച്ചടക്കം അടിയുറച്ചു നില്‍ക്കുന്നതായി കാണാം. ഇക്കാര്യത്തില്‍ രാഷ്ട്രീയസ്വയംസേവകസംഘം എനിക്കും മാതൃകയാണെന്ന് ഞാന്‍ കരുതുന്നു. നിങ്ങള്‍ക്കു വളരെ നന്ദി.

(കടപ്പാട് - കേസരി വാരിക )

കാസര്‍ഗോഡ് സംഭവം - ലീഗോ അതോ ?

2011-08-12T05:10:00.000-07:00

2006 ലെ തെരഞ്ഞെടുപ്പിനു മുന്‍പായിരുന്നെന്നു തോന്നുന്നു . അന്ന് ജോലിയുമായി ബന്ധപ്പെട്ട് കണ്ണൂരിലാണ് താമസിച്ചിരുന്നത് . ലീഗ് നേതാവ് പി കെ കുഞ്ഞാലിക്കുട്ടി കണ്ണൂരില്‍ വരുന്നതിനോടനുബന്ധിച്ച് വന്‍ പ്രചരണങ്ങളൊക്കെയുണ്ടായിരുന്നു . പുലിക്കുട്ടി വരുന്നു എന്നൊക്കെയായിരുന്നു പോസ്റ്ററുകളില്‍ കണ്ടിരുന്നത് . കുഞ്ഞാലിക്കുട്ടി വന്ന ദിവസം കണ്ണൂരില്‍ വന്‍ അക്രമങ്ങള്‍ നടന്നു . അന്ന് കേട്ട ഒരു വാര്‍ത്തയനുസരിച്ച് അതിനു കളമൊരുക്കിയത് ലീഗ് റാലിയില്‍ നുഴഞ്ഞു കയറിയ ( അതില്‍ തന്നെ ഉണ്ടായിരുന്ന ) മറ്റു ചിലരായിരുന്നുവെന്നാണ് .

ദേശാഭിമാനി ഓഫ്ഫീസിന്റെയടുത്ത് റാലി എത്തിയപ്പോള്‍ ഒരു വാഹനം റോഡില്‍ ബ്രേക്ക്ഡൌണായെന്ന രീതിയില്‍ കിടക്കുകയും അങ്ങനെ റാലി അല്പനേരം ബ്ലോക്കാകുകയും ചെയ്തു .( തളിപ്പറമ്പില്‍ മുസ്ലിം ലീഗ് സി പി എം സംഘട്ടനം നടക്കുന്ന സമയമാണ് ). സി പി എം തളിപ്പറമ്പിലെ പള്ളി ആക്രമിച്ചെന്നൊരു റൂമര്‍ അവിടെ പരക്കുന്നു . അതില്‍ പ്രകോപിതരായി ലീഗ് റാലിയിലുള്ളവര്‍ ദേശാഭിമാനി ഓഫീസ് ആക്രമിക്കുന്നു . ചുരുക്കത്തില്‍ ലീഗും സി പി എമ്മും തമ്മിലുള്ള തെരുവ് യുദ്ധത്തിലേക്ക് ഈ സംഭവം വഴിമാറുന്നു .

അല്പസമയം കഴിഞ്ഞപ്പോള്‍ ഞാന്‍ താമസിക്കുന്ന വീടിനു പുറത്ത് റോഡില്‍ നിരവധി സി പി എം പ്രവര്‍ത്തകര്‍ ഒരുമിച്ചു . അത്യാവശ്യം സധന സാമഗ്രികളും കയ്യിലുണ്ട് . ആ റോഡ് വഴിയാണ് ലീഗ് പരിപാടിയില്‍ പങ്കെടുത്ത നിരവധി വാഹനങ്ങള്‍ക്ക് തിരിച്ചു പോകേണ്ടത് . അത് വഴിപോയ ഒറ്റ ബസ്സിനേയും അവര്‍ കല്ലെറിയാതെ വിട്ടില്ല ( രാത്രി ഏറെ വൈകിയാണ് സംഭവം - ലൈന്‍ ബസ്സുകളൊന്നും നിരത്തിലില്ല ) .

കാസര്‍ഗോഡ് സംഭവവും ഈയൊരു കാഴ്ചപ്പാടില്‍ വേണം കാണാന്‍ . അവിടെയും ഏകദേശം ഇതുപോലെതന്നെയായിരുന്നു കാര്യങ്ങള്‍ നടന്നത് . ലീഗിന്റെ ഉന്നത നേതാക്കള്‍ വന്ന ഒരു റാലിയില്‍ നിന്നും അങ്ങനെയൊരു പ്രതികരണം സാധാരണ ഉണ്ടാകാന്‍ സാധ്യതയില്ല . അന്നത്തെ പത്ര റിപ്പോര്‍ട്ടുകള്‍ പ്രകാരം ഒരു സംഘം ആള്‍ക്കാരാണ് അക്രമ പ്രവര്‍ത്തനങ്ങള്‍ക്ക് തുടക്കമിട്ടതെന്നാണ് കാണുന്നത് . ഇപ്പോള്‍ പുറത്തുവന്ന മൊഴികളിലും അങ്ങനെയൊരു പരാമര്‍ശമുണ്ടെന്നു തോന്നുന്നു .

പോപ്പുലര്‍ ഫ്രന്‍ഡിന്റെ പഴയ രൂപമാ‍യ എന്‍ ഡി എഫ് പ്രവര്‍ത്തകര്‍ ഡി വൈ എഫ് ഐയിലും പ്രവര്‍ത്തിച്ചിരുന്നു . പകല്‍ ഡി വൈ എഫ് ഐ - രാത്രിയില്‍ എന്‍ ഡി എഫ് . പല പാര്‍ട്ടിക്കമ്മറ്റികളിലും ഈ വിഷയം ചര്‍ച്ചയായിട്ടുള്ളതുമാണ് . എങ്കിലും പൊതുശത്രുവിനെ നേരിടാനുള്ള വ്യഗ്രതയില്‍ ( അതോടൊപ്പം മുസ്ലിം ലീഗെന്ന രാഷ്ട്രീയ എതിരാളികളെ തളര്‍ത്താന്‍ ) അറിഞ്ഞും അറിയാതെയും പാലു കൊടുക്കുന്ന പരിപാടിയായിരുന്നു സി പി എമ്മും ചെയ്തിരുന്നത് . പിന്നീട് കണ്ണൂരില്‍ നടന്ന ഫസല്‍ കൊലക്കേസുമായി ബന്ധപ്പെട്ടാണ് എന്‍ ഡി എഫുമായി സി പി എം തെറ്റുന്നത് . (അതിന്റെ അര്‍ത്ഥം അതുവരെ അവര്‍ തമ്മില്‍ സംഘട്ടനമൊന്നും നടന്നില്ലെന്നല്ല - അങ്ങനെ നോക്കിയാല്‍ സി പി എം കാര്‍ കൂടെ നില്‍ക്കുന്ന സി പി ഐക്കാരെയും തല്ലാറുണ്ട് ) തുടര്‍ന്നിങ്ങോട്ട് സി പി എമ്മിലുള്ള എന്‍ ഡി എഫിന്റെ പകല്‍ രാത്രി ബന്ധങ്ങള്‍ക്ക് കുറവു വന്നു .

സി പി എമ്മില്‍ അതിന്റെ പ്രത്യേക സ്വഭാവം കൊണ്ട് തങ്ങളുദ്ദേശിക്കുന്ന രീതിയില്‍ നുഴഞ്ഞു കയറാനോ സ്വന്തം അജന്‍ഡകള്‍ കൂടി നടപ്പിലാക്കാനോ പോപ്പുലര്‍ ഫ്രന്‍ഡിനു കഴിഞ്ഞില്ല . കൊടുങ്ങല്ലൂരിലും കണ്ണൂരിലുമൊക്കെ ചില സംഘട്ടനങ്ങളിലും പിന്നെ പോലീസ് കേസ് സംബന്ധമായ സഹായങ്ങള്‍ക്കും ഉപകരിക്കപ്പെട്ടെന്നല്ലാതെ ഒരു ദീര്‍ഘകാല നേട്ടം അതുകൊണ്ടുണ്ടാവില്ലെന്ന് അവര്‍ മനസ്സിലാക്കി .അല്ലെങ്കില്‍ അത്രയൊക്കെയെ അവരും പ്രതീക്ഷിച്ചുള്ളൂ എന്നു വേണമെങ്കില്‍ കരുതാം . മറ്റു സംഘടനകളെ കൂടെ നിര്‍ത്തി സ്വന്തം കാര്യം നേടുകയും അതോടൊപ്പം ആ സംഘടനകളെ തളര്‍ത്തുകയും ചെയ്യുന്ന സി പി എം നയം തങ്ങള്‍ക്കു ദോഷമുണ്ടാക്കാനേ സാധ്യതയുള്ളൂവെന്ന് പോപ്പുലര്‍ ഫ്രണ്ടുകാര്‍ തിരിച്ചറിഞ്ഞതുമാകാം കാരണം .എന്തായാലും ‘വര്‍ഗീയ ഫാസിസ്റ്കളെ‘ എതിര്‍ക്കാന്‍ പഴയതുപോലെയുള്ള ഒരു സഹകരണം ഇവര്‍ തമ്മിലില്ല എന്നു മാത്രമല്ല പലയിടത്തും തമ്മില്‍ സംഘട്ടനങ്ങളും പതിവായി ( വേലിയേലിരുന്ന പാമ്പിനെ .. എന്നു തുടങ്ങുന്ന ചൊല്ല് ഇവിടെ അര്‍ത്ഥവത്താണ് )

മുസ്ലിം ലീഗെന്ന താരതമ്യേന മൌലികവാദം കുറവുള്ള പ്രസ്ഥാനം നിലനില്‍ക്കുന്നിടത്തോളംകാലം സ്വന്തം അജന്‍ഡയ്ക്കനുസരിച്ച് , കേരളത്തിന്റെ സവിശേഷ സാഹചര്യത്തില്‍ തങ്ങള്‍ക്ക് ഉദ്ദേശിക്കുന്ന രീതിയില്‍ വളരാനോ , രാജ നൈതിക രംഗത്ത് ശക്തമായ പ്രാതിനിധ്യം നേടിയെടുക്കാനോ കഴിയുകയില്ലെന്ന് മനസ്സിലാക്കിയ പോപ്പുലര്‍ ഫ്രന്‍ഡ് , കളം മാറ്റിച്ചവിട്ടി മുസ്ലിം ലീഗുമായി സഹകരിച്ച് മുന്നേറുകയെന്നൊരു നയമാണ് ഇപ്പോള്‍ സ്വീകരിക്കുന്നത് . കേരളത്തിലെ മുസ്ലിം ജന വിഭാഗത്തിന്റെ നല്ലൊരു ശതമാനം ലീഗിലാണെന്നതു കൊണ്ട് തങ്ങള്‍ക്കുള്ള വെള്ളവും വളവും അവിടെ നിന്നു വലിച്ചെടുക്കാമെന്നുള്ള സാമാന്യമായ , സ്വാഭാവികമായ തന്ത്രം മാത്രമാണത് . നരിക്കാട്ടേരി സ്ഫോഡനത്തിലും ആ ബന്ധം പുറത്തു വന്നിരുന്നു . ഇതിനെ എതിര്‍ക്കുന്നതുകൊണ്ടാണ് ലീഗിലെ കെ എം ഷാജിയെപ്പോലുള്ളവര്‍ക്കെതിരെ സംഘപരിവാര ബന്ധമാരോപിക്കുന്നത് . ഇരവിപുരത്ത് കെ എം ഷാജി സ്ഥാനാര്‍ത്ഥിയായിരുന്നപ്പോള്‍ വീടു വീടാന്തരം കയറി ഇതെ ബന്ധമാരോപിച്ച് ഷാജിക്കെതിരെ പ്രചരണം നടത്തിയിരുന്നു അന്ന് എന്‍ ഡി എഫ് .

റിപ്പോര്‍ട്ടര്‍ ചാനലിലെ സംവാദത്തില്‍ “ മുസ്ലിം ലീഗിനു ഇങ്ങനെ കലാപമുണ്ടാക്കി നേട്ടങ്ങളൊന്നും ലഭിക്കാന്‍ പോകുന്നില്ല“ എന്ന ഓ അബ്ദുള്ളയുടെ വാദത്തോട് യോജിക്കാതിരിക്കാനാകില്ല . നേട്ടമുണ്ടാകുന്നത് , ഉണ്ടാക്കാന്‍ ശ്രമിക്കുന്നത് താന്‍ പലപ്പോഴും പിന്താങ്ങിയിട്ടുള്ള മറ്റൊരു പ്രസ്ഥാനത്തിനാണെന്ന് അറിയാത്തവരല്ലല്ലോ ഓ അബ്ദുള്ളയെപ്പോലെയുള്ളവര്‍.

പി എസ്: വര്‍ഷങ്ങള്‍ക്കു മുന്‍പ് മാതൃഭൂമിയില്‍ ഓ അബ്ദുള്ള ലേഖനങ്ങളെഴുതിയിരുന്നു . ആ ലേഖനങ്ങളാകട്ടെ അതിന്റെ കാഴ്ചപ്പാട് കൊണ്ട് വ്യത്യസ്തങ്ങളായിരുന്നു (അന്ന് ഒളിച്ചു കടത്തല്‍ പ്രത്യയ ശാസ്ത്രത്തിന്റെ വക്താവായിരുന്നതു കൊണ്ടാണോയെന്നറിയില്ല ) , എന്നാല്‍ കാശ്മീര്‍ പ്രശ്നവുമായി ബന്ധപ്പെട്ടുള്ള ഒരു ദൂരദര്‍ശന്‍ ചര്‍ച്ചയില്‍ ഇദ്ദേഹത്തിന്റെ വാദങ്ങള്‍ കണ്ട് അദ്ഭുതപ്പെട്ടു പോയി ,. കാശ്മീരില്‍ പണ്ഡീറ്റുകള്‍ ആക്രമിക്കപ്പെട്ടിട്ടില്ലെന്നും ഇങ്ങനെയൊരു പ്രശ്നം ഉണ്ടാക്കാന്‍ വേണ്ടി ബി ജെ പിക്കാര്‍ പണ്ഡിറ്റുകളെ അവര്‍ കാശ്മീരില്‍ ചെയ്തിരുന്ന അതേ ജോലി കൊടുത്ത് ഡല്‍ഹിയില്‍ കൊണ്ട് താമസിപ്പിക്കുകയായിരുന്നെന്നുമാണ് അന്നദ്ദേഹം പറഞ്ഞത് . അദ്ദേഹത്തിന്റെ ലേഖനങ്ങള്‍ തേജസ്സില്‍ വന്നു തുടങ്ങിയ സമയമായിരുന്നു . സ്വാധീനിക്കപ്പെട്ട പ്രത്യയശാസ്ത്രത്തിനനുസരിച്ച് എഴുത്തിലും മാറ്റം വരാം . സ്വാഭാവികം .

മുംബൈ ആക്രമണം :- ദേശദ്രോഹ സിദ്ധാന്തങ്ങളും രാഷ്ട്രീയവും

2010-11-26T04:41:00.000-08:00

ഭാരതത്തിന്റെ പരമാധികാരത്തിനു നേരെ വെല്ലുവിളികളുയര്‍ത്തിയ ഭീകരാക്രമണത്തിനു ഇന്നേക്കു രണ്ടു വയസ്സു തികയുകയാണ് . സ്വാതന്ത്ര്യത്തിനു ശേഷം ആന്തരികമായും ബാഹ്യമായും ഒട്ടനവധി പ്രതിസന്ധികളെ അഭിമുഖീകരിക്കേണ്ടി വന്നുവെങ്കിലും അതില്‍ നിന്നെല്ലാം കൂടുതല്‍ കരുത്തും നിശ്ചയദാര്‍ഢ്യവുമുള്‍ക്കൊണ്ട് ഉയിര്‍ത്തേഴുന്നേല്‍ക്കല്‍ രാഷ്ടസ്വഭാവമായിരുന്നുവെന്നതില്‍ സംശയമില്ല. എങ്കിലും സത്യം ചെരിപ്പിടുമ്പോഴേക്കും നുണ ലോകം ചുറ്റിവരുമെന്നുള്ള ചൊല്ലുകളെ അര്‍ത്ഥവത്താക്കുന്ന വിധത്തിലായിരുന്നു മുംബൈ ആക്രമണത്തെക്കുറിച്ച് കഴിഞ്ഞ രണ്ടുവര്‍ഷമായി രാജ്യത്തിന്റെ പല കോണുകളില്‍ നിന്നുയര്‍ന്ന പ്രതികരണങ്ങള്‍. ഒരു അന്തര്‍ദ്ദേശീയ പ്രശ്നമായി മാറിയ സംഭവത്തില്‍ സ്വന്തം രാഷ്ട്രത്തിന്റെ നിലപാടെന്തായിരുന്നുവെന്നോ , അതിന്റെ അടിസ്ഥാനമെന്തെന്നോ അല്ലെങ്കില്‍ അതിനു അധാരമാക്കിയ തെളിവുകളെന്തെന്നോ അറിയാന്‍ ശ്രമിക്കാതെ , അഥവാ ശ്രമിച്ചാല്‍ തന്നെ സ്വാര്‍ത്ഥ താത്പര്യങ്ങള്‍ക്കു വേണ്ടി അതിനെ പുകമറയ്ക്കുള്ളിലാക്കി തിയറികള്‍ പടച്ചുണ്ടാക്കലായിരുന്നു രാജ്യത്തെ ഒരു വിഭാഗം മാധ്യമങ്ങളുടെയും മതമൌലികവാദികളുടെയും താത്പര്യവും ലക്ഷ്യവും.

മുംബൈ ആക്രമണം എങ്ങനെ ആസൂത്രണം ചെയ്തെന്നതിനും , അതിനു എതൊക്കെ രീതിയില്‍ അതിര്‍ത്തിക്കപ്പുറത്തു നിന്നു സഹായം ലഭിച്ചുവെന്നതിനും ശക്തമായ തെളിവുകള്‍ ഹാജരാക്കിത്തന്നെയാണ് ഇന്ത്യന്‍ അന്വേഷണ ഏജന്‍സികള്‍ മുന്നോട്ടു പോയതും കോടതിയില്‍ കുറ്റപത്രം സമര്‍പ്പിച്ചതും .അതിനെ ഇഴകീറി പരിശോധിച്ചതിനു ശേഷം തന്നെയാണ് വിധി പ്രഖ്യാപനമുണ്ടായതും . എന്നാല്‍ പ്രോസിക്യൂഷന്‍ വാദങ്ങളെന്തായിരുന്നെന്നോ അതിനവര്‍ ആധാരമാക്കിയ തെളിവുകളെന്തായിരുന്നെന്നോ പറയാതെ , മുംബൈയിലെ ഒരു വിരമിച്ച പോലീസുദ്യോഗസ്ഥന്റെ പുസ്തകം അടിസ്ഥാനമാക്കി പച്ചക്കള്ളങ്ങള്‍ പ്രചരിപ്പിക്കുകയായിരുന്നു ചില മാധ്യമങ്ങളുടെയും മത മൌലികവാദികളുടെയും ലക്ഷ്യം . അദ്ദേഹം മുംബൈയിലെ ഒരു ഉന്നത പോലീസുദ്യോഗസ്ഥനായിരുന്നു എന്നത് എടുത്തു പറഞ്ഞു കൊണ്ടുള്ള പ്രചരണം പറയുന്ന കാര്യങ്ങള്‍ വിശ്വാസയോഗ്യമാണെന്നു തോന്നിപ്പിക്കാനുതകുന്നതായിരുന്നു .

ഇത്രയൊക്കെ തെളിവുകള്‍ കയ്യിലുള്ള ഒരാള്‍ , അതും ഒരു ഉന്നത പോലീസുദ്യോഗസ്ഥനായിരുന്ന ഒരാള്‍ ഈ തെളിവുകളുമായി കോടതിയെ സമീപിക്കുകയല്ലേ ചെയ്യേണ്ടിയിരുന്നത് എന്നൊരു ചോദ്യം സ്വാഭാവികമാണ് . പക്ഷെ Who Killed Karkare എന്ന പുസ്തകം വായിക്കുമ്പോള്‍ മാത്രമേ ആ ചോദ്യത്തിനുള്ള ഉത്തരങ്ങള്‍ കിട്ടുകയുള്ളൂ. മുംബൈ ആക്രമണ സമയത്തെ പത്രവാര്‍ത്തകളെ അപഗ്രഥിച്ച് അദ്ദേഹം വേവിച്ചെടുത്ത നിഗമനങ്ങളാണ് Who Killed Karkare എന്ന കൊട്ടിഘോഷിക്കപ്പെട്ട പുസ്തകത്തിലുള്ളത് . കുറഞ്ഞ പക്ഷം കോടതിയില്‍ സമര്‍പ്പിക്കപ്പെട്ട കുറ്റപത്രം ഒരാവര്‍ത്തി വായിച്ചിരുന്നെങ്കില്‍ പല പച്ചക്കള്ളങ്ങളും അല്പം വിശ്വാസ യോഗ്യമായി അദ്ദേഹത്തിനു അവതരിപ്പിക്കാമായിരുന്നു .

മുംബൈ ആക്രമണത്തെ പറ്റിയുള്ള ഏതൊരു വാര്‍ത്തയിലും നിറയുന്ന അഭിപ്രായങ്ങളില്‍ ഈ പുസ്തകം വായിക്കാനുള്ള ആഹ്വാനം കാണാം . മലയാളം മീഡിയയിലാകട്ടെ അത് കൂടുതലാണു താനും . ഈയിടെയായി വിഷയം എന്തുമാകട്ടെ നിങ്ങള്‍ ഇതു വായിക്കൂ എന്നു പറയുന്ന കമ്മന്റുകള്‍ നെറ്റുലകത്തിലും കൂടി വരുന്നു . അതുകൊണ്ട് അന്തര്‍ദ്ദേശീയമായി ശ്രദ്ധനേടിയ ഒരു ഭീകരാക്രമണത്തില്‍ ഭാരതത്തിലെ അന്വേഷണ ഏജന്‍സികള്‍ എന്തു പറഞ്ഞുവെന്നതും അതില്‍ കോടതി എങ്ങനെ വിധിപറഞ്ഞു എന്നതും അറിയേണ്ടത് ഒരു പൌരന്റെ അവകാശവും ആവശ്യവുമാകുന്നു. അത് പൂര്‍ണ്ണമായും സാധിക്കുമോ എന്ന സന്ദേഹമുണ്ടെങ്കിലും ആവുന്നതു ശ്രമിക്കണമെന്ന തോന്നലില്‍ അറിയാവുന്നതു പറയുക എന്ന കടമ നിറവേറ്റുകയെന്നതാണ് ഈ പോസ്റ്റിന്റെയും ഇതിന്റെ തുടര്‍ ഭാഗങ്ങളുടെയും ലക്ഷ്യം .

രാഷ്ട്രരക്ഷയ്ക്കു വേണ്ടി നിയോഗിക്കപ്പെട്ട് , അതിനു വേണ്ടി ജീവന്‍ നല്‍കിയവരുടെ കുടുംബങ്ങള്‍ക്ക് ഇന്നത്തെ ദിവസം വേദനയുടേതായിരിക്കും .എങ്കിലും അവരുടെ കണ്ണീരിലും തിളങ്ങിനില്‍ക്കുന്നത് രാഷ്ട്രത്തോടുള്ള പ്രതിബദ്ധതയായിരിക്കുമെന്ന തിരിച്ചറിവാണ് ഇതെഴുതാനുള്ള പ്രേരണ. ഇതു വായിച്ച് മുംബൈ ആക്രമണത്തെപ്പറ്റി മത മൌലിക വാദ തിയറികള്‍ സൃഷ്ടിക്കുന്നവരുടെ മനസ്സുമാറുമെന്നുള്ള വ്യാമോഹമൊന്നുമില്ല . സത്യം അറിയുമെങ്കിലും അറിഞ്ഞുകൊണ്ടുതന്നെ അസത്യത്തിന്റെ തിയറികള്‍ പടച്ചുണ്ടാക്കുന്നതാണല്ലോ അവരുടെ ലക്ഷ്യവും മാര്‍ഗവും .

അതിര്‍‌‌ത്തിക്കപ്പുറത്തെ'മാധ്യമ'ങ്ങള്‍‌‌‌‌‌

2010-10-22T11:11:00.000-07:00

ജമ്മു കാശ്മീരിലെ വിഘടനവാദികള്‍  “ സ്വാതന്ത്ര്യം ഒരേ ഒരു മാര്‍ഗം : എന്ന വിഷയത്തില്‍ നടത്തുന്ന സെമിനാറിന് ചില മലയാള 'മാധ്യമ'ങ്ങള്‍   ബോധപൂര്‍വ്വം പ്രചാരം കൊടുത്തിരുന്നു. ഇന്ത്യയുടെ പരമാധികാരത്തിനു നേരേ   ഭീഷണിയുയര്‍ത്തുന്ന ലഷ്കര്‍ ഇ തോയ്ബയേയും , ജയ്ഷേ മുഹമ്മദിനെയുമൊക്കെ   വിശുദ്ധ പോരാളിക്കൂട്ടങ്ങളായി മഹത്വവല്‍ക്കരിക്കുന്ന ‘മാധ്യമ’ങ്ങള്‍ക്ക്   അതൊക്കെ സ്വാഭാവിക അജന്‍ഡകളാണ്. സ്വാതന്ത്ര്യം(?) കിട്ടിയാലും പാകിസ്ഥാന്റെ   കൂടെ പോയാലും ഈ ഭൂവിഭാഗത്തെ ജനങ്ങള്‍ ഇതില്‍ കൂടുതല്‍ കഷ്ടപ്പെടുമെന്ന്   അറിയാത്തവരല്ല ഇവരൊന്നും . ആറു പതിറ്റാണ്ടുകള്‍ക്ക് മുന്‍പ് ഇതേ പോലെ   സ്വാതന്ത്ര്യം നേടിപ്പോയ  മറ്റൊരു കൂട്ടരുടെ പരിതാപകരമായ അവസ്ഥ കാണുമ്പോള്‍   പ്രത്യേകിച്ചും. എങ്കിലും കാശ്മീര്‍ സ്വാതന്ത്ര്യത്തിനു വേണ്ടി   വാദിക്കുന്ന മിത തീവ്രവാദ ഗ്രൂപ്പുകളെ തങ്ങളാലാവും വിധം തലോടാനും    താലോലിക്കാനും ഇവരെന്നും മുന്നില്‍ തന്നെയായിരുന്നു. അതിന്റെ പിന്നിലെ   ചേതോവികാരം ഒരു മനുഷ്യാവകാശവുമല്ല മറിച്ച് മതമാണെന്ന കാര്യം പകല്‍ പോലെ   വ്യക്തവുമാണ്..

പക്ഷേ   “സ്വാതന്ത്ര്യം ഒരേ ഒരു മാര്‍ഗം “ എന്നു പറഞ്ഞ കാശ്മീര്‍ വിഘടനവാദികളേയും    അവരുടെ കുഴലൂത്തുകാരെയും  ഭാരത് മാതാ കീ ജയ് വിളികളുമായാണ് മറ്റൊരു  വിഭാഗം  കാശ്മീരികള്‍ എതിരേറ്റത് . രണ്ടു പതിറ്റാണ്ടുകളായി സ്വന്തം  മണ്ണില്‍  നിന്നു ആട്ടിയോടിക്കപ്പെട്ട കാശ്മീരി പണ്ഡിറ്റുകള്‍ തങ്ങള്‍  ഭാരതത്തോടൊപ്പം  നില്‍ക്കുന്നു എന്ന വ്യക്തമായ സന്ദേശം പ്രതിഷേധത്തിലൂടെ  അറിയിച്ചു .  വിഘടനവാദികളുടെ നേതാവിനു സമകാലീന  പ്രതിഷേധരൂപമായ  ചെരിപ്പേറ്   നേരിടേണ്ടിയും വന്നു .വംശഹത്യയുടെ നോവുകളില്‍ നിന്നും പുറത്തുവന്ന ആ   പ്രതിഷേധത്തെ മഹത്വവല്‍ക്കരിക്കാന്‍  പുരോഗമന പുമാന്മാ‍ര്‍ മുന്നോട്ടു   വരാഞ്ഞത് ബുഷിനെ എറിഞ്ഞ ഷൂവിനു സലാം കൊടുക്കുമ്പോള്‍ കിട്ടുന്ന “സജീവ   അന്തര്‍ധാരകള്‍“  ഇതിലില്ലാത്തതു കൊണ്ടായിരിക്കും 

മലയാളത്തിലെയും  ഇംഗ്ലീഷിലേയും ഒട്ടു മിക്ക പത്രങ്ങളിലും  പ്രതിഷേധ വാര്‍ത്ത  വന്നിരുന്നു.രണ്ടു സ്ക്രീന്‍ ഷോട്ടുകള്‍ താഴെ . ഒന്നു മതേതര മാധ്യമവും  മറ്റേത് മനുഷ്യാവകാശ പോരാളി പത്രമായ തേജസ്സും.

പണ്ഡിറ്റുകള്‍  മാധ്യമത്തിനു അക്രമികളായപ്പോള്‍ മാധ്യമത്തിലെ എഴുപതു പേര്‍ തേജസ്സില്‍  പത്തു പേരായി ചുരുങ്ങി .(  ആര്‍.എസ്സ്.എസ്സ് ന്റെ പ്രാന്ത സാംഘിക്കിലെ എണ്ണമെടുത്ത വിദ്വാനാണെന്നു തോന്നുന്നു ഇപ്പോളും തേജസ്സിലെ കണക്കെടുപ്പുകാരന്‍ )

കാശ്മീരിനു   സ്വാതന്ത്ര്യം വേണമെന്നു പറഞ്ഞ് ഡല്‍ഹിയില്‍ നടത്തിയ സെമിനാറിനോട്   പ്രതിഷേധിച്ചത് കാശ്മീരില്‍ നിന്നു തന്നെ ആട്ടിയോടിക്കപ്പെട് മറ്റൊരു   കൂട്ടം‌‌‌‌‌‌ കാശ്മീരികള്‍‌‌‌‌ തന്നെയാണ്. ഭാരതത്തിന്റെ കൂടെ നില്‍ക്കാന്‍   ഇഷ്ടപ്പെടുന്ന കാശ്മീരികളെ ആക്രമികളായി ചിത്രീകരിക്കുന്ന   വിഘടനവാദകുഴലൂത്തുകാരുടെ ഉദ്ദേശ്യം വേറെയാണ്. ആറു പതിറ്റാണ്ടിനു മുന്‍പ്    ഉണ്ടായ വിഘടനവാദ കോലാഹലത്തില്‍ നിന്നാണല്ലോ പാകിസ്താന്‍ എന്ന   രാജ്യത്തിന്റെ ജനനം . ആയിടയ്ക്ക് മൌലാനാ ആസാദ് സോഭാനി എന്ന വിഘടനവാദി പറഞ്ഞ   രസകരമായ ആഹ്വാനം ബാബാ സാഹിബ് തന്റെ പുസ്തകത്തില്‍ പറയുന്നുണ്ട് 

“വെറും   നാലരക്കോടി വരുന്ന ബ്രിട്ടീഷുകാര്‍ മുഴുവന്‍ ലോകത്തെയും വിഴുങ്ങി   ഭരിച്ചെങ്കില്‍ അവരെപോലെ തന്നെ ഉന്നതമായ വിദ്യാഭ്യാസവും ബുദ്ധിയുമുള്ള   ഇരുപത്തിരണ്ട് കോടി ഹിന്ദുക്കള്‍ നാളെ ശക്തരായാല്‍ മുസ്ലിം ഇന്ത്യ   മാത്രമല്ല മക്കയും മദീനയും തുര്‍ക്കിയും എന്നു വേണ്ട സകല മുസ്ലിം ലോകവും   വിഴുങ്ങിയേക്കാം . അതിനാല്‍ മുസ്ലിം ലീഗില്‍ ചേര്‍ന്ന് ആദ്യം ഇംഗ്ലീഷുകാരെ   കെട്ടു കെട്ടിക്കുക അതിനു ശേഷം അനായാസമായി നമുക്ക് ഇന്ത്യയില്‍ ഇസ്ലാമിക   ഭരണം നടപ്പാക്കാം . കോണ്‍ഗ്രസ്സ് മൌലവികളുടെ വാക്കുകളില്‍ വീഴരുത് ,22 കോടി ശത്രുക്കളുടെ കയ്യില്‍ മുസ്ലിം ഇന്ത്യ സുരക്ഷിതമല്ല “
(ബാബാ സാഹിബിന്റെ പുസ്തകത്തില്‍ മാത്രമല്ല പാകിസ്താനിലെ ആദ്യ പ്രധാനമന്ത്രി ലിയാഖത്ത് അലിഖാന്റെ  Pakistan - The Heart of Asia  എന്ന പുസ്തകത്തിലും സോഭാനിയുടെ ഈ ആഹ്വാനത്തെ പറ്റി പറഞ്ഞിട്ടുണ്ട്) 

ഇതുപോലെയുള്ള  ഹിമാലയന്‍ ബുദ്ധികളുടെ ജീനുകള്‍ ഇന്നും പാകിസ്താനിലുണ്ടല്ലോ.. സ്വന്തം  രാജ്യം അസ്ഥിരതയില്‍ പെട്ടുഴലുമ്പോളും ഭാരതത്തെ അസ്ഥിരമാക്കാന്‍  ശ്രമിക്കുന്നതിന്റെ പിന്നിലെ തായ്‌വേര് ഈ ചിന്താഗതിയുള്ള  ജീനില്‍ത്തന്നെയാണ്. 

Part II - ഇന്ത്യയിലെ അധിനിവേശ ആക്രമണചരിത്രം- അംബേദ്കറിലൂടെ

2010-08-25T12:29:00.000-07:00

ഇന്ത്യന്‍ അധിനിവേശത്തിനു വേണ്ടിയും അതിനു ശേഷവും സ്വീകരിച്ച കിരാത നടപടികളുടെ അനന്തര ഫലങ്ങള്‍ ഗുരുതരമായിരുന്നു. ഹിന്ദു - മുസ്ലിം സമൂഹങ്ങള്‍ക്കിടയിലുണ്ടായ അകല്‍ച്ച അതിലൊന്നു മാത്രം. ഒരു നൂറ്റാണ്ടുകാലത്തെ രാഷ്ട്രീയ ജീവിതം ഈ അകല്‍ച്ച ഇല്ലാതാക്കാനെന്നതു പോയിട്ടു കുറയ്ക്കാന്‍ പോലും അപര്യാപ്തമായിരുന്നു. ക്ഷേത്രങ്ങളുടെ നശിപ്പിക്കല്‍‌‌‌‌‌‌, നിര്‍‌‌ബന്ധിത മത പരിവര്‍‌‌ത്തനം‌‌‌‌‌‌, വസ്തുവകകള്‍‌‌‌‌ നശിപ്പിക്കല്‍‌‌‌‌‌‌‌‌‌‌‌‌‌‌‌‌‌‌, അരും കൊലകള്‍ , സ്ത്രീകളും കുട്ടികളും അനുഭവിക്കേണ്ടി വന്ന കണക്കില്ലാത്ത പീഢനങ്ങള്‍ തുടങ്ങിയ മുറിവുകളുടെ ഓര്‍മകള്‍ പച്ചയായി തന്നെ നില്‍ക്കുമ്പോള്‍ അതില്‍ അത്ഭുതപ്പെടേണ്ട കാര്യമില്ല തന്നെ . ഇവയൊക്കെ മുസ്ലിങ്ങള്‍ക്കു അഭിമാനകരവും ഹിന്ദുക്കള്‍ക്ക് അപമാനകരവും ആയിരിക്കുമ്പോള്‍ പ്രത്യേകിച്ചും .(അംബേദ്കര്‍ , പാകിസ്താന്‍ ഓര്‍ ദി പാര്‍ട്ടീഷന്‍ ഓഫ് ഇന്ത്യ )

ഇന്ത്യാ വിഭജനത്തിനു വഴി തെളിച്ച കാരണങ്ങളെ പറ്റി വ്യക്തമായി അപഗ്രഥിച്ചെഴുതിയ പുസ്തകമാണ് ശ്രീ ബാബാ സാഹെബ് അംബേദ്കറിന്റെ “പാകിസ്താന്‍ ഓര്‍ ദി പാര്‍ട്ടീഷന്‍ ഓഫ് ഇന്ത്യ “ എന്നത് അതിലെ ഓരോ പേജുകളിലൂടെ കടന്നു പോകുമ്പോഴും നമുക്ക് മനസ്സിലാകും. വിഭജനത്തിന്റെ സമയത്ത് നിലനിന്നിരുന്ന (ഒരു പക്ഷേ ഇന്നും തുടര്‍ന്നു പോരുന്ന) മതങ്ങള്‍ തമ്മിലുള്ള വിടവിന്റെ കാരണം കേവലം ഒരു നൂറ്റാണ്ടിനിടയ്ക്കുണ്ടായതല്ല (ചിലര്‍ വാദിക്കുന്നത് പോലെ 1925 നു ശേഷമല്ല )എന്ന് അദ്ദേഹം വ്യക്തമായി പറയുന്നു. മതാന്ധരായ അധിനിവേശ ശക്തികള്‍ ചെയ്തു കൂട്ടിയ കിരാത നടപടികള്‍ തന്നെയാണ് തലമുറകള്‍ കൈമറിഞ്ഞ് ഒടുവില്‍ വിഭജനത്തിനും അതിനോടനുബന്ധിച്ചുണ്ടായ രക്ത ചൊരിച്ചിലുകള്‍ക്കും കാരണമായതെന്ന് പുസ്തകത്തില്‍ അദ്ദേഹം വ്യക്തമാക്കുന്നു.

ഈ വിഷയത്തിലുള്ള ആദ്യ പോസ്റ്റ് ഇന്ത്യയിലെ അധിനിവേശ ആക്രമണചരിത്രം- അംബേദ്കറിലൂടെ

മുഹമ്മദ് ബിന്‍ കാസിമില്‍ തുടങ്ങി ഗസ്നിയിലൂടെയും ഗോറിയിലൂടെയും ഗതിവേഗം കൈവരിച്ച് ഭാരതത്തിലെ ഒരു സമൂഹത്തെ വംശഹത്യ നടത്തിയ അധിനിവേശ മതാന്ധതയെ പറ്റി തുടര്‍ന്നുള്ള പേജുകളില്‍ വിവരിക്കുന്നതിങ്ങനെ...

മുഹമ്മദ് ഗസ്നിയുടെ ചരിത്രകാരന്‍ അല്‍ ഉത്ബി ഗസ്നിയുടെ പടയോട്ടത്തെ പറ്റി ഇങ്ങനെ പ്രസ്താവിച്ചു.“അദ്ദേഹം വിഗ്രഹങ്ങളുള്ള ക്ഷേത്രങ്ങള്‍ പൊളിച്ച് അവിടെ ഇസ്ലാം സ്ഥാപിച്ചു. നഗരങ്ങളെ കീഴടക്കി , വിഗ്രഹാരാധകരെ ഉന്മൂലനം‌‌‌‌‌‌ ചെയ്ത് സ്വസമൂഹത്തെ സന്തോഷിപ്പിച്ചു.തിരിച്ച് സ്വന്തം നാട്ടിലെത്തി ഇസ്ലാമിനു വേണ്ടി താന്‍ ചെയ്ത കാര്യങ്ങള്‍ ഉദ്ഘോഷിക്കുകയും അതോടൊപ്പം ഓരോ വര്‍ഷവും താന്‍ ഹിന്ദു സ്ഥാനത്തോട് വിശുദ്ധയുദ്ധം ചെയ്യുമെന്ന് പ്രതിജ്ഞ ചെയ്യുകയും ചെയ്തു.

ഗസ്നിയുടെ പാത പിന്തുടര്‍ന്ന മുഹമ്മദ് ഗോറിയുടെ പടയോട്ടം ഹസ്സന്‍ നിസ്സമിയെന്ന ചരിത്രകാരന്‍ ഇങ്ങനെ രേഖപ്പെടുത്തുന്നു.” ബഹുദൈവാരാധനയുടെയും ബിംബാരാധനയുടെയും മുള്ളുകളില്‍ നിന്ന് ഹിന്ദുസ്ഥാനത്തെ അദ്ദേഹം മോചിപ്പിച്ചു .അദ്ദേഹത്തിന്റെ പോരാട്ടവീര്യം ക്ഷേത്രങ്ങളെ ഒന്നൊഴിയാതെ മണ്ണോടു മണ്ണു ചേര്‍‌‌ത്തു.

മംഗോള്‍ വംശജനായ തിമൂര്‍ ആക്രമണം നടത്തിയതിന്റെ കാരണം ,അവിശ്വാസികളെ സത്യവിശ്വാസത്തില്‍ ചേര്‍ത്ത് ക്ഷേത്രങ്ങള്‍ തകര്‍ത്ത് , വിഗ്രഹങ്ങളെ പറിച്ചെറിഞ്ഞ് ഹിന്ദു സ്ഥാനത്തെ അവിശ്വാസത്തില്‍ നിന്നും, ബഹുദൈവാരാധകരില്‍ നിന്നും സ്വതന്ത്രമാക്കുക എന്നതായിരുന്നു പോലും .

മുഹമ്മദ് ഭക്ത്യാര്‍ ഖില്‍ജിയുടെ നളന്ദ ആക്രമണങ്ങളും തല മുന്‍ഡനം ചെയ്ത ബ്രാഹ്മണരെ (ബുദ്ധിസ്റ്റ്സ്) കൊന്നൊടുക്കി നളന്ദ സരവകലാശാല തീവെച്ചു നശിപ്പിച്ചതും ചരിത്രകാരന്മാരെ ഉദ്ധരിച്ചു കൊണ്ട് അംബേദ്കര്‍ വിവരിക്കുന്നുണ്ട്. സോമനാഥ ക്ഷേത്രം ആക്രമിച്ചതിനു ശേഷം അവിടെയുള്ള വിഗ്രഹത്തെ നാലു കഷണങ്ങളാക്കി ഒരു ഭാഗം ഗസ്നിയിലെ മസ്ജിദിലും മറ്റു രണ്ടു ഭാഗങ്ങള്‍ മെക്കയിലേക്കും മെദീനയിലേക്കും അയച്ചെന്നും ഒരു ഭാഗം രാജകൊട്ടാരത്തിന്റെ പ്രവേശന കവാടത്തില്‍ ചവിട്ടു പടിയായി ഉപയോഗിച്ചെന്നും ചരിത്രകാരന്‍ മിന്‍ ഹാജ് - സിറാജ് രേഖപ്പെടുത്തിയിട്ടുണ്ടത്രെ .

മുഹമ്മദ് ബിന്‍ കാസിമാകട്ടെ അതിലും നീചമായ ബുദ്ധിയാണ് പ്രയോഗിച്ചത് . മുള്‍ട്ടാനിലെ ക്ഷേത്രം അവിടെ ലഭിക്കുന്ന അസാമാന്യമായ വരുമാനം കാരണം നശിപ്പിച്ചില്ല പകരം ക്ഷേത്രത്തിലെ വിഗ്രഹത്തിന്റെ കഴുത്തിനു ചുറ്റും പശുവിന്റെ കുടല്‍മാല നിക്ഷേപിച്ച് അദ്ദേഹം കൃതാര്‍ത്ഥനായി !!

കുത്തബ്ദീന്‍ ഐബക് , അലാവുദ്ദീന്‍ ഖില്‍ജി തുടങ്ങിയ ആക്രമണകാരികളും ഒട്ടും വ്യത്യസ്തരായിരുന്നില്ല .ആയിരക്കണക്കിനു ക്ഷേത്രങ്ങള്‍ കുത്തബ്ദീന്‍ ഐബക്ക് തകര്‍ത്തതായി പറയപ്പെടുന്നു . അലാവുദ്ദീന്‍ ഖില്‍ജിയും ഇതേ പാത പിന്തുടര്‍ന്നുവെന്ന് അമീര്‍ കുസ്രു സാക്ഷ്യപ്പെടുത്തുന്നു. വടക്കന്‍ ഭാരതത്തില്‍ തന്റെ മുന്‍ ഗാമികള്‍ ചെയ്തതെന്തെല്ലാമോ അതെല്ലാം അലാവുദ്ദീന്‍ തെക്കന്‍ ഭാരതത്തില്‍ നടത്തിയത്രെ .

പ്രണയിനിക്കു വേണ്ടി താജ്മഹല്‍ കെട്ടിപ്പൊക്കിയ ഷാജഹാന്‍ ചക്രവര്‍ത്തി നടത്തിയ ക്ഷേത്ര ധ്വംസനങ്ങള്‍ “ ഷാജഹാന്‍ നാമ “ യില്‍ ഇങ്ങനെ വിവരിക്കുന്നതായി പുസ്തകത്തില്‍ പറയുന്നു.

“അക്ബറുടെ ഭരണകാലത്ത് ബനാറസില്‍ ഹിന്ദുക്കള്‍ ക്ഷേത്രങ്ങള്‍ പുതുക്കി പണിഞ്ഞു തുടങ്ങിയിരുന്നെങ്കിലും മുഴുമിക്കാനായില്ല . അവിശ്വാസികള്‍ ഇപ്പോള്‍ അത് പൂര്‍ത്തീകരിക്കാന്‍ വേണ്ടി ശ്രമിക്കുന്നുണ്ടെന്ന് ബാദ്ഷാ അറിഞ്ഞു.. വിശ്വാസ സംരക്ഷകനായ അദ്ദേഹം ഉടന്‍ തന്നെ അവയെല്ലാം തകര്‍ക്കാന്‍ ആജ്ഞ നല്‍കി . അന്നു തന്നെ അവിശ്വാസികളുടെ കേന്ദ്രമായ ബനാറസിലെ 76 ക്ഷേത്രങ്ങള്‍ പൊളിച്ചടുക്കി.“

അലാവുദ്ദീന്റെ ഭരണകാലത്താകട്ടെ അവിശ്വാസികളുടെ മേല്‍ ഭീമമായ നികുതി (ജസിയ)ചുമത്തി.അക്ബറുടെ ഭരണകാലത്തൊഴികെ മറ്റെല്ലാ ഇസ്ലാമിക ഭരണകാലത്തും അതു തുടര്‍ന്നു പോരുകയും ചെയ്തു . ഇസ്ലാമിക ഭരണാധികാരികളുടെ തന്ത്രങ്ങളുടെ നടപ്പാക്കലായിരുന്നു ജസിയ കൊണ്ടുദ്ദേശിച്ചതെന്ന് അംബേദ്കര്‍ പറയുന്നു. ഇസ്ലാമിക ഭരണത്തില്‍ അവിശ്വാസികളുടെ അവസ്ഥ എന്തായിരിക്കണമെന്ന അലാവുദ്ദീന്‍ ഖില്‍ജിയുടെ ചോദ്യത്തിനു ഖാസി ഇങ്ങനെ മറുപടി നല്‍കിയത്രെ

നികുതിപിരിക്കുന്നവര്‍ വെള്ളി ചോദിച്ചാല്‍ അങ്ങേയറ്റം ബഹുമാനത്തോടെ അവര്‍ സ്വര്‍ണ്ണം കൊടുക്കേണ്ടവരാണ്.അവരുടെ വായിലേക്ക് ഈ ഉദ്യോഗസ്ഥര്‍ ചെളിയെറിഞ്ഞാല്‍ യാതൊരു വിമുഖതയുമില്ലാതെ അവര്‍ അത് സ്വീകരിക്കേണ്ടതാണ്.ഇസ്ലാമിനെ പ്രകീര്‍ത്തിക്കുക അവരുടെ കടമയാണ്. ഹിന്ദുക്കളെ അടിച്ചമര്‍ത്തേണ്ടത് എന്തു കൊണ്ടെന്നാല്‍ അവര്‍ പ്രവാചകന്റെ ശത്രുക്കളാണ്.അതു കൊണ്ട് അദ്ദേഹത്തിന്റെ (പ്രവാചകന്റെ) ആജ്ഞയ്ക്ക് വിധേയരായി അവരെ കൊള്ളയടിക്കേണ്ടതും വധിക്കേണ്ടതും നമ്മുടെ മതപരമായ കര്‍ത്തവ്യമാണ്. ഒന്നുകില്‍ അവരെ സത്യ വിശ്വാസികളാക്കുക , അല്ലെങ്കില്‍ കൊല്ലുകയും അവരുടെ ധനത്തെ ഇല്ലാതാക്കുകയും ചെയ്യുക . ജസിയ അല്ലെങ്കില്‍ അവര്‍ക്കു മുന്നില്‍ രണ്ടുവഴികള്‍ മാത്രം ഒന്നുകില്‍ ഇസ്ലാം അല്ലെങ്കില്‍ മരണം

ഈ അക്രമണകാരികളെല്ലാം, വിശുദ്ധയുദ്ധത്തില്‍ പിടിച്ചെടുത്ത സ്ത്രീകളെ പങ്കിട്ടെടുക്കുകയും പുരുഷന്മാരെ അടിമകളാക്കി വില്‍ക്കുകയും ചെയ്തിരുന്നു. ഇസ്ലാം സ്വീകരിക്കുവാന്‍ വിസമ്മതിക്കുന്നവര്‍ക്ക് ഫലം മരണമായിരുന്നു.ഇന്ത്യയിലെ സാംസ്കാരിക സാമൂഹ്യ മേഖലകളില്‍ ദൂരവ്യാപകമായ പ്രത്യാഘാതങ്ങള്‍ക്ക് വഴിതെളിച്ചവയായിരുന്നു അവിശ്വാസികളെ തകര്‍ക്കാന്‍ വേണ്ടി ഇസ്ലാമിക അധിനിവേശ ആക്രമികള്‍ നടത്തിയ പടയോട്ടങ്ങളെന്ന് ബാബാ സാഹേബ് അംബേദ്കര്‍ പുസ്തകത്തില്‍ വിശദമാക്കുന്നു.ഈ പ്രത്യാഘാതങ്ങളാണ് രണ്ട് സമൂഹങ്ങളെ അകറ്റിയതും അതു വഴി ഇന്ത്യയുടെ വിഭജനത്തിന് പ്രേരണയായതും .

നോക്കൂ . ഈ ലഷ്കര്‍ എന്തു നല്ലവരാണെന്നോ !!

2010-08-19T03:03:00.000-07:00

ഇത്രയും ദുരിതാശ്വാസം നടത്തുന്ന ലഷ്കര്‍ പ്രവര്‍ത്തകരെയാണോ നിങ്ങളൊക്കെ തീവ്രവാദികളെന്നു വിളിക്കുന്നത് . ഞങ്ങളെഴുതുന്നത് നോക്കൂ..

അതിര്‍ത്തി കടന്ന് കുറെ ഇന്ത്യാക്കാരെ ആക്രമിക്കുന്നുവെന്നല്ലാതെ ഈ പോരാളികള്‍ എന്തു ചെയ്തെന്നാണ് നിങ്ങളീ പറയുന്നത് . ??

ഈ പോരാളികള്‍ എന്നൊക്കെ പറഞ്ഞാല്‍ ദാ ഇങ്ങനെ വേണം..

പോരാളികള്‍ എന്നു വിളിക്കപ്പെടുന്നതെന്താണെന്ന് വിശദ്മായി തന്നെ തേജസ്സ് ഈ എഡിറ്റോറിയലില്‍ പറഞ്ഞിട്ടുണ്ട്.

അപ്പോള്‍ ആരുടെ അധിനിവേശത്തിനെതിരെയാണ് കാശ്മീരിലെ വിശുദ്ധ പോരാളികള്‍ പോരാട്ടം നടത്തുന്നത് . ഇന്ത്യയുടെ അധിനിവേശത്തിനെതിരെ ആയിരിക്കും അല്ലേ തേജസേ ????

ഇന്ത്യയിലെ അധിനിവേശ ആക്രമണചരിത്രം- അംബേദ്കറിലൂടെ

2010-08-13T05:07:00.000-07:00

ഇന്ത്യയെ ആക്രമിക്കാന്‍ വന്ന മുസ്ലിം അധിനിവേശക്കാര്‍ അതിനു വേണ്ടി എത്രത്തോളം യുദ്ധമുണ്ടാക്കിയോ അത്രത്തോളം തന്നെ യുദ്ധം അവര്‍ തമ്മിലും നടത്തിയിരുന്നു. മുഹമ്മദ് ഗസ്നിയും ബാബറും താര്‍ത്താറിയായിരുന്നു. തിമൂര്‍ മംഗോള്‍ വംശജനും. മുഹമ്മദ് ഗോറിയും അഹമ്മ്ദ് ഷാ അബ്ദാലിയും നാദിര്‍ഷായും അഫ്ഗാനികളായിരുന്നു. ഒരോ അധിനിവേശത്തിലും ഒരാള്‍ക്ക് മറ്റുള്ളവരെ തോല്‍പ്പിക്കണമായിരുന്നു.ഇവര്‍ തമ്മില്‍ മുസ്ലിം ആയതു കൊണ്ടുള്ള ഒരു സ്നേഹബന്ധവും സാഹോദര്യവും നിലനിന്നിരുന്നുമില്ല .എന്നാല്‍ മനസ്സില്‍ വെക്കേണ്ട ഒരു പ്രധാനപ്പെട്ട വിഷയം എത്രയൊക്കെ തമ്മിലടികള്‍ ഉണ്ടായിരുന്നെങ്കിലും ഇവരെല്ലാം ഒരു കാര്യത്തില്‍ ഒരുമിച്ചിരുന്നു. ഹിന്ദു വിശ്വാസത്തെ നശിപ്പിക്കുന്ന കാര്യത്തില്‍ !!

ഇന്ത്യയുടെ ഭരണഘടനാ ശില്പിയും , രാഷ്ട്ര തന്ത്രജ്ഞനും സര്‍വ്വോപരി ,ഹിന്ദുവിലെ ജാതീയതയെ തുറന്നെതിര്‍ത്ത് അതില്‍ മനം നൊന്ത് അനുയായികളോടൊപ്പം ബുദ്ധിസത്തെ പുല്‍കിയ മഹാനായ അംബേദ്കര്‍ “പാകിസ്റ്റാന്‍ -പാര്‍ട്ടീഷന്‍ ഒഫ് ഇന്ത്യ “എന്ന പുസ്തകത്തിലൂടെ എഴുതിയ വരികളാണ് മുകളില്‍ കൊടുത്തത്.

ഇന്ന് ഇന്ത്യയിലെ ദളിത് - ഇസ്ലാമിസ്റ്റ് ബുദ്ധി ജീവികള്‍ ഏറ്റവുമെടുത്തുപയോഗിക്കുന്ന വരികളും ഇദ്ദേഹത്തിന്റേതു തന്നെ . ഹിന്ദു മതത്തിലെ നിന്ദ്യമായ ജാതി വ്യവസ്ഥയെ നിശിതമായി വിമര്‍ശിച്ചിരുന്ന അദ്ദേഹം അതിനോടൊപ്പം തന്നെ ഇസ്ലാമിക ആക്രമണകാരികളുടെ അസഹിഷ്ണുതയെ പറ്റിയും വ്യക്തമായി എഴുതിയിരുന്നു. ബുദ്ധിസത്തിന്റെ നാശത്തിന് ഇസ്ലാമിക അധിനിവേശവും കാരണമായിരുന്നു എന്നദ്ദേഹം തുറന്നുപറയുന്നുണ്ട് . എന്നാല്‍ അംബേദ്കറിനെ ഹൈജാക്ക് ചെയ്ത ഇസ്ലാമിസ്റ്റ് - ദളിത് ബുജികള്‍ ഈ ഭാഗങ്ങളൊന്നും കാണില്ല . കണ്ടാല്‍ തന്നെ സൌകര്യപൂര്‍വം മറക്കുകയും മറയ്ക്കുകയും ചെയ്യുന്നതിന്റെ പിന്നിലെ ചേതോവികാരം സംശയകരമാണ്.

ഇന്ത്യാ വിഭജനത്തെ നിഷ്പക്ഷതയോടെ നോക്കിക്കാണുമ്പോള്‍ അദ്ദേഹം പറയുന്ന ശ്രദ്ധേയമായ വസ്തുത ഭൂമിശാസ്ത്രപരമായി ഒന്നെന്നു കരുതിയിരുന്നെങ്കിലും വളരെ മുന്‍പ് തന്നെ സാംസ്കാരികമായും മാനസികമായും ഇന്ത്യ വിഭജിക്കപ്പെട്ടിരുന്നുവത്രെ . ഹുയാന്‍ സാങ് ഇന്ത്യയില്‍ വന്നതിനു ശേഷമുള്ള ആയിരം വര്‍ഷങ്ങളുടെ ചരിത്രമാണ് ഈ വിഭജനത്തിന്റെ മൂലകാരണമെന്നദ്ദേഹം വ്യക്തമാക്കുന്നു.

എ ഡി ഏഴാം നൂറ്റാണ്ടില്‍ ഹുയാന്‍ സാംഗ് ഇന്ത്യ സന്ദര്‍ശിച്ചപ്പോള്‍ ഇന്നത്തെ അഫ്ഗാനുള്‍പ്പെടെ ഇന്ത്യയുടെ ഭാഗമായിരുന്നു. ഇവിടങ്ങളിലെ ജനങ്ങള്‍ വൈദിക മതക്കാരോ ബുദ്ധമതാനുയായികളോ ആയിരുന്നു. ഹുയാന്‍ സാംഗ് ഇന്ത്യ വിട്ടതിനു ശേഷം സംഭവിച്ചതെന്താണ്.

ഇസ്ലാമിക ആക്രമണകാരികളുടെ അധിനിവേശമായിരുന്നു സംഭവിച്ചതില്‍ പ്രധാനം. ആദ്യമായെത്തിയത് A D 711 ഇല്‍ അറബ് വംശജനായ മൊഹമ്മദ് ബിന്‍ കാസിമായിരുന്നു.. സിന്ധിന്റെ കീഴടങ്ങലിനു വഴിതെളിച്ചതല്ലാതെ ഇന്ത്യയൊട്ടുക്കൊരു അധിനിവേശത്തിന് മൊഹമ്മദ് ബിന്‍ കാസിമിന്റെ ആക്രമണം കാരണമായില്ല....

അതിനു ശേഷം എ ഡി 1001 ഇല്‍ മുഹമ്മദ് ഗസ്നിയുടെ ആക്രമണ പരമ്പര തുടങ്ങി . മുപ്പതു വര്‍ഷത്തിനിടെ പതിനേഴു ആക്രമണങ്ങള്‍ക്ക് ഇന്ത്യ സാക്ഷ്യം വഹിച്ചു.ഗസ്നിയെ പിന്തുടര്‍ന്ന് വന്ന മുഹമ്മദ് ഗോറിയും മുപ്പതു വര്‍ഷക്കാലം ഇന്ത്യയെ അധിനിവേശത്തിനു കീഴിലാക്കി . ഗസ്നി എങ്ങനെയൊക്കെയാണോ ഈ രാജ്യത്തെ കൊള്ളയടിച്ചത് അതിലും ഭീകരമായി ഗോറിയും ഈ കാലയളവില്‍ രാജ്യം കൊള്ളയടിച്ചു.

ചെങ്കിസ് ഖാന്‍ ,തൈമൂര്‍ ,ബാബര്‍ , അഹമ്മദ് ഷാ അബ്ദാലി തുടങ്ങിയവര്‍ നടത്തിയ അധിനിവേശങ്ങളേയും അദ്ദേഹം വ്യക്തമായി വിവരിക്കുന്നുണ്ട് .ഈ ആക്രമണങ്ങളുടെ ലക്ഷ്യവും മാര്‍ഗവും അദ്ദേഹം വിലയിരുത്തിയത് ഇങ്ങനെ.

ധന സമ്പാദനവും , അധികാരവും മാത്രമല്ല ഈ അക്രമണങ്ങളുടെ പിന്നിലുണ്ടായിരുന്നത് . അതിനോടൊപ്പം വിഗ്രഹാരാധകരെയും ബഹുദൈവാരാധകരെയും നശിപ്പിച്ച് ഇന്ത്യയെ ഇസ്ലാമികവല്‍ക്കരിക്കുക എന്ന ലക്ഷ്യവും ഇതിന്റെ ഭാഗമായിരുന്നു എന്നത് നിസ്തര്‍ക്കമാണ്.സിന്ധ് ആക്രമിച്ച് പിടിച്ചെടുത്ത് യുദ്ധത്തില്‍ പിടികൂടിയവരെ അറേബ്യയിലേക്ക് കയറ്റി അയച്ചതിനോടൊപ്പം മുഹമ്മദ് ബിന്‍ കാസിം തന്റെ ഭരണാധികാരിക്കയച്ച കത്തില്‍ ഇങ്ങനെ പറയുന്നു. “ വിഗ്രഹാരാധകരുടെ ക്ഷേത്രങ്ങളെല്ലാം നശിപ്പിക്കപ്പെടുകയോ പള്ളികളാക്കി രൂപാന്തരം വരുത്തുകയോ ചെയ്തു.അവിശ്വാസികളെ കൊന്നൊടുക്കുകയോ വിശ്വാസികളാക്കി പരിവര്‍ത്തനം ചെയ്യുകയോ ചെയ്തു. അവരുടെ ആരാധനാലയങ്ങളില്‍ ഇപ്പോള്‍ മുഴങ്ങുന്നത് തക്ബീര്‍ ധനികളാണ്”

അറേബ്യയില്‍ നിന്നും കാസിമിനു ലഭിച്ച മറുപടി കത്തില്‍ അവിശ്വാസികളുടെ ഗളഛേദം
ദൈവിക ആജ്ഞയാണെന്ന് പറഞ്ഞിട്ടുള്ളതായും അംബേദ്കര്‍ പുസ്തകത്തില്‍ പറയുന്നു. ആക്രമണകാരികളുടെ കിരാതമായ നടപടികള്‍ അദ്ദേഹം തുടര്‍ന്ന് വിവരിക്കുന്നുണ്ട്. മുഹമ്മദ് ഗസ്നിയുടെ ചരിത്രകാരനായ അല്‍ ഉത്ബിയും,ഗോറിയുടെ ചരിത്രകാരനായ ഹസ്സന്‍ നിസ്സാമിയും തങ്ങളുടെ യജമാനന്മാര്‍ ബഹുദൈവാരാധകരേയും അവരുടെ ക്ഷേത്രങ്ങളെയും ഒന്നൊഴിയാതെ നശിപ്പിച്ചതായി രേഖപ്പെടുത്തിയെന്നും അദ്ദേഹം പറയുന്നുണ്ട്.

ഗസ്നി മുതല്‍ അറംഗ സീബ് വരെ ചെയ്തു കൂട്ടിയ വംശഹത്യകളും ക്ഷേത്രധ്വംസനങ്ങളും വിശദമായി തന്നെ വിവരിക്കുന്നുണ്ട് .അത് തുടര്‍ന്നുള്ള പോസ്റ്റില്‍ വിശദമാക്കാം

ഭീതിദമായ അധിനിവേശ ആക്രമണങ്ങള്‍ ചരിത്ര സത്യങ്ങളാണ്. ക്ഷേത്രങ്ങള്‍ തകര്‍ത്തത് ധന സമ്പാദനത്തിനു വേണ്ടി മാത്രമായിരുന്നെന്നും അതിലൊന്നും മത വിദ്വേഷത്തിന്റെ , അസഹിഷ്ണുതയുടെ കണികകള്‍ പോലുമില്ലായിരുന്നു എന്നും വാദിക്കുന്ന മതമൌലിക വാദത്തിന്റെ കൂലിയെഴുത്തുകാര്‍ക്ക് മഹാനായ അംബേദ്കറിന്റെ വരികള്‍ പരിചയപ്പെടുത്തുന്നു.ചരിത്രപരമായ തെറ്റുകളെ തെറ്റുകളായികാണാതെ അതിനെ വിശിഷ്ടവല്‍ക്കരിച്ച് ന്യായീകരിക്കുന്നത് സമൂഹത്തോട് ചെയ്യുന്ന ക്രൂരതയാണ്. അത് മറ്റുള്ളവരില്‍ സംശയത്തിനും വിദ്വേഷത്തിനും കാരണമാകുമെന്നതില്‍ സംശയമില്ല.

ജഡ്ജി കമാല്‍ പാഷയ്ക്ക് സംഘ പരിവാര്‍ സ്വരം !!!!

2010-08-06T03:50:00.000-07:00

കൈവെട്ടു കേസ് പ്രതികളായ പോപ്പുലര്‍ ഫ്രന്‍ഡ് പ്രവര്‍ത്തകരുടെ ജാമ്യം നിഷേധിച്ചു കൊണ്ട് പ്രിന്‍സിപ്പല്‍ ജില്ലാ സെഷന്‍സ് ജഡ്ജി കമാല്‍ പാഷ പറഞ്ഞത് . വാര്‍ത്ത മാത്രുഭൂമിയില്‍ നിന്നും.

ബുദ്ധമത ക്ഷയം.. അംബേദ്കര്‍ ഇങ്ങനെയും പറഞ്ഞിരുന്നു

2010-06-10T12:59:00.000-07:00

ബുദ്ധമതത്തിനു എങ്ങനെ ക്ഷയം സംഭവിച്ചു ??

ചോദ്യം ഒരു കമ്മ്യൂണിസ്റ്റിനോടാണെങ്കില്‍‌‌‌‌ (അവാന്തര വിഭാഗമായ ഇസ്ലാമ്യൂണിസ്റ്റിനോടായാലും‌‌‌‌‌‌ ) ഒരേ ഉത്തരമായിരിക്കും ഉണ്ടായിരിക്കുക.

“സംശയമെന്ത് ? സവര്‍ണ്ണ ബ്രാഹ്മണിക് ഫാസിസ്റ്റ് ശങ്കരാചാര്യര്‍ സ്വന്തം അനുചരരോടൊപ്പം പാവം‌‌ ബുദ്ധമത സന്യാസിമാരെ പീഢിപ്പിച്ചു, അവരുടെ വിഹാരങ്ങള്‍ തകര്‍ത്ത് ക്ഷേത്രങ്ങള്‍ ആക്കി, കേരളത്തിലെ ശബരിമല, പത്മനാഭ സ്വാമി ക്ഷേത്രം ............ അയോധ്യ.... എല്ലാം ബുദ്ധമത വിഹാരങ്ങളായിരുന്നു. ഇപ്പോഴത്തെ പരിവാറുകാരുടെ അപ്പൂപ്പന്മാരും അവരുടെ അപ്പൂപ്പന്മാരുമായ സവര്‍ണ്ണ കോമരങ്ങള്‍ ആണ് ഇന്ത്യയിലെ ബുദ്ധമതത്തെ നശിപ്പിച്ചത് “

കൂടുതല്‍ ചോദിക്കാന്‍ നിന്നാല്‍ ദാ വരികയായി ഭരണഘടനാ ശില്പി ശ്രീ അംബേദ്കറുടെ വാക്കുകള്‍. അദ്ദേഹത്തിന്റെ പുസ്തകത്തിന്റെ പേരും പേജ് നംബറും സഹിതം .

ഈ ബൂലോകത്തിലാസകലം നിങ്ങള്‍ തെരഞ്ഞു നോക്കൂ.. ഇതില്‍ നിന്നും വ്യത്യസ്തമായി മേല്പറഞ്ഞവരുടെ ഒരു പോസ്റ്റിലും ഒന്നും കാണില്ല.

ബുദ്ധമതത്തിനു ക്ഷയം സംഭവിച്ചതില്‍ ആത്മാര്‍ത്ഥമായി ദുഖിക്കുന്നതായി തോന്നിപ്പോകുന്ന ഒരു കൂട്ടരുണ്ട്. പേരു കൊണ്ട് അവരെ തിരിച്ചറിയുക എളുപ്പമല്ല. പക്ഷേ ഏറ്റവും കൂടുതല്‍ ഉപയോഗിക്കുന്ന വാക്കുകള്‍ സവര്‍ണ്ണന്‍ ,അവര്‍ണ്ണന്‍, ദളിതന്‍ ,ഫാഷിസ്റ്റ് (സ അല്ല ഷ) . പിന്നെ ഒരു ഗുമ്മിനു വേണ്ടി ശ്രീ ബുദ്ധന്റെ ചിത്രവും തൂക്കും ബ്ലോഗ് സ്വീകരണ മുറിയില്‍. ഇതൊക്കെ കണ്ടാല്‍ നമുക്ക് തോന്നും ശ്ശൊ ബുദ്ധമതത്തോടും ശ്രീ ബുദ്ധനോടും എന്തൊരു സ്നേഹമാണിക്കൂട്ടര്‍ക്കെന്ന് .ബുദ്ധമതതിന്റെ ക്ഷയത്തെ പറ്റി പറയുമ്പോള്‍ കണ്ണുകളില്‍ രോഷാഗ്നിയും ചുണ്ടുകളില്‍ വിതുമ്പലും സ്ഥിരമാണിവര്‍ക്ക് .പിന്നെ മേല്പറഞ്ഞ വരികള്‍ അതായത് ബ്രാഹ്മണിക് ഫാസിസം ആണ് ബുദ്ധമത ക്ഷയത്തിനു കാരണമെന്നതും..

ഇനി പുരോഗമനക്കാരുടെ അടുത്തൊന്നു പോയി നോക്കൂ. ഒരു സംശയവും വേണ്ടാ. ഇതു തന്നെ ആണുത്തരമായി ലഭിക്കുക. കൂടെ അവരുടെ താത്വികാചാര്യര്‍ ഭൂ ഖനനം ചെയ്തു കണ്ടുപിടിച്ച രേഖകളും തരും .എന്തായാലും രണ്ടു കൂട്ടരും ശ്രീ അംബേദ്കറുടെ വരികള്‍ നിര്‍ലോഭം ചൊരിയുമെന്നതില്‍ സംശയം വേണ്ട.

എന്നാല്‍ ശ്രീ അംബേദ്കര്‍ പറഞ്ഞ താഴെക്കാണുന്ന വരികള്‍ ഇവരുടെ ആരുടെയും അഭിപ്രായങ്ങളിലോ ബ്ലോഗ് പോസ്റ്റുകളിലോ മഷിയിട്ടു നോക്കിയാല്‍ കിട്ടുകയില്ല .

"Here can be no doubt that the fall of Buddhism in India was due 
to the invasions of the Musalmans,Islam came out as the enemy of

the 'But'. The word 'But,' as everybody knows,is an Arabic word

and means an idol. Not many people, however,know that the derivation

of the word 'But' is the Arabic corruption of Buddha. Thus the

origin of the word indicates that in the Moslem mind idol worship

had come to be identified with the Religion of the Buddha. To the

Muslims, they were one and the same thing. The mission to break

the idols thus became the mission to destroy Buddhism

Islam destroyed Buddhism not only in India but wherever it went.

Before Islam came into being Buddhism was the religion of Bactria,

Parthia, Afghanistan, Gandhar and Chinese Turkestan, as it was of

the whole of Asia.

ഇവിടെയാണെങ്കില്‍‌‌‌‌ ബുദ്ധമതത്തിന്റെ നാശത്തിന്റെ കാരണം‌‌‌‌ ഇസ്ലാമിക അധിനിവേശമാണെന്ന കാര്യത്തില്‍‌‌ സം‌‌ശയമേയില്ല. ഇസ്ലാം‌‌ ആത്യന്തികമായി ശത്രുവായി വന്നത് 'ബട്ട്' നെതിരേയാണ്. എല്ലാവര്‍‌‌ക്കും‌‌ അറിയുന്ന പോലെ അറബിക്കില്‍‌‌ ആ വാക്കിനര്‍‌‌ത്ഥം വിഗ്രഹമെന്നാണ്. പക്ഷേ അധികമാര്ക്കും അറിയാത്തത്, ആ വാക്ക് ബുദ്ധനെ സൂചിപ്പിക്കാനും അവരുപയോഗിച്ചിരുന്നു എന്നതാണ്. അതായത് അന്നത്തെ മുസ്ലീമിനെ സം‌‌ബന്ധിച്ച് വിഗ്രഹാരാധനയും‌‌ ബുദ്ധമതവും ഒന്നു തന്നെയായിരുന്നു. വിഗ്രഹങ്ങളെ തച്ചു തകര്‍‌‌ക്കുക എന്ന ലക്ഷ്യം‌‌ അങ്ങനെ ബുദ്ധിസത്തെ നശിപ്പിക്കുക എന്നായി.
ഇസ്ളാമിക അധിനിവേശക്കാര്‍‌‌ ബുദ്ധമതത്തെ നശിപ്പിച്ചത് ഇന്ഡ്യയില്‍‌‌ മാത്രമല്ല, എവിടെയൊക്കെ അവര്‍‌‌ കടന്നു കയറിയോ അവിടെയൊക്കെ - ബാക്ട്രിയാ, പാര്‍‌‌തിയ, അഫ്ഗാനിസ്ഥാന്‍‌‌‌‌, ഗാന്ധാരം‌‌‌‌, ചൈനയിലെ തുര്ക്കിസ്താന്‍‌‌‌‌ എന്നിവങ്ങളിലൊക്കെ - അതായത് ഏഷ്യയില്‍‌‌‌‌ ഏതാണ്ട് എല്ലായിടത്തും‌‌ അവര്‍‌‌ ബുദ്ധമതത്തെ നശിപ്പിച്ചു.

ഇത് പറഞ്ഞത് ഒരു സവര്‍ണ്ണ പരിവാര്‍ ഫാസിസ്റ്റ് അല്ല. ശ്രീ ബാബാ സഹെബ് അംബേദ്കര്‍ തന്നെയാണ്. സവര്‍ണ്ണ സനാതന മതമാണ് ബുദ്ധിസത്തെ നശിപ്പിച്ചത് എന്നു കാണിക്കുവാന്‍ കപട ദളിത ബുദ്ധ സ്നേഹികളായ മത മൌലിക വാദികളും പുരോഗമന സഖാക്കളും എടുത്തുപയോഗിക്കുന്ന അതേ ആള്‍ . തീര്‍ന്നില്ല ഇനിയുമുണ്ട്.

But Islam struck at Hinduism also. How is it that it was able to 
fell Buddhism in India but not Hinduism? Hinduism had State-
patronage,  The Buddhists were so persecuted by the "Brahmanic

rulers",when Islam came, they converted to Islam: this welled

the ranks of Muslims but in the same stroke drained those of

Buddhism. But the far more important cause was that while the

Muslim invaders butchered both - Brahmins as well as Buddhist monks

--the nature of the priesthood in the case of the two religions

was different -- "and the difference is so great that it contains

the whole reason why Brahmanism survived the attack of Islam

and why Buddhism did not.

അധിനിവേശക്കൊള്ളക്കാര്‍‌‌‌‌‌‌ ബുദ്ധമതത്തോട് ചെയ്തതു തന്നെ ഹിന്ദുമതത്തിനോട് ചെയ്തിട്ടും‌

ഹിന്ദുമതം‌‌ നിലനിന്നു പോന്നതിന്റെ കാരണവും‌‌ അദ്ദേഹം പറയുന്നുണ്ട്.

For the Hindus, every Brahmin was a potential priest. No
ordination was mandated. Neither anything else. Every household 
carried on rituals -- oblations, recitation of particular mantras, 
pilgrimages, each Brahmin family made memorizing some Veda its
very purpose.... By contrast, Buddhism had instituted ordination,
particular training etc. for its priestly class.

ബുദ്ധമത സര്‍വകലാശാലകള്‍ തച്ചു തകര്‍ത്ത കഥകളും വ്യക്തമായി തന്നെ

രേഖപ്പെടുത്തിയിട്ടുണ്ട്

Thus, when the invaders massacred Brahmins, Hinduism continued.

But when they massacred the Buddhist monks, the religion itself

was killed. The Musalman invaders sacked the Buddhist Universities

of Nalanda, Vikramshila, Jagaddala, Odantapuri to name only a few.
They raised to the ground Buddhist monasteries with which the
country was studded. The monks fled away in thousands to Nepal,
Tibet and other places outside India. A very large number were
killed outright by the Muslim commanders. How the Buddhist 
priesthood perished by the sword of the Muslim invaders has been
recorded by the Muslim historians themselves.......

അങ്ങനെ അധിനിവേശക്കാര്‍‌‌‌‌ ബ്രാഹ്മണരെ കൂട്ടക്കൊല ചെയ്തപ്പോഴും‌‌ ഹിന്ദുമതം അതിജീവിച്ചു. എന്നാല്‍‌‌ അവര്‍‌‌‌‌ ബുദ്ധസന്യാസിമാരെ കൂട്ടക്കൊല ചെയ്തപ്പോള്‍‌‌‌‌‌‌ ബുദ്ധമതം തന്നെ കൊല്ലപ്പെട്ടു. മുസ്ലീം അധിനിവേശക്കാര്‍‌‌‌‌ നശിപ്പിച്ച അന്നത്തെ ബുദ്ധ സര്‍‌‌വ്വകലാശാലകളില്‍‌‌‌‌ ചിലതു മാത്രമാണ് നളന്ദ, വിക്രമശില, ജഗദ്ദല, ഓഡട്ടപുരി എന്നിവ.

ഇസ്ലാമിക അധിനിവേശ കോടാലി ബുദ്ധിസത്തിന്റെ വേരറുത്തതെങ്ങനെ എന്നും അദ്ദേഹം കൂട്ടിച്ചേര്‍ക്കുന്നു

....The axe was struck at the very root. For by killing the

Buddhist priesthood, Islam killed Buddhism. This was the

greatest disaster that befell the religion of the Buddha in India."

അംബേദ്കര്‍ ഇങ്ങനെ പറഞ്ഞതായി ഏതെങ്കിലും ഇസ്ലാമിസ്റ്റുകളോ പുരോഗമന സഖാക്കളോ
രേഖപ്പെടുത്തിയത് നിങ്ങള്‍ കണ്ടിട്ടുണ്ടോ ? ഇല്ല എന്നു തന്നെയാകണം ഉത്തരം.

മതമൌലിക വാദ ബുദ്ധസ്നേഹികളെ പറ്റി അല്പം കൂടി പറയാതെ പോസ്റ്റ് പൂര്‍ണ്ണമാവില്ല.
ഇന്ത്യയില്‍ ബുദ്ധമതം ക്ഷയിച്ചതില്‍ ഇവര്‍ക്കുണ്ടായ വിഷമം ചില്ലറയല്ല. ബുദ്ധിസ്റ്റുകളെ ശങ്കരാചാര്യര്‍ ചുട്ടുകൊന്നു എന്നൊക്കെ പോസ്റ്റര്‍ ഫ്രണ്ടുകാരുടെ പോരാളി പത്രത്തില്‍ ലേഖനം വന്നിരുന്നു. മാധ്യമത്തിലാകട്ടെ ഇതിനെ പറ്റി എം എസ് ജയപ്രകാശ് എന്ന വിദ്വാന്റെ (കക്ഷി പോപ്പുലർ ഫ്രണ്ട് എന്ന മത ഭീകര സംഘടനയുടെ മനുഷ്യാവകാശ പൊയ്മുഖത്തിന്റെ ചെയർമാൻ ആണു )ലേഖനം സ്ഥിരമായി വരുന്നുണ്ട് . പക്ഷെ ഇവയിലൊന്നും അംബേദ്കര്‍ പറഞ്ഞ ഈ കാര്യങ്ങള്‍ വന്നിട്ടില്ലെന്നു മാത്രമല്ല മറ്റു കാര്യങ്ങള്‍ വ്യക്തമായി വന്നിട്ടുണ്ട് താനും.

മതമൌലിക വാദികള്‍ക്ക് ബൌദ്ധരോടുള്ള കലവറയില്ലാത്ത സ്നേഹത്തിന്റെ കഥകളില്‍ ചിലത്.

1. Religious persecution in Chittagong Hill Tracts, Bangladesh
2. Buddhists Fear Muslims in Southern Thailand

ബുദ്ധിസത്തോടുള്ള ഇഷ്ടം കൊണ്ടായിരിക്കുമല്ലോ ഇവോണ്‍ റിഡ്ലിയുടെ സ്വന്തം താലിബാനികള്‍ ബാമിയാന്‍ പ്രതിമകള്‍ തവിടു പൊടിയാക്കിയത്.
ചുരുക്കത്തില്‍ കാര്യം ഇത്രയേ ഉള്ളൂ...

“ഭാരതത്തിലെമ്പാടും ബുദ്ധിസ്റ്റുകള്‍ ആയിരുന്നെങ്കില്‍ എന്ത് നന്നായിരുന്നു. പാവങ്ങള്‍ “ബുദ്ധം ശരണം ഗഛാമി “അഹിംസ “എന്നൊക്കെ പറഞ്ഞിരിക്കും .നമ്മള്‍ക്കു കാര്യങ്ങള്‍ വളരെ എളുപ്പം !.“

ബക്കര്‍ വിവേകാനന്ദനെ കണ്ട പോലെ...

2010-06-08T02:28:00.000-07:00

ഈയിടെയായി സ്വാമി വിവേകാനന്ദനു നല്ല സമയമാണ്. കാവിയുടുത്ത ബൂര്‍ഷ്വാസി എന്ന് അദ്ദേഹത്തെയും , ഞരമ്പു രോഗി എന്ന് അദ്ദേഹത്തിന്റെ ഗുരു ശ്രീരാമകൃഷ്ണ പരമഹംസനേയും വിശേഷിപ്പിച്ചവര്‍ യുവജന സമ്മേളനങ്ങളുടെ ബാനറുകളില്‍ അദ്ദേഹത്തെ പ്രതിഷ്ടിച്ചു തുടങ്ങിയിരിക്കുന്നു. ക്രിസ്ത്യാനി കൂടുതലുള്ളിടത്ത് മദര്‍ തെറേസയേയും (ചിലയിടത്ത് അല്ഫോണ്‍സാമ്മയും) മുസ്ലിംകള്‍ കൂടുതലുള്ളിടത്ത് സദ്ദാം ഹുസ്സൈനെയും പ്രതിഷ്ടിച്ചവര്‍ ഇതൊക്കെ ചെയ്യുന്നത് സ്വാഭാവികമാണ്.ഇത്തരത്തിലുള്ള അടവുനയങ്ങള്‍ അവരില്‍ നിന്നും പ്രതീക്ഷിക്കാവുന്നതായതു കൊണ്ട് അതത്ര കാര്യമാക്കാനില്ല.

പക്ഷെ

ബ്ലോഗുലകത്തിലെ ഒരു പ്രസിദ്ധനായ മനുഷ്യാവകാശ വക്താവ് , ജയിലില്‍ കിടക്കുന്ന അഫ്സല്‍ ഗുരു,അജ്മല്‍ കസബാദി മനുഷ്യരുടെ (അവരുടെ മാത്രം )അവകാശ സംരക്ഷണത്തിനും ക്ഷേമത്തിനും വേണ്ടി നിലകൊള്ളുന്ന ശ്രീ ബക്കര്‍, സ്വാമി വിവേകാനന്ദനെന്ന സവര്‍ണ്ണ സന്ന്യാസി പറഞ്ഞ രണ്ടു വരികള്‍ ഒരു ബ്ലോഗ് പോസ്റ്റില്‍ ഉള്‍ക്കൊള്ളിച്ചിരുന്നു.

വരികള്‍ ചുവടെ..

“"പ്രായോഗിക ഇസ്ളാമിന്‍റെ സഹായമില്ലാതെ വേദാന്ത തത്വങ്ങള്‍ (അല്ലെങ്കില്‍ മറ്റേത്‌ തത്വവും *) , അവ എത്ര ഉന്നതമായാലും പ്രായോഗവല്‍ക്കരിക്കുക എന്നത്‌ മാനവരാശിയെ സംബന്ധിച്ചിടത്തോളം അസാധ്യമായിരിക്കും" - the complete works of swami vivekananda, vol 6, 1960, page 415

അതിനു താഴെ ശ്രീ ബക്കര്‍ ഇങ്ങനെ പറഞ്ഞിരിക്കുന്നു

“വായനക്ക്‌ മുന്‍പേ വിളക്ക്‌ കെടുത്തുന്നവരോ, വിളക്ക്‌ കെടുത്തി വയനാ മേശക്ക്‌ മുന്‍പിലിരുന്ന്‌ പുസ്തകവുമായി ഉറങ്ങുന്നവരോ ആരുമാവട്ടെ,വിവേകാനന്ദന്‍റെ ഈ വാക്കുകള്‍ മനസ്സില്‍ വയ്ക്കുന്നത്‌ നന്നായിരിക്കും. ചിലപ്പോല്‍ വറ്റ്‌ എല്ലില്‍ കയറാതെ നോക്കാനുള്ള വിവേകവും പ്രധാനം ചെയ്യും.“

ഒന്നു രണ്ട് കമ്മന്റുകള്‍ക്കു താഴെ ബക്കര്‍ ഇങ്ങനെയും പറഞ്ഞിരിക്കുന്നു..

“interfaith awareness-നു വേണ്ടി നിലകൊള്ളുന്ന ഒരു മഹാനയ ആ മനുഷ്യണ്റ്റെ വാക്കുകള്‍ക്ക്‌ കാലം ചെവിനല്‍കുമെന്ന്‌ പ്രത്യാശിക്കാം. “

ഇനി കാര്യത്തിലേക്ക് . ഒരാളുടെ അഭിപ്രായങ്ങളും എഴുത്തുകളിലെ വരികളും എടുത്തുപയോഗിച്ച് വലിയ കാര്യങ്ങള്‍ അവതരിപ്പിക്കുന്നതിനു മുന്‍പ് മിനിമം അദ്ദേഹത്തിന്റെ കുറച്ചു പുസ്തകങ്ങളെങ്കിലും വായിച്ചു നോക്കേണ്ടതാണ്. അതാണു സാമാന്യതത്വം . ഒരു സാധാരണക്കാരനു അതാവശ്യമില്ല . പക്ഷെ സ്വന്തം മത വിശ്വാസത്തിന്റെ മേന്മ ചൂണ്ടിക്കാണിക്കാന്‍ വേണ്ടി ചുരണ്ടിയെടുത്ത് ഉപയോഗിക്കുന്ന ഒരാള്‍ നിശ്ചയമായും അതൊക്കെ ശ്രദ്ധിക്കേണ്ടതാണ്.അല്ലെങ്കില്‍ അബദ്ധം പറ്റും. ആത്മാവില്‍ വേവിക്കുന്നതിനിടയില്‍ ബക്കര്‍ കാണാതെ പോയ കുറച്ചു കാര്യങ്ങള്‍ സ്വാമി വിവേകാനന്ദന്‍ പറഞ്ഞത് ചുവടെ..

“ ഏതു കാലത്തും ഏത് നാട്ടിലേയും മഹിമയേറിയ ആദ്ധ്യാത്മിക സ്ത്രീ പുരുഷന്മാരെ അംഗീകരിക്കുക. അവര്‍ തമ്മില്‍ വാസ്തവത്തില്‍ യാതൊരു ഭിന്നതയുമില്ലെന്നു കണ്ടറിയുക. യഥാര്‍ത്ഥ മതം-ദിവ്യതയുടെ സ്പര്‍ശം മനുഷ്യാത്മാവും ദിവ്യാത്മാവും തമ്മിലുള്ള ബന്ധം എവിടെയെല്ലാമുണ്ടായിട്ടുണ്ടോ അവിടെയെല്ലാം എങ്ങും വെളിച്ചം കാണുന്ന മനോവികാസം ഉണ്ടായിട്ടുണ്ട്. “

“ഇതിനെ സംബന്ധിച്ചിടത്തോളം മുഹമ്മദീയരാണ് ഏറ്റവും പ്രാകൃതരും സങ്കുചിത ചിത്തരും .ദൈവമൊന്നേയുള്ളൂ. അദ്ദേഹത്തിന്റെ പ്രവാചകന്‍ മുഹമ്മദുമാണ് എന്നതാണ് അവരുടെ മുദ്രാവാക്യം . അതിനപ്പുറത്തുള്ളതെല്ലാം ചീത്തയെന്നു മാത്രമല്ല ഉടനെ നശിപ്പിക്കുകയും വേണം ഞൊടിയിടയില്‍ ഇതില്‍ ശരിയായി വിശ്വസിക്കാത്ത ആണുങ്ങളും പെണ്ണുങ്ങളും കൊല്ലപ്പെടണം. ഈ ആരാധനയുടേതല്ലാത്തതെല്ലാം തകര്‍ക്കപ്പെടണം.മറ്റെന്തും പഠിപ്പിക്കുന്ന പുസ്തകം കത്തിച്ചു കളയണം.ശാന്ത സമുദ്രം മുതല്‍ അറ്റ്ലാന്റിക് വരെ അഞ്ഞൂറ് കൊല്ലക്കാലം ചോരയൊഴുക്കി . അതാണ് ഇസ്ലാം മതം “

തീര്‍ന്നില്ല ഇനിയുമുണ്ട്..

“ഒരാള്‍ എത്ര കണ്ട് സ്വാര്‍ത്ഥിയാണോ അത്ര കണ്ട് അധര്‍മ്മിയുമാണ്. അതു പോലെ ഒരു ജനതയും.സ്വയം ബന്ധിതമായ ഒരു ജനത ലോകത്തില്‍ വച്ചേറ്റവും ക്രൂരമായി തീര്‍ന്നിട്ടുണ്ട്.ഈ ദിത്വത്തെ അറേബ്യയിലെ പ്രവാചകന്‍ സ്ഥാപിച്ച മതം മുറുക്കിപ്പിടിച്ചത്രയും മറ്റൊരു മതം പിടിച്ചിട്ടില്ല. ഇത്രയധികം ചോര ചിന്തിയും മറ്റു മനുഷ്യരോട് ഇത്ര കണ്ട് നിഷ്ടൂരമായി പെരുമാറിയതുമായ വെറൊരു മതമില്ല. “

വിവേകാനന്ദ സാഹിത്യ സര്‍വ്വസ്വം എല്ലാം വായിച്ചിരിക്കണമെന്നില്ല.അത് അത്ര പെട്ടെന്നു വായിച്ചു തീര്‍ക്കാവുന്നതുമല്ല. എങ്കിലും ചില മതമൌലിക വാദ പബ്ലിക്കേഷന്‍സ് പുറത്തിറക്കുന്ന പുസ്തകങ്ങളില്‍ നിന്നും വരികള്‍ കടമെടുക്കുമ്പോള്‍ അത് ഒരു വന്‍ കരയുടെ അറ്റവും മൂലയുമായിരിക്കും എന്ന് ചിന്തിക്കാനുള്ള സാമാന്യ ബോധമെങ്കിലും ഉണ്ടാകേണ്ടതായിരുന്നു. ഇത് പണ്ട് കുരുടര്‍ ആനയെ കണ്ടപോലെയായി. വാലിലെ രോമം കണ്ട് ആനയെന്ന് തെറ്റിദ്ധരിച്കു കുരുടന്റെ കണക്കായി നമ്മുടെ ബക്കറും.

സ്വാമി വിവേകാനന്ദന്‍ ജീവിച്ചിരുന്ന കാലയളവില്‍ ആര്‍.എസ്സ്.എസ്സ് ഇല്ല . ഹിന്ദു മഹാസഭ പോലും ഉണ്ടായിട്ടില്ല. അല്ലായിരുന്നെങ്കില്‍ അദ്ദേഹത്തിനു നമുക്ക് സംഘ പരിവാര്‍ പട്ടം കൊടുക്കാമായിരുന്നു. പിന്നെ വേണമെങ്കില്‍ സവര്‍ണ്ണ സന്ന്യാസി എന്നോ മറ്റോ കൊടുക്കാം.എങ്കിലും ഇന്നത്തെ പോലെ വോട്ടുബാങ്കിന്റെ ആവശ്യകത ഇല്ലാത്ത അന്തകാലത്ത് ഇന്റര്‍ഫെയ്ത്ത് അവയര്‍നെസ്സ് നു വേണ്ടി നിലകൊള്ളുന്ന മഹാനായ സ്വാമി വിവേകാനന്ദന്‍ വെറുതെ ഇങ്ങനെ ഒരു അഭിപ്രായം പറയുകില്ല എന്നു തന്നെ നമുക്ക് വിശ്വസിക്കാം.

വിവേകവാണി കേട്ടാല്‍ വറ്റുകള്‍ എല്ലില്‍ കുത്തില്ല എന്നാണ് ശ്രീ ബക്കറുടെ അഭിപ്രായം..ഇതൊക്കെ വായിച്ചിട്ടു സ്വന്തം എല്ലില്‍ വറ്റുകള്‍ കുത്താതിരിക്കട്ടെ എന്നു ഹാര്‍ദ്ദമായി ആശംസിക്കുന്നതോടൊപ്പം ഇത്രകൂടി. അറ്റവും മുറിയും എടുത്തെഴുതുമ്പോള്‍ ശ്രദ്ധിക്കുക ഇനിയെങ്കിലും !
മഹാനായ വിവേകാനന്ദന്‍ പറഞ്ഞ തത്വങ്ങള്‍ അടിസ്ഥാനമാക്കിയാണ് പില്‍ക്കാലത്ത് രാഷ്ട്ര്രീയ സ്വയം സേവക സംഘം രൂപം കൊണ്ടത് എന്നതു കൂടി അറിയുമ്പോള്‍ വറ്റുകള്‍ എല്ലുകളും കടന്നു തലയില്‍ വരെ കുത്താനുള്ള സാധ്യതകള്‍ ഒഴിവാക്കാനാവില്ല..

അവലംബം : വിവേകാനന്ദ സാഹിത്യ സര്‍വ്വസ്വം -ശ്രീരാമകൃഷ്ണ മിഷന്‍ പ്രസിദ്ധീകരിച്ചത്
ഉത്തിഷ്ഠ ഭാരത- ശ്രീരാമകൃഷ്ണ മിഷന്‍ പ്രസിദ്ധീകരിച്ചത്

പോരാളിയല്ല തേജസ്സേ. പൂ.....................

2010-06-04T04:57:00.000-07:00

താലിബാനോ ... ഏയ് ..

2010-02-25T10:29:00.000-08:00

പാകിസ്താന്‍ ഗോത്രമേഖലയിലെ രണ്ടു സിക്കുകാരെ താലിബാന്‍ തലയറുത്തു കൊന്നതായി റിപ്പോര്‍ട്ട്. തുടര്‍ന്ന് അവരുടെ തല ഗുരുദ്വാരയിലേക്ക് അയച്ചു കൊടുത്തു. ബിസിനസുകാരായ ജസ്പാല്‍ സിംഗ്, മഹന്‍ സിംഗ് എന്നിവരെയാണ് താലിബാന്‍ വധിച്ചത്----- ( പത്രവാര്‍ത്ത )

ഏയ് താലിബാന്‍ അങ്ങനെയൊന്നും ചെയ്യില്ല .. ദാ ജമാ അതെ ഇസ്ലാമി വനിതാ സമ്മേളനം ഉദ്ഘാടനം ചെയ്ത ഇവോണ്‍ റിഡ്ലി പറഞ്ഞത് നോക്കൂ...

താലിബാന്‍ തടവറയില്‍ നിന്നും അവരുടെ കുലീനമായ പെരുമാറ്റം കൊണ്ട് മതം മാറി എന്നതാണു ഇവോണ്‍ റിഡ്ലിയെ വീഡിയോ കോണ്‍ഫറന്‍സ് വഴി സമ്മേളനം ഉദ്ഘാടനം ചെയ്യിക്കാന്‍ തെരഞ്ഞെടുത്തതിന്റെ പിന്നിലുള്ളത് . പാലസ്തീനിലെ കഷ്ടപ്പെടുന്നവര്‍ക്കു വേണ്ടി സംസാരിക്കുന്നതു കൊണ്ട് മാത്രം ജമാ അതെ ഇസ്ലാമി ഇവോണ്‍ റിഡ്ലിയെ വിളിക്കുമെന്ന് തോന്നുന്നില്ല . അപ്പോള്‍ പിന്നെ അതിനു പിന്നിലെ ചേതോവികാരം ഇത്രമാത്രം.. താലിബാനിന്‍ പോരാളികള്‍ വളരെ കുലീനരാണു എന്ന സന്ദേശം എത്തിക്കുക .

ഇസ്ലാം , സ്ത്രീ വിരുദ്ധമല്ലെന്ന് തെളിയിക്കാന്‍ റിഡ്ലി ഉദാഹരിച്ചത് താലിബാനെ ആണ്. അപ്പോള്‍ താലിബാനു പിന്നിലെ ആദര്‍ശം ഇസ്ലാമാണെന്ന് റിഡ്ലിക്ക് അഭിപ്രായമുണ്ട് . അപ്പോള്‍ അവരുടെ പ്രസംഗം ജമാ അത്തെ ഇസ്ലാമി കേട്ടില്ലെന്നുണ്ടോ , പ്രസിദ്ധീകരിച്ച തേജസ്സുകാരും ഇത് കണ്ടില്ലെന്നു തോന്നുന്നു..

ഇസ്ലാം എന്നാല്‍ താലിബാന്‍ ആണെന്നു വരുത്തി തീര്‍ക്കാന്‍ ഫാസിസ്റ്റ് ശക്തികള്‍ ശ്രമിക്കുന്നു എന്നൊക്കെയാണു ചിലരുടെ വാദം . സ്വയം താലിബാനെ കുലീനര്‍ എന്ന് പറയുകയും മറ്റുള്ളവരെ കൊണ്ട് ആ സന്ദേശം പ്രചരിപ്പിക്കുകയും ചെയ്തിട്ട് “ഫാസിസം ഫാസിസം “ എന്നലറി വിളിച്ചിട്ട് വല്ല കാര്യവുമുണ്ടോ .....

എന്നാലും തിലകാ മോഹന്‍ലാലിനെ പറഞ്ഞു കൂടായിരുന്നോ ????

2010-02-22T03:07:00.000-08:00

പ്രതിസന്ധി നേരിടുന്ന മലയാള സിനിമ വീണ്ടും വിവാദങ്ങളില്‍ . അമ്മയും അമ്മൂമ്മയും അമ്മായിയമ്മയും തമ്മിലുള്ള പ്രശ്നങ്ങള്‍ ഏകദേശം പറഞ്ഞു തീര്‍ത്തപ്പോള്‍ മഹാ നടന്‍ തിലകനാണ് പുതിയ ആരോപണങ്ങള്‍ ഉന്നയിച്ചുകൊണ്ട് രംഗത്തെത്തിയത് . സിനിമയിലെ സവര്‍ണതെയെ പറ്റി പരമാര്‍ശിച്ചു കൊണ്ടായിരുന്നു കഴിഞ്ഞ പ്രാവശ്യം അദ്ദേഹം വിവാദം ഉണ്ടാക്കിയതെങ്കില്‍ ഇക്കുറി അത് താര സുപ്രീമസിക്കെതിരെയാണുന്ടായത് .

കഴിഞ്ഞ പ്രാവശ്യം സകലമാന മതേതര മനുഷ്യ സ് നെഹികളും , അഭിനവ ദളിത ബന്ധുക്കളും മലയാള സിനിമയിലെ സവര്‍ണ്ണ പൊതു ബോധത്തെ പറ്റി കൂലങ്കഷ ചര്‍ച്ചയായിരുന്നു .. ബൂലോകത്തിലും ഉണ്ടായിരുന്നു ചര്‍ച്ചകള്‍ .. പാലേരി മാണിക്യത്തില്‍ എന്തൊക്കെയോ സവര്‍ണ്ണ പോക്രിത്തരങ്ങള്‍ നടക്കുന്നു എന്ന രീതിയില്‍ ഗമണ്ടന്‍ പോസ്ടിറക്കിയ മഹാന്മാരും ഉണ്ട് . (ഈയിടെയായി കഥാ പാത്രങ്ങളുടെ ജാതിയും മതവും അനുസരിച്ച് വേണം കഥ നിര്‍മ്മിക്കേണ്ടത് എന്ന അഭിപ്രായങ്ങള്‍ കൂടി വരുന്നു . ചില മത നാമത്തില്‍ പെട്ടവരെ ഒരു കാരണവശാലും ക്രൂരന്മാരായി ചിത്രീകരിക്കരുത് എന്ന വിധത്തിലാണ് ചില ബ്ലോഗെഴുത്തുകാരുടെ വാദങ്ങള്‍ )

പക്ഷെ എന്താണെന്നറിയില്ല ഇപ്രാവശ്യം തിലകന് പഴയ പോലെ പിന്തുണയില്ല .. വിവരാകാശ നിയമം സുപ്രീം കോടതിക്കും ബാധകമാണെന്ന് ഒരു ഹൈക്കോടതി വിധി വന്നപ്പോള്‍ അത് ബഹുമാനപ്പെട്ട ചീഫ് ജസ്റിസ് അവര്‍ണ്ണന്‍ ആയതുകൊണ്ടാണെന്ന് ഭാഷ്യം ചമച്ച "അഭിനവ ബുദ്ധന്മാര്‍ "തിലകനോട് ഇപ്രാവശ്യം വലിയ അനുകമ്പ ഒന്നും കാട്ടുന്നില്ല (ഈയിടെയായി പലര്‍ക്കും ബുദ്ധന്മാരോടാണ് സ് നേഹം കൂടുതല്‍ .. ഇതിന്റെ പത്തിലൊന്ന് പണ്ടുണ്ടായിരുന്നെങ്കില്‍ ഗാന്ധാരം എന്നറിയപ്പെട്ട അഫ്ഗാനില്‍ പത്തു ബുദ്ധന്മാരെങ്കിലും ജീവിച്ചിരുന്നേനെ . ബാമിയാന്‍ പ്രതിമകള്‍ക്ക് രക്ഷയുണ്ടായില്ല പിന്നെയാ ബുദ്ധന്മാര്‍ക്ക് )ജസ്റിസ് പോള്‍ ദിനകരന്‍ ദളിതനായത് കൊണ്ടാണ് അന്വേഷണം നേരിടുന്നതെന്നാണ് മറ്റൊരു ഭാഷ്യം (ഹിന്ദുവിലെ ജാതിവിവേചനം മടുത്താണ് മറ്റു മതങ്ങളിലേക്ക് രക്ഷ പ്രാപിക്കുന്നതെന്നാണ് രക്ഷക വചനങ്ങള്‍ .അപ്പോള്‍ പിന്നെ പോള്‍ ദിനകരന്‍ ദളിതനാകുന്നതെങ്ങനെയാണോ ആവോ )

അതവിടെ നില്‍ക്കട്ടെ നമുക്ക് തിലകനിലേക്ക് വരാം .. കുറച്ചു നാള്‍ മുന്പ് സവര്‍ണ്ണ അവര്‍ണ്ണ വാദം പറഞ്ഞ തിലകന് ബലേഭേഷ് പറഞ്ഞു ചാടിതുള്ളിയ മതേതര മാധ്യമ തേജസ്സുകള്‍ ഇപ്രാവശ്യം ങേ ഹേ ... ഒരക്ഷരം മിണ്ടുന്നില്ല .. ബ്ലോഗുകളില്‍ അവര്‍ണ്ണനെ ഊ ..... ഞ്ഞാലാട്ടാന്‍ നടക്കുന്ന ബുദ്ധിമാന്മാര്‍ക്കും മിണ്ടാട്ടമില്ല .. എന്താവാം കാരണം ????

എന്നാലും തിലകാ മോഹന്‍ലാലിനെ പറഞ്ഞു കൂടായിരുന്നോ ....

ലഷ്കര്‍ ജിഹാദും തീവ്രവാദ നഗ്നതയും ..

2010-02-08T13:10:00.000-08:00

ബൂലോകത്ത് ഈയിടെ പങ്കെടുത്ത ഒന്ന് രണ്ടു സംവാദങ്ങളില്‍‌‌‌‌‌‌ ശ്രദ്ധിച്ച ചില അഭിപ്രായങ്ങളാണ് ഇങ്ങനെയൊരു പോസ്റെഴുതാന്‍ പ്രേരിപ്പിച്ചത് . ഇന്ത്യയില്‍ നടക്കുന്ന ഏതാണ്ടെല്ലാ തീവ്രവാദി ആക്രമണങ്ങളും ഒരു സമൂഹത്തെ ഇരകള്‍ ആക്കാന്‍ വേണ്ടി ഫാസിസ്റ്റ് - നാസിസ്റ്റ് ശക്തികള്‍ നടത്തുന്ന പദ്ധതികളുടെ ഭാഗമാണെന്ന ആരോപണം ചില മത മൌലിക സംഘടനകള്‍‌‌‌‌‌‌‌‌‌‌‌‌‌‌ സ്ഥിരന്മായി ഉന്നയിക്കാറുണ്ട് . ഇന്ത്യയില്‍ അത് നിയന്ത്രിക്കുന്നത് സംഘ പരിവാര്‍ , ഇന്ത്യക്ക് പുറത്ത് മൊസാദ് അല്ലെങ്കില്‍‌‌‌ സി ഐ എ ( ഇവരൊന്നും പേരിനു പോലും ഇല്ലാത്തിടത്ത് ആരാണെന്ന് ചോദിക്കരുത് . അങ്ങനെ ചോദിച്ചാല്‍ അത് ചോദിക്കുന്നവര്‍ ചെയ്യുന്നതാണെന്ന് ഇവര്‍ പറഞ്ഞു കളയും ) എന്നിങ്ങനെയാണ് ആരോപണങ്ങളുടെ പോക്ക് .. നേരത്തെ ചില പോസ്റ്റുകളില്‍ പറഞ്ഞത് പോലെ കാര്‍ഗില്‍ യുദ്ധം, പാര്‍‌‌ലമെന്റ് ആക്രമണം‌‌ എന്നിവയൊക്കെ വെറും നാടകം ആയിരുന്നെന്ന് വിശ്വസിക്കുകയും പ്രചരിപ്പിക്കുകയും ചെയ്യുന്ന വിദ്വാന്മാര്‍ ഉള്ള നമ്മുടെ`നാട്ടില്‍ ഈ ജാതി ആരോപണങ്ങള്‍ ഇപ്പോള്‍ സര്‍വ്വ സാധാരണമാണ്. ലോകത്തുള്ള മുസ്ലിങ്ങളുടെയെല്ലാം പ്രതിനിധികളായി ചമഞ്ഞു വിളവെടുപ്പ് നടത്തുന്ന ഇവരാണ് ഒരു സമൂഹത്തെ സംശയ ദൃഷ്ടിയോടെ നോക്കാന്‍ പ്രേരിപ്പിക്കുന്നതും .

സഖാവ് പിണറായിക്കെതിരെ എന്തെങ്കിലും ആരോപണം വന്നാല്‍ അത് ഉടനെ പാര്‍ട്ടിക്ക് എതിരെ ഉള്ള ആരോപണമായി ദിശ മാറുന്നത് പോലെ, അല്ലെങ്കില്‍ മാറ്റുന്നത് പോലെയാണ് തന്നെയാണ് ഈ മതമൌലിക വാദികളുടെയും‌‌‌‌‌‌‌‌ സ്വഭാവങ്ങള്‍ .. തീവ്ര ചിന്താഗതി ഉള്ള താലിബാനികളെ ആരെങ്കിലും എന്തെങ്കിലും പറഞ്ഞാല്‍ ആ ക്ഷണം ചാടി വീണ് സമൂഹത്തെ ഇല്ലായ്മ ചെയ്യാന്‍ ശ്രമിക്കുന്നു എന്ന്‍ ആക്രോശിച്ച് മുസ്ലിം വികാരം ഇളക്കിമറിക്കുകയാണ് ഇവരുടെ പ്രധാന പദ്ധതി .. മത വിശ്വാസം ശക്തമായ ഒരു സമൂഹത്തില്‍ ഇതുണ്ടാക്കുന്ന അലയടികള്‍ എങ്ങനെ തങ്ങള്‍ക്കു ലാഭകരമാക്കാം എന്ന ചിന്തയാണ് ഇവരെ നയിക്കുന്നത്. സ്വതവേ സമാധാനപ്രിയരും മനുഷ്യ സ്നേഹികളുമായ യഥാര്‍ത്ഥ മത വിശ്വാസികള്‍ , ഇവര്‍ക്കെതിരെ എന്തെങ്കിലും പറഞ്ഞാല്‍ അത് മതത്തിനെതിരെയായി വ്യാഖ്യാനിക്കപ്പെടുമോ എന്ന പേടി കൊണ്ട് മൌനം ഭജിക്കുകയാണ് സാധാരണ ചെയ്യാറുള്ളത് . (അത് തന്നെയാണ് ഇവരുടെ വിജയവും ) .അത് കൊണ്ടാണ് അഫ്ഗാനിലെ താലിബാനികളും , പാകിസ്ഥാനിലെ ലഷ്കര്‍ ഭീകരരും ഇസ്ലാമിക ആദര്‍ശം അനുസരിച്ചാണ് പ്രവര്‍ത്തിക്കുന്നതെന്ന് പറയാന്‍ ഇവര്‍ക്ക് കഴിയുന്നത്.(രാജാവിന്റെ നഗ്നത ചൂണ്ടിക്കാണിക്കുന്ന തിരക്കിനിടയില്‍ ഇവരൊക്കെ സ്വയം നഗ്നരാകുന്നത് അറിയുന്നില്ലെന്നു തോന്നുന്നു)

ഇന്ത്യയിലെ കലാപങ്ങളുടെ നാള്‍വഴികള്‍ വെറും മുപ്പത്തിയെട്ടു വര്‍ഷങ്ങളില്‍ ഒതുങ്ങുന്നവയല്ല .. മതഭ്രാന്തിന്റെ ഭീകരതയുമായി അതിര്‍ത്തി കടന്നെത്തിയ വിഗ്രഹ ഭംജകര്‍ തകര്‍ത്തത് ആയിരക്കണക്കിന് ക്ഷേത്രങ്ങളാണ്. അതൊക്കെ സ്വത്തു കൊള്ളയടിക്കാന്‍ മാത്രമുള്ളവയായിരുന്നു എന്ന വ്യഖ്യാനം വെറും ഭംഗിവാക്കും ചരിത്രത്തിന്റെ തമസ്കരണവുമാണ് .സംഘ പരിവാര്‍ പിറവിയെടുക്കുന്നതിനു മുന്പ് തന്നെ ഉണ്ടായ സ്വാതന്ത്ര്യ സമര കാര്‍ഷിക മാപ്പിള ലഹളയുടെ കഥ എന്റെ തന്നെ മറൊരു പോസ്റ്റില്‍ ഇട്ടിരുന്നു . ക്ഷേത്രങ്ങളുടെ മുകളില്‍ പാകിസ്താന്‍ പതാക ഉയര്‍ത്തുക , ഘോഷയാത്രകളെ ആക്രമിക്കുക ,ക്ഷേത്രങ്ങള്‍ തല്ലി തകര്‍ക്കുക, പശുവിനെ അറുത്ത് ക്ഷേത്രത്തില്‍‌‌ തള്ളുക തുടങ്ങിയവയൊക്കെ കലാപങ്ങള്‍‌‌‌‌ക്കിടയില്‍‌‌ നടത്തിയ ചില ഒറ്റപ്പെട്ട സം‌‌ഭവങ്ങളൊന്നുമായിരുന്നില്ല. ..വിഭജനത്തിനു ശേഷം രണ്ടു സമൂഹങ്ങള്‍‌‌‌‌‌‌ക്കിടയിലെ വിശ്വാസ രാഹിത്യം മറ്റൊരു കാരണവും . പറഞ്ഞു വന്നതെന്തെന്നാല്‍ കലാപങ്ങളുടെ തിക്ത ഫലങ്ങള്‍ ഇന്ത്യയിലെ ഭൂരിപക്ഷ സമൂഹവും അതി ഭീകരമായി തന്നെ അനുഭവിച്ചിട്ടുണ്ട് എന്നാണ് .. കാശ്മീരിലുണ്ടായിരുന്ന ലക്ഷക്കണക്കിന്‌ പണ്ഡിറ്റുകളില്‍‌‌ ഇന്ന് ബാക്കിയുള്ളവര്‍‌‌‌‌ (അയല്‍പക്കത്തെ ആദര്‍ശ രാഷ്ട്രങ്ങളുടെ ജിഹാദ് മൂലം) ഡല്‍ഹിയിലെ തെരുവുകളില്‍ ഇന്ന് അഗതികളായി കഴിയുന്നു .ഇതേ ആദര്‍ശ രാജ്യത്തിലെ തീവ്രവാദികളുടെ പിന്തുണയോടു കൂടി നടമാടിയ കാശ്മീര്‍ നരഹത്യകളില്‍ ഇന്നേവരെ പതിനായിരക്കണക്കിനു പേര്‍ മരിച്ചു വീണു . അതില്‍ പകുതിയോളം‌‌‌‌‌‌‌‌ മുസ്ലിങ്ങള്‍ ആയിരുന്നു താനും .( ആ കൂട്ടക്കൊലകള്‍ക്കെതിരെ ഒരക്ഷരം പറയില്ല ഇന്ത്യന്‍ ജിഹാദികള്‍‌‌‌‌ .. കാശ്മീരിലെ തീവ്രവാദികള്‍ ചില മലയാള പത്രങ്ങള്‍ക്കു പോരാളികള്‍ ആണല്ലോ , അവര്‍ നടത്തുന്നത് സ്വാതന്ത്ര്യ സമരവും )

“ചില പാക് പൌരന്മാര്‍ ഇന്ത്യയില്‍ തീവ്രവാദ ആക്രമണങ്ങള്‍ നടത്തിയേക്കാം ..(ഉറപ്പൊന്നുമില്ല) അഥവാ നടത്തിയാലും അതിനു പിന്നില്‍ പാക് മതമൌലിക വാദികള്‍ ഇല്ല , മറിച്ച് സവര്‍ണ്ണ ഫാസിസ്റ്റ് പരിവാറും , പിന്നെ പരിവാര്‍ സ്വാധീനമുള്ള ഐ ബി യും ആണതിനു പിന്നില്‍ “എന്നു പറയുന്ന 'ഇന്ത്യാ'ക്കാരും ധാരാളമായുണ്ട്. പാകിസ്ഥാനെകുറിച്ച് ഒരക്ഷരം മിണ്ടരുത് എന്നുള്ള മനോഭാവമാണെന്നു തോന്നും ഇവരുടെ വാക്കുകള്‍ കേട്ടാല്‍ . ഇതൊക്കെ കാണുമ്പോഴാണു ഇന്ത്യയോട് യുദ്ധം ചെയ്യാന്‍ ഞങ്ങള്‍ക്ക് പാക് പട്ടാളത്തിന്റെ ആവശ്യമില്ല എന്ന് പര്‍വേസ് മുഷറ്ഫ് പണ്ട് പറഞ്ഞത് എത്ര അര്‍ത്ഥവത്താണെന്നു നാം മനസ്സിലാക്കുന്നത്

ഇന്ത്യ പാകിസ്ഥാനില്‍ ഭീകര പ്രവര്‍ത്തനം നടത്തി എന്നതിന്റെ തെളിവ് നമ്മുടെ പ്രധാനമന്ത്രിക്കു കൈമാറിയെന്ന് പാക് പത്രമായ ഡോണ്‍ റിപ്പോര്‍ട്ട് ചെയ്തപ്പോള്‍ അതിനെ അധികരിച്ച് ,അനുഭാവം പുലര്‍ത്തുന്ന രീതിയില്‍ എഡിറ്റോറിയല്‍ എഴുതിയ മതേതര മനുഷ്യാവകാശ പത്രങ്ങള്‍ തമസ്കരിച്ച ഒന്നു രണ്ട് വാര്‍ത്തകള്‍ ചുവടെ...

ISLAMABAD: A day after Islamabad said it was seeking a clarification from New Delhi on the agenda for the proposed Foreign Secretary-level talks, the Jamat-ud-Dawah, front organisation of the Lashkar-e-Taiba, the group blamed for the Mumbai attacks, held a public meeting here vowing to seize Kashmir by force and threatening “rivers of blood” in India.

“Whenever our jihad in Kashmir nears success, India becomes ready for talks,” Abdur Rehman Makki, deputy to JuD leader Hafiz Saeed, told his audience, mostly traders from the local market, students from madrasas and JuD activists bussed in from Rawalpindi.

മുകളില്‍ പറഞ്ഞത് എന്ത് ജിഹാദ് ആണെന്ന് അറിവുള്ളവര്‍ പറയട്ടെ .. (തീവ്രവാദികള്‍ പറയുന്ന ജിഹാദല്ലല്ലോ , ഇസ്ലാം പ്രചാരകര്‍ പറയുന്ന ജിഹാദ് )

ഇനി അടുത്ത് ഡയലോഗ് നോക്കൂ..

India and the U.S. were trying to make the Kashmir cause a part of the “war on terror,” he said, but if India did not pull out its troops from there, “each one of the 17 crore Pakistanis would struggle step-for-step with the Kashmiris in the massacre of Indian soldiers until the last soldier is dead.”

ആഹഹ ചുണക്കുട്ടി തന്നെ.. ഇത് താനെടാ ആദര്‍ശം ... മുഴുവന്‍ വാര്‍ത്ത ഇവിടെ വായിക്കാം

അന്നേ ദിവസം ഇന്ത്യന്‍ എക്സ്പ്രസ്സില്‍ വന്ന വാര്‍ത്ത ഇങ്ങനെ ..

Jamaat-ud-Dawa chief Hafiz Mohammad Saeed, accused of masterminding the Mumbai attacks, on Friday said the only solution to problems between India and Pakistan is the “liberation of Jammu and Kashmir”, failing which radical groups would resort to the “option of jehad”.

ബോം‌‌ബെയില്‍‌‌ നടന്ന കൂട്ടക്കുരുതിയുടെ സൂത്രധാരനെന്നറിയപ്പെടുന്ന ഹാഫിസ് മുഹമ്മദ് സയ്യിദ് പറഞ്ഞത് - "ഇന്‍‌‌ഡ്യയും‌‌ പാക്കിസ്ഥാനും തമ്മിലുള്ള എല്ലാ പ്രശ്നങ്ങള്‍‌‌ക്കും‌‌ പരിഹാരം‌‌ ജമ്മുവിന്റെയും‌‌ കാശ്മീരിന്റെയും‌‌ സ്വാതന്ത്ര്യം‌‌ മാത്രം‌‌‌‌, അതിനു തയ്യാറില്ലെങ്കില്‍‌‌ ജിഹാദ് നേരിടാന്‍‌‌ തയ്യാറായിക്കൊള്ളുക" !!!

ഇനി അദ്ദേഹത്തിന്റെ ആ എളിമ നോക്കൂ..

“We are not against composite dialogues. I ask Chidambaram to first come to Lahore before going to Islamabad and hold talks with me. I will tell him a solid solution to the problems between India and Pakistan,” said Saeed. “There is only one solution to all the problems--liberate Indian-held Kashmir. Otherwise the option of ‘jehad’ (holy war) is open for us,” Saeed said. He also warned India that the liberation of the erstwhile state of Hyderabad was also on the JuD’s agenda.

അദ്ദേഹത്തിനു കാഷ്മീര്‍ മാത്രം പോരാ, ഹൈദരാബാദും അജണ്ടയിലുണ്ട് പോലും ..

മുഴുവന്‍ വാര്‍ത്ത ഇവിടെ വായിക്കാം

പതിനായിരങ്ങള്‍ പങ്കെടുത്ത സമ്മേളനങ്ങള്‍ ആണ് പാകിസ്ഥാനിലുടനീളം നടന്നത് .ഇതില്‍ നിന്നു തന്നെ ഇന്ത്യാ വിരുദ്ധതയുടെ വ്യാപ്തിയും ഇന്ത്യയെ ആക്രമിക്കാനുള്ള ജിഹാദികളുടെ വ്യഗ്രതയും മനസ്സിലാക്കാവുന്നതാണ്. അയല്‍ പക്കത്തെ ദരിദ്ര രാജ്യത്തിന്റെ താലിബാനിസത്തിന്റെ പിന്നിലുള്ള ആദര്‍ശത്തില്‍ ഊറ്റം കൊള്ളുന്നവര്‍ ഭാവിയില്‍ ഈ മതതീവ്രവാദത്തെ പിന്തുണയ്ക്കില്ല എന്ന് എന്താണ് ഉറപ്പ് ??? ഒരു ഉറപ്പും നമുക്ക് പറയാന്‍ കഴിയില്ല . കാരണം അവരുടെ വിധേയത്വം രാജ്യത്തോടല്ല മറിച്ച് ഈ താലിബാനിസത്തിനു പിന്നിലെ ആദര്‍ശത്തോടാണ്.

കാരക്കുന്ന് കള്ളം പറയുമ്പോള്‍

2010-01-21T12:49:00.000-08:00

മാധ്യമ സ്വാതന്ത്ര്യവും ദുസ്സ്വാതന്ത്ര്യവും വളരെയധികം ചര്‍ച്ച ചെയ്യപ്പെടുന്ന ഒരു സമയമാണിത് . നട്ടാല്‍ കുരുക്കാത്ത നുണകള്‍ സ്വന്തം പത്രത്തിലൂടെ പ്രചരിപ്പിക്കുന്നവര്‍ പോലും മറ്റു മാധ്യമങ്ങളുടെ വളച്ചൊടിക്കലുകളെ പറ്റി ഘോരഘോരം പേനയുന്തുന്നു. ആ തരത്തിലുള്ള ഒരു ലേഖനം ഇന്നത്തെ മതേതര 'മാധ്യമ'ത്തില്‍ കണ്ടു. മാധ്യമം പത്രത്തിനു പിന്നിലെ പ്രത്യയ ശാസ്ത്രത്തിന്റെ കേരളത്തിലെ അസിസ്റ്റന്റ് അമീര്‍ ശ്രീ ഷേക്ക് മുഹമ്മദ് കാരക്കുന്നാണ് പ്രസ്തുത ലേഖനത്തിന്റെ കര്‍ത്താവ്. ലേഖനത്തിന്റെ പേര്‍ “നിയമത്തെ ദുരുപയോഗം ചെയ്യുന്നവര്‍“. ഒട്ടും താമസിയാതെ തന്നെ മാധ്യമം പത്രത്തിന്റെ“ ബൂലോക ആസ്ഥാന മൂടു താങ്ങികള്‍“ ലേഖനം പോസ്റ്റാക്കി പ്രതിബദ്ധത കാട്ടുകയും ചെയ്തു .

മൂല്യബോധമില്ലാത്ത മറ്റ് പത്രങ്ങളുടെ സമീപനം കാരണം സമൂഹത്തിലുണ്ടാകുന്ന വിള്ളലുകളോര്‍ത്ത് വളരെയധികം വിഷമിക്കുന്നുണ്ട് അദ്ദേഹം. യാതൊരു ബന്ധവുമില്ലാത്ത കാര്യങ്ങള്‍ പറയുകയും പ്രവര്‍ത്തിക്കുകയും ചെയ്യുകയാണു “മാധ്യമം” ഒഴിച്ചുള്ള മറ്റ് പത്രങ്ങളുടെ പരിപാടി എന്നദ്ദേഹം ചൂണ്ടിക്കാട്ടുന്നു. അതിനു വളരെയധികം ഉദാഹരണങ്ങളും അദ്ദേഹം പ്രതിപാദിക്കുന്നുണ്ട്. ചുരുക്കത്തില്‍ സത്യസന്ധമായ മാധ്യമ പ്രവര്‍ത്തനത്തിന്റെ ആവശ്യകതയിലേക്ക് വിരല്‍ ചൂണ്ടുന്നതിനോടൊപ്പം തന്നെ യാതൊരു വിധ മൌലികവാദ ചിന്തകളും ഇല്ലാത്ത ആളായിരുന്നു സ്വന്തം നേതാവായ മൌദൂദി എന്ന കാര്യവും അദ്ദേഹം സമര്‍ത്ഥിക്കുന്നുണ്ട്.

അദ്ദേഹത്തിന്റെ പ്രത്യയശാസ്ത്രത്തിന്റെ സ്വന്തം പത്രമായ മാധ്യമം പ്രചരിപ്പിക്കുന്ന പച്ചക്കള്ളങ്ങളും ഇന്ത്യാ വിരുദ്ധതയും എന്റെ മറ്റുള്ള പോസ്റ്റുകളില്‍ വിശദമായി തന്നെ പറഞ്ഞിട്ടുണ്ട് .യാതൊരു തെളിവും കയ്യിലില്ലാതെ “മുംബൈ ആക്രമണത്തിനു പിന്നില്‍ ഹൈന്ദവ തീവ്രവാദികള്‍“എന്ന് തലക്കെട്ട് കൊടുത്തിട്ട്, മുഷറിഫ് എഴുതിയ പുസ്തകത്തെ പറ്റി വിശദമാക്കിയവരാണു ഇവര്‍.. അജമല്‍ കസബ് നേപ്പാളില്‍ വെച്ച് നേരത്തെ അറസ്റ്റ് ചെയ്യപ്പെട്ടിരുന്നു എന്ന പാക് വാദം സ്വന്തം പുസ്തകത്തില്‍ ഒരു അധ്യായമാക്കി സമര്‍ത്ഥിച്ച ആളാണു ഈ മുഷറിഫ് . പക്ഷെ ഈ വാര്‍ത്തകളൊക്കെ വളരെ മനോഹരമായി കൊടുത്ത് അതിനനുസരിച്ച് ലേഖനങ്ങള്‍ എഴുതിച്ച്,കൂട്ടത്തില്‍ ഇങ്ങനെ ഉള്ളവരുടെ അഭിമുഖങ്ങളും പ്രസിദ്ധീകരിച്ച് ഇന്ത്യാ വിരുദ്ധതയ്ക്ക് ചൂട്ടു പിടിക്കുന്ന ഇക്കൂട്ടര്‍ മാധ്യമധര്‍മ്മത്തെ പറ്റി വായിട്ടലയ്ക്കുന്നത് അങ്ങേയറ്റം പരിഹാസ്യമാണെങ്കിലും പത്രം 'മാധ്യമം' ആയതു കൊണ്ട് ഇതൊക്കെ സ്വാഭാവികമാണെന്ന് വിചാരിച്ചു നമുക്ക് സമാധാനിക്കാം ..

എന്നാല്‍ ...

സത്യ സന്ധമായ മാധ്യമപ്രവര്‍ത്തനത്തെ പറ്റി ബേജാറാകുന്ന കാരക്കുന്ന് അതേ ലേഖനത്തില്‍ തന്നെ പച്ചക്കള്ളം പറയുന്നത് എന്തടിസ്ഥാനത്തില്‍ ആണെന്ന് കൂടി ചോദ്യമുയരുന്നു.. പ്രഗ്യാസിംഗ് താക്കൂര്‍ അറസ്റ്റ് ചെയ്യപ്പെട്ട മാലേഗാവ് സ്ഫോടനത്തെ പറ്റി അദ്ദേഹം എഴുതിയത് നോക്കൂ...

2006 സെപ്റ്റംബര്‍ എട്ടിന് വെള്ളിയാഴ്ച മാലേഗാവില്‍നടന്ന മൂന്ന് സ്ഫോടനങ്ങളിലായി 22 കുട്ടികളുള്‍പ്പെടെ 40 പേര്‍ മരിച്ചു. ഇരുന്നൂറ്റമ്പതോളം പേര്‍ക്ക് പരിക്കുപറ്റി. പ്രസ്തുത സ്ഫോടനങ്ങള്‍ക്കു പിന്നില്‍ പ്രജ്ഞസിങ് ഠാക്കൂര്‍, ലഫ്റ്റനന്റ് കേണല്‍ പുരോഹിത് ദയാനന്ദ് പാണ്ഡെ, പൂര്‍ണചേതാ നന്ദകി തുടങ്ങിയ 'അഭിനവ് ഭാരത്' എന്ന തീവ്രഹിന്ദു സംഘടനയുടെ നേതാക്കളായിരുന്നുവെന്ന് ഹേമന്ത് കര്‍ക്കരെയുടെ നേതൃത്വത്തിലുള്ള അന്വേഷണ സംഘം തെളിയിച്ചതാണല്ലോ.

ലേഖനത്തിന്റെ പൂര്‍ണ്ണരൂപം ഇവിടെ‍

കാരക്കുന്നിന്റെ അഭിപ്രായമനുസരിച്ച് പ്രഗ്യാ സിംഗ് അറസ്റ്റ് ചെയ്യപ്പെട്ട മാലേഗാവ് സ്ഫോടനം നടന്നത് 2006 ഇലാണ്. അതും ഹേമന്ത് കാര്‍ക്കറെ തെളിയിച്ചു എന്ന് അദ്ദേഹത്തിനു ഉറപ്പാണ് താനും ..പ്രഗ്യാസിംഗ് ഉള്‍പ്പെട്ട മാലേഗാവ് സ്ഫോടനത്തിന്റെ ഏതു ചെറിയ വിവരങ്ങളും ക്രുത്യമായി അപ്ഡേറ്റ് ചെയ്യുന്ന മാധ്യമം പോലെ ഉള്ള ഒരു പത്രത്തില്‍ ഇങ്ങനെ ഒരു ലേഖനം വന്നത് , അതും ജമാ അത്തെ ഇസ്ലാമിയുടെ നായകന്‍ ആയ ഒരാള്‍ ഇത്തരത്തില്‍ ഉള്ള ഒരു തെറ്റ് എഴുതുന്നത് ആകസ്മികമാണെന്ന് വിശ്വസിക്കാന്‍ ബുദ്ധിമുട്ടുണ്ട് . കാരണം മാലേഗാവിനെ പറ്റി അത്രത്തോളം ലേഖനങ്ങള്‍ പ്രസിദ്ധീകരിച്ച പത്രമാണു മാധ്യമം. അതും ഇതിനെ പറ്റിയൊക്കെ മഹാ ലേഖനങ്ങള്‍ എഴുതിപ്പിടിപ്പിക്കുന്ന ലേഖകര്‍ ഉള്ളപ്പോള്‍ , അതൊക്കെ സ്ഥിരമായി നോക്കുന്ന പ്രൂഫ് റീഡര്‍മാര്‍ ഉള്ളപ്പോള്‍ ..

പ്രഗ്യാസിംഗ് അറസ്റ്റ് ചെയ്യപ്പെട്ട സ്ഫോടനത്തെ പറ്റി ഇംഗ്ലീഷ് ദേശാഭിമാനിയില്‍ വന്ന വാര്‍ത്ത ഇവിടെ‍

MUMBAI: The Anti-Terrorism Squad (ATS) arrested three persons on Thursday in connection with the Malegaon blast of September 29, ATS chief Hemant Karkare told journalists here on Friday.

The accused have been identified as Pragnya Singh Chandrapal Singh, 38, Shiv Narayan Gopal Singh Kalsanghra, 36, and Shyam Bhawarlal Sahu, 42. They were produced before the Nashik Chief Judicial Magistrate’s court, which remanded them to police custody till November 3.

വാര്‍ത്ത വന്നത് 2008 ഒക്റ്റൊബര്‍ 25 നു . അപ്പോള്‍ വാര്‍ത്തയില്‍ പറയുന്ന സെപ്റ്റംബര്‍ 29 അതേവര്‍ഷം തന്നെ ആണെന്നു ആര്‍ക്കും മനസ്സിലാകും. (2008 സെപ്റ്റംബര്‍ 29 നു ആണ് പ്രഗ്യാസിംഗിന്റെ മേല്‍ കുറ്റമാരോപിക്കപ്പെട്ട സ്ഫോടനം നടന്നതെന്ന് വിക്കിപീഡിയയിലും മറ്റ് ലേഖനങ്ങളിലും കാണുന്നുമുണ്ട്.)

ഇനിയിപ്പോള്‍ 2006 ഇല്‍ നടന്ന സ്ഫോടനവും ഇവര്‍ തന്നെ ചെയ്തതാണെന്നാണു കാരക്കുന്നും മാധ്യമവും ഉദ്ദേശിച്ചതെങ്കില്‍ സാരമില്ല. കാരണം അത് ഇവരുടെ സ്ഥിരം പരിപാടി ആണെന്ന് നമുക്കറിയാം.ഇന്ത്യയില്‍ ഭീകരാക്രമണമോ ബോംബ് സ്ഫോടനമോ നടന്നാല്‍ അതെല്ലാം സംഘപരിവാര്‍ ആണെന്നും , ഇന്ത്യക്ക് പുറത്ത് നടന്നാല്‍ അതൊക്കെ മൊസാദ് യാങ്കി അചുതണ്ടിന്റെ പരിപാടി ആണെന്നും വാദിച്ച് നടക്കുന്ന ഇക്കൂട്ടര്‍ ഇങ്ങനെയൊക്കെ പറഞ്ഞാല്‍ അതില്‍ അത്ര അദ്ഭുതപ്പെടേണ്ട കാര്യമില്ല .

പക്ഷേ

അവസാനം ഇത് ഹേമന്ത് കാര്‍ക്കറെ തെളിയിച്ചു എന്നും പറഞ്ഞിരിക്കുന്നു.. മൂക്കത്ത് വിരല്‍ വച്ചു പോകുന്നതില്‍ തെറ്റുണ്ടോ.. സത്യ സന്ധമായ പത്ര പ്രവര്‍ത്തനത്തെ പറ്റി ഘോരഘോരം വാദിച്ച ഒരു ലേഖനത്തില്‍ ഇത്രയും വലിയ ഒരു കള്ളം അടിച്ചു വന്നത് അറിഞ്ഞോ അതോ അറിയാതെയോ ?? .അറിയാതെ ആണെങ്കില്‍ തുടര്‍ന്നുള്ള ദിവസങ്ങളില്‍ അവര്‍ തെറ്റ് തിരുത്തുമെന്ന് നമുക്കാശിക്കാം.. അതല്ല അറിഞ്ഞു കൊണ്ടാണെങ്കില്‍ അതിന്റെ പിന്നിലെ അജന്‍ഡയെ സംശയിക്കേണ്ടതാണെന്നുള്ളതില്‍ തര്‍ക്കമില്ല..

പ്രത്യേക ഇനം‌‌ മതേതര മനുഷ്യസ് നേഹികള്‍ ...

2009-12-25T10:03:00.000-08:00

ശൈശവദശയില്‍ ആണെന്നൊക്കെ പറഞ്ഞു കേള്‍‌‌‌‌ക്കുന്നുണ്ടെങ്കിലും‌‌‌‌ ഇപ്പോള്‍‌‌‌‌ത്തന്നെ മലയാള ബ്ലോഗ്‌ വിവിധ തരത്തില്‍ ഉള്ള വിഷയങ്ങള്‍ കൊണ്ട് സമ്പന്നമാണ്. കഥ, കവിത, സാഹിത്യം, സാങ്കേതികം, വിദ്യാഭ്യാസം, വൈജ്ഞാനികം, മതം, യുക്തിവാദം, രാഷ്ട്രീയം ... എന്നു വേണ്ട ജീവിതത്തിന്റെ എല്ലാ തലങ്ങളെയും സ്പര്‍ശിച്ചു നില്‍ക്കുകയാണ് ഇന്ന് ബൂലോകം. ഈ ശാഖകളില്‍, ഒരു പക്ഷേ ഇന്ന് ഏറ്റവുമധികം‌‌ ചര്‍ച്ച ചെയ്യപ്പെടുന്ന വിഷയമാണ് യുക്തിവാദം. വിവിധ യുക്തിവാദികള്‍ ബൂലോകത്ത് തങ്ങളുടേതായ ഒരു ശൈലി തന്നെ നിര്‍മ്മിച്ച്‌ കഴിഞ്ഞിട്ടുണ്ട്. ഇവരിലാരുടെയെങ്കിലും‌‌‌‌ ശൈലിയെയോ പ്രത്യയ ശാസ്ത്രത്തെയോ എതിര്‍ക്കുക എന്നതോ പിന്തുണ കൊടുക്കുക എന്നതോ അല്ല ഈ പോസ്റ്റിന്റെ ഉദ്ദേശ്യം. മറിച്ച് ഈ അടുത്ത കാലത്ത് ബൂലോകത്തും മറ്റു സോഷ്യല്‍ കൂട്ടായ്മകളിലും കണ്ടു വരുന്ന ചില പ്രത്യേക തരം പ്രതി('ആ')ഭാസങ്ങളെ കുറിച്ചാണ് ഈ പോസ്റ്റ്‌ .

ആദ്യമായി പുതിയ ഇനം മതേതര മനുഷ്യസ്നേഹികളെ പറ്റി തന്നെ ആകട്ടെ . അറിയപ്പെടുന്ന യുക്തിവാദികളുടെ പോസ്റ്റുകള്‍ ബ്ലോഗിന്റെ വശങ്ങളില്‍ കൊടുത്താണ് ഇവരുടെ രംഗ പ്രവേശം. പിന്നീട് ഈ യുക്തിവാദികളുടെ കമന്റ് ബോക്സില്‍‌‌‌‌ ചെറുതായി ഐക്യദാര്‍‌‌ഢ്യകമന്റുകളും‌‌ ഇട്ടു തുടങ്ങും‌‌‌‌‌‌. പിന്നീട് ചില യുക്തിവാദ ബ്ലോഗുകളില്‍ മതത്തിന്റെയും മത വിശ്വാസങ്ങളുടെയും കപടതയെ പറ്റിയൊക്കെ ചെറുതായി സൂചിപ്പിച്ചുകൊണ്ട് കമന്റിടുന്നു.

പക്ഷേ ഇത് എല്ലാ യുക്തിവാദികളുടെ പോസ്റ്റിലും തുടരും എന്ന് കരുതിയാല്‍ വായനക്കാര്‍ക്ക് തെറ്റി.

ചില മതങ്ങളെ പറ്റി പറയുന്ന ബ്ലോഗുകളില്‍ മാത്രമേ കമന്റ് ഇടുകയുള്ളൂ. അതിനിടയില്‍ ചെറുതായി സ്വന്തം പോസ്റ്റുകള്‍ ആരംഭിക്കുകയും ചെയ്യും. അതിലാകട്ടെ ഇവിടുത്തെ ഒരു പ്രത്യേക മത സമൂഹത്തിന്റെ ആരാധനാലയങ്ങളെയും അവരുടെ ആചാരങ്ങളെയും 'മാത്രം‌‌' താറടിച്ചു കാണിക്കുക, അവരുടെ ആരാധനാലയങ്ങളില്‍ പോകുന്നവരിലൂടെ ഫാസിസം അതിന്റെ ഉന്മൂലന ശ്രമങ്ങള്‍ തുടങ്ങുന്നു എന്ന് സ്ഥാപിക്കാന്‍ ശ്രമിക്കുക തുടങ്ങിയ കലാപരിപാടികള്‍‌‌ ആരം‌‌ഭിക്കും‌‌‌‌‌‌. അത് മാത്രമല്ല ഈ വിഭാഗത്തിന്റെ വിശ്വാസങ്ങളെ നിശിതമായി പരിഹസിക്കുന്ന പോസ്റ്റുകളില്‍‌‌ ചെന്ന് കൈ കൊട്ടി ചിരിച്ചു അവരോടു താദാത്മ്യം പ്രാപിച്ചു നിര്‍വൃതി അടയും. അതേ ബ്ലോഗില്‍‌‌ അതേ ബ്ലോഗര്‍‌‌ തന്നെ ഒരു 'പ്രത്യേക മത'ത്തെയോ ആ മതത്തിന്റെ ചില വിശ്വാസികള്‍‌‌ ചെയ്യുന്ന കൊള്ളരുതായ്മകളേയോ ഒന്ന് വിമര്‍‌‌ശിച്ചാല്‍‌‌ സം‌‌ഘപരിവാര്‍‌‌ ചാരന്‍‌‌ എന്ന ഫലകം‌‌ താല്ക്കാലികമായി ആ ബ്ലോഗറുടെ നെറ്റിയില്‍‌‌ നിക്ഷേപിക്കാനും‌‌ ഈ മനുഷ്യസ്നേഹികള്‍‌‌ മടിക്കാറില്ല.

മറ്റുള്ളവര്‍ക്ക് മുന്നില്‍ ഒരു മതേതര മനുഷ്യ സ്നേഹ യുക്തിവാദി ചമയാനുള്ള എല്ലാ ശ്രമങ്ങളും ഈ വിദ്വാന്മാര്‍ നടത്തും . താമസിയാതെ ബൂലോകത്തെ ആസ്ഥാന യുക്തിവാദികള്‍ ഇവരെഴുതുന്ന പോസ്റ്റുകളില്‍ കമ്മന്റിട്ട് തുടങ്ങുകയും തങ്ങളില്‍ ഒരാളായി ഇവരെ ഗണിക്കുകയും ചെയ്തു തുടങ്ങുകയും‌‌ ചെയ്യും‌‌.

പക്ഷെ നീല കുറുക്കന്‍ അറിയാതെ കൂവിപ്പോകുന്ന പഞ്ചതന്ത്രം കഥയെ അര്‍ത്ഥവത്താക്കുന്ന വിധത്തില്‍ തുടര്‍ന്ന് വരുന്ന പോസ്റ്റുകള്‍ എല്ലാം തീവ്രവാദത്തെയും തീവ്രവാദികളെയും ന്യായീകരിക്കുന്ന വിധത്തില്‍ ആകുമ്പോള്‍ ആണ് , നമ്മുടെ പഴയ യുക്തിവാദികള്‍ ഈ നീലകുറുക്കന്മാരെ തിരിച്ചറിയുന്നതും‌‌ ചിലരൊക്കെ പുറങ്കാലുകൊണ്ട് തൊഴിച്ചെറിയുന്നതും‌‌‌‌‌‌‌‌.

ജാമിയ മിലിയയിലെ ഏറ്റുമുട്ടല്‍‌‌ വ്യാജമായിരുന്നെന്നും‌‌, പാര്‍‌‌‌‌ലമെന്റ് ആക്രമണം‌‌ സം‌‌ഘപരിവാര്‍‌‌ അജണ്ടയായിരുന്നെന്നും‌‌, അഫ്സല്‍‌‌ ഗുരു പച്ചവെള്ളം‌‌ ചവച്ചു കുടിക്കുന്ന പാവമായിരുന്നുവെന്നും‌‌ മുംബൈ ആക്രമണം സം‌‌ഘപരിവാറും‌‌ മൊസാദും‌‌ ചേര്‍‌‌ന്നു ചെയ്തതാണെന്നും‌‌‌‌‌‌, കാര്‍‌‌ഗില്‍‌‌ യുദ്ധത്തില്‍‌‌ ശരിക്കും‌‌ കടന്നു കയറിയത് ഇന്ഡ്യയാണോ എന്നൊക്കെ സം‌‌ശയിച്ചുകൊണ്ട് ചില പാകിസ്താന്‍ പത്രങ്ങളിലെ വാര്‍ത്തകള്‍ കൊടുത്തു തുടങ്ങുമ്പോള്‍ ആണ് ബാക്കിയുള്ള മതേതരര്‍ക്കും അല്ലറ ചില്ലറ സംശയങ്ങള്‍ ഉണ്ടായി തുടങ്ങുന്നത് .എങ്കിലും സഹോദരന്‍‌‌ ചത്താലും‌‌ നാത്തൂന്റെ കണ്ണീരുകാണണം‌‌ എന്നതു പോലെ പരിവാറിനെയും‌‌ തെറി പറയുന്നുണ്ടല്ലോ എന്നുള്ള സമാധാനത്തില്‍ അവരില്‍‌‌ ചിലരൊക്കെ മിണ്ടാതെ ഇരുന്നെന്നും‌‌ വരും‌‌.

പക്ഷെ 'സ'വര്‍ണ്ണ ഹിന്ദുത്വ പരിവാരങ്ങളെയൊക്കെ കണക്കിന് പരിഹസിച്ചു വന്നിരുന്ന ഒരു ബ്ലോഗര്‍‌‌ ഈ അടുത്ത സമയത്ത് എഴുതിയ പോസ്റ്റുകള്‍ ഈ നീല കുറുക്കന്മാരെ സകല ശക്തിയുമെടുത്തു കൂവാന്‍ പ്രേരിപ്പിക്കുന്നതായിരുന്നു . അതിനോടൊപ്പം മറ്റൊരു യുക്തിവാദിയുടെ ബ്ലോഗില്‍ കേരളത്തിലെ ഒരേയൊരു "സത്യസന്ധ മതേതര പരിസ്ഥിതി പത്രത്തിന്റെ" കാപട്യം ചൂണ്ടി കാണിച്ചു കൊണ്ട് ഒരു പോസ്റ്റു‍ കൂടി വന്നപ്പോള്‍ എല്ലാ അര്‍ത്ഥത്തിലും കുറുക്കന്മാരുടെ ദേഹത്തെ നീല നിറം അപ്രത്യക്ഷം ആകുന്ന കാഴ്ച ആണ് കാണാന്‍ കഴിഞ്ഞത് .

ഇനി മറ്റൊരു കൂട്ടര്‍. കേരളത്തില്‍‌‌ ഇതു വരെ ക്ലച്ചു പിടിക്കാതിരുന്ന, ഹിന്ദുവിനെ ജാതി പറഞ്ഞ് തമ്മില്‍‌‌ത്തല്ലിക്കുക എന്ന തന്ത്രമാണ് ഇവര്‍‌‌ പരീക്ഷിച്ചു നോക്കുന്നത്. ഹിന്ദുവല്ലാത്തതുകൊണ്ടുള്ള നുഴഞ്ഞു കയറാനുണ്ടാകുന്ന പരിമിതികളെ മറി കടക്കാന്‍‌‌ ദളിതസ്നേഹമാണ് ഇവര്‍‌‌ മറയായി ഉപയോഗിക്കുന്നത്. ചിലപ്പോഴൊക്കെ ബുദ്ധമതസ്നേഹവും‌‌ കാണിക്കും‌‌.(ഒരു കാര്യം ആദ്യമേ തന്നെ പറയട്ടെ .. സമൂഹത്തിന്റെ മുഖ്യ ധാരയില്‍ നിന്നും തീണ്ടാപ്പാടകലെ മാറ്റി നിര്‍ത്തപ്പെട്ട ഒരു സമൂഹത്തിനു വേണ്ടി ആത്മാര്‍ഥമായി പ്രവര്‍ത്തിക്കുന്നവര്‍ ബൂലോകത്തും സമൂഹത്തിലും ഉണ്ട് .അവര്‍ മുഖം മൂടികള്‍ അണിയുന്നില്ല . കാരണം അവരുടെ ലക്‌ഷ്യം ദളിതന്റെ ഉയര്‍ച്ചയാണ്. അവര്‍‌‌ക്കിടയില്‍‌‌ നുഴഞ്ഞു കയറാന്‍‌‌ ശ്രമിക്കുന്നവരെക്കുറിച്ചാണ് ഇവിടെ പ്രതിപാദ്യം‌‌‌‌‌‌‌‌.)

ഇവരുടെയും തുടക്കം നമ്മുടെ മേല്പറഞ്ഞ ബുദ്ധിജീവികളോട് സമാനമായ രീതിയില്‍ ആണ് . ഒരു വ്യത്യാസം എവിടെ കമ്മന്റ് ഇട്ടാലും 'സവര്‍ണ്ണ' എന്ന പദം എല്ലായിടത്തും ഉള്‍പ്പെടുത്താന്‍ പ്രത്യേകം ശ്രദ്ധിക്കും (സവര്‍‌‌ണ്ണഹിന്ദുക്കളും‌‌ പിന്നെ 'അവര്‍‌‌ണ്ണന്മാരും‌‌ എന്റെ മത'ക്കാരും‌‌ എന്ന ശൈലി).അത് പോലെ തന്നെ താന്‍ ഒരു ദളിതനാണ് എന്ന ബോധം മറ്റുള്ളവരില്‍ ഉണ്ടാക്കുകയും ചെയ്യും. ആദ്യമൊന്നും ഈ കുറുക്കന്‍ മാരെ തിരിച്ചറിയുക എളുപ്പമല്ല . പക്ഷെ പ്രകടമായ മാറ്റം വരുന്നത് ചില രാജ്യദ്രോഹികളെയും മതതീവ്രവാദികളെയും വിമര്‍ശിക്കുന്ന ബ്ലോഗുകളില്‍ കമ്മന്റ് ഇടുമ്പോളാണ്.. ഇത്രയും നാള്‍ താനും കൂടി കൂട്ട് ചേര്‍ന്ന് ബലേ ഭേഷ് വിളിച്ചതും എല്ലാം ഒറ്റ ദിവസം കൊണ്ട് ഇവര്‍ മറക്കും. ചിലരെ ഒന്നും ആലുവാ മണപ്പുറത്ത് വച്ച് കണ്ട പരിചയം പോലും കാണിക്കുകയുമില്ല . അത് മാത്രമല്ല അയല്‍ രാജ്യത്തോടുള്ള അദമ്യമായ സ്നേഹവും മത മൌലിക വാദ ആഭിമുഖ്യവും അറിയാതെ പുറത്തു വരിക കൂടി ചെയ്യും . (പാകിസ്താന്‍ സ്നേഹമുള്ള ദളിതരെ ആദ്യമായിട്ടാണ് കാണുന്നത്. ഈയിടെയായി ഓര്‍ക്കുട്ട് പോലുള്ള സോഷ്യല്‍ കൂട്ടായ്മകളില്‍ ഇവരുടെ ശക്തമായ സാന്നിധ്യം ഉണ്ട്.) അവസാനം ചില പത്രങ്ങള്‍ക്കു വേണ്ടിയും ചില പ്രത്യേക ആശയങ്ങള്‍ക്ക് വേണ്ടിയും ശക്തിയുക്തം വാദിക്കുന്നതോട് കൂടി ഇവരുടെ അവശേഷിക്കുന്ന നീല നിറവും പൂര്‍ണ്ണമായി അപ്രത്യക്ഷമാകും .

യഥാര്‍ത്ഥത്തില്‍ ബൂലോകത്തിനു പുറത്തു നടക്കുന്ന ശക്തമായ മതമൌലികവാദ അജന്‍ഡയുടെ അനുരണനങ്ങള്‍ മാത്രമാണ് ഇതൊക്കെ എന്ന് മനസ്സിലാക്കണം‌‌‌‌.

"മാധ്യമത്തില്‍" സ്ഥിരമായി ലേഖനങ്ങള്‍ എഴുതാറുള്ള ഒരു വിദഗ്ധ കുറ്റാന്വേഷകന്‍ ഇവരില്‍ പ്രത്യേക ശ്രദ്ധ അര്‍ഹിക്കുന്നു . മുംബൈ ആക്രമണം" മൊസാദ് യാങ്കി ഹിന്ദുത്വ അച്ചുതണ്ടിന്റെ " പരിപാടി ആയിരുന്നു എന്ന് വീട്ടിലിരുന്നു കണ്ടു പിടിച്ചു കളഞ്ഞു ഇദ്ദേഹം. ബിസ്മി ചൊല്ലി കഴുത്ത് അറക്കുന്നതിന്റെ ശാസ്ത്രീയത മറ്റൊരു ലേഖനത്തിലൂടെ ഉദ്ഘോഷിക്കാനും അദ്ദേഹം മറന്നില്ല. ഇതൊന്നും പോരാഞ്ഞു കളമശ്ശേരി ബസ് കത്തിക്കലിനു പീക്കിരി പിള്ളാരുടെ ബസ് കത്തിക്കലിന്റെ വില കൊടുത്തു കൊണ്ട് ചിലര്‍‌‌ക്കൊക്കെ സൈദ്ധാന്തിക പിന്തുണ നല്‍കാനും ഈ സകല കലാ വല്ലഭന്‍ സമയം കണ്ടെത്തി .കാശ്മീരില്‍ ഇന്ത്യ വഞ്ചനയും മനുഷ്യാവകാശ ലംഘനവും നടത്തുന്നു എന്ന മതമൌലിക തിയറിക്കു പുതിയ ഭാഷ്യം ചമച്ചു കൊണ്ട് കിട്ടുന്ന എച്ചിലിനോടു പ്രതിബദ്ധത കാട്ടാനും ഇദ്ദേഹം പ്രത്യേകം ശ്രദ്ധിച്ചു. കേന്ദ്ര ഏജന്‍സികളുടെ നിരീക്ഷണത്തിലുള്ള ഒരു മനുഷ്യാവകാശ(?) സംഘടനയുടെ കേരള ഘടകം അധ്യക്ഷന്‍ ആണു ഇദ്ദേഹം എന്നത് ഇതിനോട് ചേര്‍ത്ത് വായിക്കേണ്ടതാണ്.

ബൂലോകത്തിലായാലും പുറത്തായാലും ദളിത സ്നേഹ മുഖംമൂടിയിട്ട മതമൌലിക വാദികള്‍ പൊതുവായി പിന്തുടരുന്ന ഒരു കാര്യം ഇന്ത്യാ വിരുദ്ധത ആണ്. ഭീകരവാദത്തിന്റെ പേരില്‍‌‌ പിടിയിലാകുന്നവര്‍‌‌ക്ക് വേണ്ടി മനുഷ്യാവകാശമുറവിളിയുമായി രം‌‌ഗത്തെത്തുന്ന ചില 'മുഖം‌‌മൂടി' സം‌‌ഘടനകളുടെ (കവര്‍‌‌ ഓര്‍‌‌ഗനൈസേഷന്‍‌‌സ്) പൊതുവായ പ്രവര്‍‌‌ത്തനശൈലി ഇതാണ്.

രാജ്യത്തുണ്ടാകുന്ന സ്ഫോടനങ്ങളില്‍‌‌ സുരക്ഷാ ഏജന്‍‌‌സികള്‍‌‌ നടപടി തുടങ്ങിയാലുടനേ സമുദായ പീഢനമെന്നും‌‌ പിടിക്കപ്പെട്ടവര്‍‌‌ നിരപരാധികളാണെന്നും‌‌ പ്രചരിപ്പിച്ച് ആശയക്കുഴപ്പം‌‌ സൃഷ്ടിക്കുക, രാജ്യത്തെ എല്ലാ കുറ്റാന്വേഷണ ഏജന്‍സികളെയും നീതിന്യായ കോടതികളേയും‌‌‌‌ സംശയ ദൃഷ്ടിയില്‍ നിര്‍ത്തി രാജ്യത്ത് അരക്ഷിതാവസ്ഥ സൃഷ്ടിക്കുക എന്നിവ, മുംബൈ ആക്രമണത്തിനു പിന്നില്‍ സംഘ പരിവാര്‍-മൊസാദ്, ആക്രമണത്തില്‍‌‌ കൊല്ലപ്പെട്ട കര്‍‌‌ക്കരെയെ ഐബി പിന്തുടര്‍‌‌ന്നിരുന്നു, കാര്‍ഗില്‍ ആക്രമണം സംഘപരിവാര്‍, ജാമിയ മിലിയയില്‍ ഒരേ സമയം മോഹന്‍ ചന്ദ് ശര്‍മയെയും പാവം തീവ്രവാദി കുട്ടികളെയും വെടിവെച്ചു കൊന്നത് പോലീസ് തന്നെ, പാര്‍ലിമെന്റ് ആക്രമിച്ചത് സംഘ പരിവാര്‍, പാവപ്പെട്ട മുസ്ലീം‌‌ യുവാക്കളെ കാഷ്മീരിലെക്കു റിക്രൂട്ട് ചെയ്ത് അവരെ വെടി വെച്ചു കൊല്ലുന്നത് ഇന്റലിജന്‍‌‌സ് ബ്യൂറോ, തടിയില്ലാത്ത നസീറിനു പിന്നിലും സംഘ പരിവാര്‍, തുടങ്ങി ചിരിക്കാന്‍ വക നല്‍കുന്ന ഒട്ടേറെ തിയറികളും ഇവരുടേതായി പുറത്ത് വരുന്നുണ്ട്.

ആട്ടിന്‍ തോലണിഞ്ഞു ദളിത സ്നേഹം കാണിക്കുന്ന മതമൌലികവാദികള്‍ ഒരു സമൂഹത്തെ അല്ല ലക്‌ഷ്യം വെക്കുന്നത് മറിച്ച് ഒരു രാഷ്ട്രത്തെ ആണ് . ഇന്ത്യയിലെ എല്ലാ അന്വേഷണ ഏജന്‍സികളെയും താറടിച്ചു കാണിച്ചു കൊണ്ട് പാകിസ്ഥാനിലെ ചില മൌലിക വാദികളുടെ അജന്‍ഡ മുഖമുദ്രയാക്കി സ്വരാജ്യത്തെ ഒറ്റു കൊടുക്കാന്‍ പേന ഉന്തുന്ന ഇവര്‍ക്ക് വ്യക്തമായ ലക്‌ഷ്യം ഉണ്ട് .അത് ദളിതന്റെ ഉന്നമനം അല്ല , മനുഷ്യാവകാശത്തിന്റെ സംരക്ഷണം അല്ല , മതങ്ങളെ പിന്തള്ളി മനുഷ്യനെ കാണുന്ന യുക്തിവാദവുമല്ല മറിച്ച് " മതം ഭരണം നടത്തുന്ന രാഷ്ട്രം" എന്ന ലക്‌ഷ്യം ആണത്

മതമൌലിക വാദ തിയറികള്‍ ഭാഗം 2 ... ആടറിയുന്ന അങ്ങാടി വാണിഭങ്ങള്‍ .

2009-12-02T14:32:00.001-08:00

ആദ്യമായി ഈ ബ്ലോഗില്‍ വരുന്നവര്‍ക്ക് പോസ്റ്റിന്റെ ആദ്യ ഭാഗം ഇവിടെ

ഈയിടെ ആയി അങ്ങാടി വാണിഭങ്ങള്‍ ചില ആടുകള്‍ അറിഞ്ഞു തന്നെ ആണ് നടക്കുന്നത് എന്ന് തീരച്ചയാകും ചില വാര്‍ത്തകള്‍ കണ്ടാല്‍. മുംബൈ ആക്രമണ സമയത്തെ ഈ വാര്‍ത്തകള്‍ ഒന്ന് ശ്രദ്ധിക്കൂ.

അമരേഷ് മിശ്ര എന്ന ഒരാളുടെ ലേഖനം ആ സമയത്ത് തേജസ്സില്‍ പ്രസിദ്ധീകരിച്ചിരുന്നു .. തലക്കെട്ട്‌ ഇങ്ങനെ. അക്രമത്തിനു പിന്നില്‍ മൊസാദും ആര്‍ .എസ്സ്.എസ്സും

നിര്‍ഭാഗ്യ വശാല്‍ അന്നത്തെ ലിങ്കുകള്‍ കിട്ടുന്നില്ല .. പക്ഷെ അതെ ലേഖനം നല്ല മിഴിവോടെ ദാ ഇവിടെ വായിക്കാം .പാക് അനുകൂല വെബ് സൈറ്റായ ഇതില്‍ ഇന്ത്യാ വിരുദ്ധത എത്രത്തോളം ഉണ്ടെന്നു മറ്റു ലേഖനങ്ങള്‍ വായിച്ചാല്‍ മനസ്സിലാക്കാവുന്നതെ ഉള്ളൂ ..

അന്നത്തെ "മാധ്യമം" ശ്രദ്ധ കൊടുത്തത് കസബിന്റെ കയ്യില്‍ കണ്ട ചുവന്ന ചരട് ആണ് .. ഇതും പാകിസ്താന്‍ പത്രങ്ങളില്‍ പ്രസിധീകരിക്കപ്പെട്ടതാണ് .. കൂടാതെ സയദ് ഹമീദ് എന്ന മഹാന്റെ പുസ്തകങ്ങളില്‍ സയണിസ്റ്റ് പരിവാര്‍ അജന്‍ഡ യെ പറ്റി പറയുന്നുണ്ട് . മുസ്ലിങ്ങള്‍ ധരിക്കാത്ത ചുവന്ന ചരട് ധരിച്ചു വന്ന കസബ് ,ഹിന്ദു സയണിസ്റ്റ് തീവ്ര വാദി ആണെന്നും ഈ മഹാനായ ചിന്തകന്‍ പറയുന്നു .വിശദമായി ഇവിടെ

ഇത് പാകിസ്താന്‍ പത്രമായ പാക് ട്രിബ്യൂണ്‍ 2008 ഡിസംബര്‍ 15 നു പ്രസിദ്ധീകരിച്ചത് .. ഒട്ടും താമസിച്ചില്ല പിറ്റേ ദിവസത്തെ തേജസില്‍ ഈ വാര്‍ത്ത പ്രസിദ്ധീകരിച്ചു ..

"റാവല്‍പിണ്ടി: മുംബൈ ആക്രമണത്തിനിടെ പിടികൂടിയ അജ്‌മല്‍ കസബിനെ 2006നു മുമ്പേ ഇന്ത്യന്‍ ഉദ്യോഗസ്ഥര്‍ നീപ്പാളില്‍ വച്ചു പിടികൂടി അജ്ഞാതകേന്ദ്രത്തിലടച്ചതാണെന്ന്‌ അഭിഭാഷകന്‍. ബിസിനസ്‌ ആവശ്യാര്‍ഥം കാഠ്‌മണ്ഡുവിലെത്തിയ അജ്‌മലിനെയും സംഘത്തെയും നീപ്പാള്‍ സൈനികരുടെ സഹായത്തോടെ ഇന്ത്യന്‍ ഉദ്യോഗസ്ഥര്‍ പിടികൂടിയെന്നാണ്‌ അഭിഭാഷകന്‍ സി എം ഫാറൂഖ്‌ ജിയോ ന്യൂസിനോടു പറഞ്ഞത്‌. ബിസിനസ്‌ സംഘത്തെ അന്യായമായി പിടികൂടിയതുമായി ബന്ധപ്പെട്ട്‌ 2008 ഫെബ്രുവരിയില്‍ താന്‍ നല്‍കിയ ഹരജി നീപ്പാള്‍ സുപ്രിംകോടതിയുടെ പരിഗണനയിലാണ്‌. കേസ്‌ പരിഗണനയ്‌ക്കെടുത്ത കോടതി ഇന്ത്യന്‍ ഹൈക്കമ്മീഷനും നീപ്പാള്‍ സേനയ്‌ക്കും നോട്ടീസ്‌ അയച്ചിട്ടുമുണ്ട്‌. അജ്‌മല്‍ അടക്കമുള്ള പാക്‌ സംഘത്തെ വിട്ടയക്കണമെന്നാവശ്യപ്പെട്ട്‌ നീപ്പാളില്‍ നടത്തിയ വാര്‍ത്താസമ്മേളനത്തില്‍ പിന്നീടൊരവസരത്തില്‍ ഉപയോഗിക്കാന്‍ ഇവരെ അജ്ഞാതകേന്ദ്രത്തില്‍ താമസിപ്പിച്ചിരിക്കാനിടയുണ്ടെന്നു സംശയം പ്രകടിപ്പിച്ചിരുന്നുവെന്നും ഫാറൂഖ്‌ പറഞ്ഞു."തേജസ്‌ ദിനപത്രം- 16-12-08

ഈ അടുത്ത സമയത്ത് നമ്മുടെ ജമ അത് ഇസ്ലാമി പത്രമായ മാധ്യമം ഇതേ അഭിപ്രായം പറഞ്ഞു കൊണ്ട് എഴുതിയ ലേഖനം എന്റെ തന്നെ കഴിഞ്ഞ പോസ്റ്റില്‍ പരാമര്‍ശിച്ചത് ശ്രദ്ധിക്കാന്‍ അപേക്ഷ .(അതില്‍ റിട്ട് പോലീസ് ഉദ്യോഗസ്ഥന്‍ ആയ മുഷറഫ് സ്വന്തം പുസ്തകത്തില്‍ പറഞ്ഞു എന്നാണു പറഞ്ഞിരിക്കുന്നത് .. .ഫാരൂഖിനെ ഉദ്ധരിച്ചു കൊണ്ട് ഇയാള്‍ ഈ അഭിപ്രായം അന്ന് തന്നെ പറഞ്ഞിരുന്നു )

ഇനി ഇതിന്റെ സത്യാവസ്ഥ ഒന്ന് പരിശോധിക്കാം . ഈ സി എം ഫാറൂഖ് എന്ന ആള്‍ നേപ്പാള്‍ കോടതിയില്‍ പരാതി കൊടുത്തിരുന്നു എന്നത് സത്യം . അത് ഇസ്ലാമബാദില്‍ നിന്നുള്ള ആസിഫ് അലി ,ഫൈസലാബാദില്‍ നിന്നുള്ള വലീദ് സജ്ജാദ് എന്നിവരെ അകാരണമായി നേപ്പാള്‍ പോലീസ് പിടി കൂടി എന്ന രീതിയില്‍ ആയിരുന്നു കേസ് .ഓര്‍ക്കുക ശരിയായ യാത്ര രേഖകളുള്ള ഇവരെ നേപ്പാള്‍ പോലീസ് അകാരണമായി തടവില്‍ ഇട്ടു എന്നാണു ടിയാന്റെ പരാതി . അപ്പോള്‍ ഇവരുടെ പേരുകള്‍ ശരിയാണെന്ന് ഉറപ്പാണല്ലോ ..കേസ് പരിഗണിച്ച നേപ്പാള്‍ കോടതി പോലീസിനോട് ഈ വിവരം അന്വേഷിക്കുകയും ഈ വിവരം തെറ്റാണെന്ന് പോലീസ് മറുപടി കൊടുക്കുകയും ചെയ്തു . അതിനു ശേഷം നമ്മുടെ ഫാറൂഖ് തുടര്‍ നടപടികള്‍ ഒന്നും നടത്താത്തതിനാല്‍ കോടതി കേസ് തള്ളുകയുംചെയ്തു .അതിനു ശേഷം ഒന്‍പതു മാസം കഴിഞ്ഞു മുംബൈ ആക്രമണത്തിന് ശേഷം നമ്മുടെ ഫാറൂഖ് പ്രത്യക്ഷപ്പെടുകയും കസബിനെ അന്യായമായി തടവില്‍ വച്ചതിനെതിരെ താന്‍ ഹര്‍ജി ഫയല്‍ ചെയ്തിരുന്നു എന്നുള്ള പച്ചക്കള്ളം പറയുകയും ചെയ്തു .. വാര്‍ത്ത ഇവിടെ വായിക്കാം

പാകിസ്താന്‍ പത്രങ്ങളിലെ വാര്‍ത്ത പ്രസിദ്ധീകരിച്ചതില്‍ തെറ്റ് പറയാനില്ല . പക്ഷെ പാക് പത്രങ്ങളിലെ ഈ ഇന്ത്യാ വിരുദ്ധ വാര്‍ത്തയിലെ പച്ചക്കള്ളം അതേപടി പ്രസിദ്ധീകരിക്കുകയും എന്നാല്‍ ഈ വാര്‍ത്ത നേപ്പാള്‍ ഗവണ്മെന്റും കോടതിയും അന്ന് തന്നെ നിഷേധിച്ചിരുന്നു എന്നുള്ളതു പ്രസിദ്ധീകരിക്കപ്പെടാതെ പോകുന്നതും എന്ത് കൊണ്ടാണ് .?? ചിലതൊക്കെ ഈ ആട്ടിന്‍ തോലിട്ട ചെന്നായ്ക്കള്‍ അറിഞ്ഞുള്ള അങ്ങാടി വാണിഭങ്ങള്‍ ആണെന്നതല്ലേ ഇതൊക്കെ തെളിയിക്കുന്നത് ..

കഴിഞ്ഞ പോസ്റ്റില്‍ സൂചിപ്പിച്ചിരുന്ന പോലെ ജൂതനായി അഭിനയിക്കാന്‍ ഹെഡ് ലി യെ പഠിപ്പിച്ചത് പാകിസ്താന്‍ മുന്‍ മേജര്‍ ആണെന്നുള്ള വാര്‍ത്ത ഇവിടെ.

അമരീഷ് മിശ്രയുടെ ലേഖനം പ്രസിദ്ധീകരിച്ചതിനു ശേഷം തേജസ്‌ ന്റെ വക ഒരു അടിക്കുറിപ്പ് ഉണ്ട് .. അതിങ്ങനെ ..

"ഇസ്രായേലിനെ പിന്തുണയ്ക്കുന്ന ഹിന്ദുത്വ-വര്‍ഗീയ സംഘടനകള്‍ക്കെതിരേ വേണ്ടിവന്നാല്‍ ഒരു ആഭ്യന്തരയുദ്ധത്തിനു തയ്യാറെടുക്കേണ്ട സമയമാണിത്. "

(മലര്‍പ്പൊടിക്കാരന്റെ സ്വപ്നങ്ങള്‍ക്ക് പരിധികള്‍ നിശ്ചയിചിട്ടില്ലാത്തത് കൊണ്ട് ഇവര്‍ക്കൊക്കെ എന്തുമാകാം..)

ഭാഗം വാങ്ങി പിരിഞ്ഞു പോയി മുടിയനായ പുത്രനായി തീര്‍ന്ന ഒരു രാജ്യത്തിലെ മത മൌലിക വാദികളുടെ അജന്‍ഡ കടമെടുത്തുകൊണ്ട് , പിറന്ന നാടിനെ ആക്രമിച്ചവര്‍ക്ക് സ്തുതി പാടുന്ന ഈ കൂട്ടി കൊടുപ്പുകാരെ സ്വരാജ്യ സ്നേഹം മത നിഷ്ടയായി കരുതുന്ന ഇസ്ലാമിക സഹോദരന്മാര്‍ തിരിച്ചറിയും എന്ന് തന്നെ പ്രത്യാശിക്കാം . അത് വരെ ആടട്ടെ ഈ പൊറാട്ട് നാടകങ്ങള്‍ .

മുംബൈ ആക്രമണത്തിന് ഒരു വര്‍ഷം തികയുമ്പോള്‍ ...... മതമൌലിക വാദ തിയറികള്‍ വീണ്ടും

2009-11-26T03:10:00.000-08:00

രാജ്യം കണ്ട നികൃഷ്ടമായ ഒരു ഭീകര ആക്രമണത്തിന് ഇന്ന് ഒരു വര്‍ഷം തികയുകയാണ് . അന്ന് ജീവന്‍ വെടിയേണ്ടി വന്ന നിരപരാധികള്‍ക്ക്‌ ആദരാഞ്ജലികള്‍ അര്‍പ്പിക്കുന്നതിനോടൊപ്പം കഴിഞ്ഞ ഒരു വര്‍ഷമായി നടക്കുന്ന അന്വേഷണങ്ങളെ പരിഹസിക്കുന്ന രീതിയില്‍ തിയറികള്‍ മെനഞ്ഞു വിടുന്ന രാജ്യ ദ്രോഹികളെ തിരിച്ചറിയേണ്ടതും ഈ സാഹചര്യത്തില്‍ അത്യാവശ്യമാണ് . മുംബൈ ആക്രമണത്തിന് ശേഷം ആയിരുന്നു എന്റെ ആദ്യത്തെ പോസ്റ്റ്‌ . ആ സമയത്ത് യാതൊരു ഉളുപ്പുമില്ലാതെ തിയറികള്‍ പടച്ചു വിട്ട ഒരു മാധ്യമത്തെ പറ്റിയുള്ള പോസ്ടായിരുന്നു അത് . ഇന്ന് ഒരു വര്‍ഷം തികയുന്ന വേളയിലും അതേ മാധ്യമത്തെ പറ്റി തന്നെ എഴുതേണ്ടി വരുന്നത് യാദൃശ്ചികം അല്ല . മനപൂര്‍വം തന്നെ ആണ് . കാരണം മനുഷ്യാവകാശത്തിന്റെയും മതേതരത്വത്തിന്റെയും മുഖം മൂടി അണിഞ്ഞു കൊണ്ട് പതുങ്ങിയിരിക്കുന്ന ചെന്നായ്ക്കളെ തിരിച്ചറിയേണ്ട കാലം കഴിഞ്ഞിരിക്കുന്നു എന്നത് കൊണ്ട് തന്നെ .

ഈ പോസ്റ്റിനു കാരണമായ ലേഖനം ഇവിടെ വായിക്കാം ...
എന്റെ ആദ്യ പോസ്റ്റ്‌ ഇവിടെ
ഇവരുടെ മുഖം മൂടികളെ പറ്റി മറ്റൊരു ബ്ലോഗില്‍ വായിച്ചത് ഇവിടെ
ഈ ലേഖനത്തിന്റെ പി ഡി എഫ് രൂപം ഇവിടെ

എന്താണ് ഇവര്‍ അര്‍ഥം ആക്കുന്നത് . അജ്മല്‍ കസബിനെ നേരത്തെ തന്നെ പിടി കൂടിയിരുന്നത് ആണ് പോലും . അപ്പോള്‍ സംഘ പരിവാര്‍ സ്വാധീനം ഉള്ള ഇന്ത്യന്‍ ഇന്റലിജന്‍സ് ബ്യൂറോ കസബിനെ കൊണ്ട് ഇന്ത്യാക്കാരെ വെടി വെച്ച് കൊല്ലിച്ചു . എന്തിനു വേണ്ടി . മാലെഗാവ് കേസ് അന്വേഷിച്ച ഹേമന്ത് കാര്‍ക്കരെയേ കൊല്ലാന്‍ വേണ്ടി . അതിനു വേണ്ടി മുംബൈ സി എസ് ടി യിലെ സി സി ടി വികള്‍ ഇന്റലിജന്‍സ് നേരത്തെ തന്നെ കേടാക്കി എന്നാണു ആരോപണം . എത്ര അപകടകരമായ രീതിയില്‍ ആണ് ഇവര്‍ തിയറികള്‍ ഉണ്ടാക്കുന്നതെന്ന് നോക്കൂ .(ഇതിനുള്ള തെളിവുകള്‍ ചോദിക്കരുത് . കാരണം തെളിവൊക്കെ വേണ്ടത് ലവ് ജിഹാദിന് മാത്രം ആണ് .മറ്റൊന്നിനും തെളിവ് വേണ്ട . എന്തും പടച്ചു വിടാം )

ഇവരൊക്കെ ആര്‍ക്കു വേണ്ടി ആണ് പ്രവര്‍ത്തിക്കുന്നതെന്ന് സ്വാഭാവികമായും സംശയങ്ങള്‍ ഉണ്ടാകുന്നു . ഈ അടുത്ത സമയത്ത് പിടിയില്‍ ആയ പാക് വംശജര്‍ ഹെഡ് ലി അഥവാ ഗിലാനിയും ഹുസൈന്‍ റാണയും മുംബൈ ആക്രമണത്തിന് പിന്നില്‍ പ്രവര്‍ത്തിച്ചിരുന്നു എന്ന രീതിയിലാണ് അന്വേഷണം പുരോഗമിക്കുന്നത് . അതില്‍ ഏറ്റവും ശ്രദ്ധേയം ആയ ഒരു കാര്യം ഹെഡ് ലി മുംബൈ ഇല്‍ താമസിച്ചത് ഒരു ജൂതന്‍ ആയി ആയിരുന്നു എന്നുള്ളതാണ് . ചിന്തിക്കൂ . മുംബൈ ആക്രമണ സമയത്ത് ഇവര്‍ പറഞ്ഞിരുന്നത് എന്തായിരുന്നു ? ആക്രമണം പരിവാര്‍ മൊസാദ് അച്ചുതണ്ടിന്റെ ആയിരുന്നു എന്നല്ലേ ?? മുംബൈ ആക്രമണം മൊസാദ് ആണ് ചെയ്തതെന്ന് പ്രചരിപ്പിക്കാന്‍ വേണ്ടി ഒരു ഭീകരന്‍ ജൂതനായി വേഷം മാറുന്നു . അതെ അവസരത്തില്‍ തന്നെ ഇന്ത്യയില്‍ ഉള്ള ചിലര്‍ ആ പ്രചരണം പത്രങ്ങളിലൂടെ നടത്തുന്നു .. അപ്പോള്‍ ഇവരുടെ എല്ലാം പിന്നില്‍ പ്രവര്‍ത്തിക്കുന്നത് ഒരേ ബൌധിക കേന്ദ്രം തന്നെ അല്ലെ എന്ന് സംശയിക്കേണ്ടി ഇരിക്കുന്നു .

ഇന്ത്യയില്‍ എവിടെ തീവ്ര വാദിയെ പിടിച്ചാലും അവരുടെ ബന്ധുക്കളുടെയും സുഹൃത്തുക്കളുടെയും അഭിപ്രായങ്ങള്‍ കൊടുക്കുന്നത് നമ്മുടെ മതേതര മാധ്യമത്തിനു വളരെ പ്രിയം ഉള്ള കാര്യം ആണ് ."എന്റെ മകന്‍ പാവം ആയിരുന്നു .,എന്റെ കൂട്ടുകാരന്‍ പച്ച വെള്ളം പോലും ചവച്ചു കുടിക്കുന്നവന്‍ ആയിരുന്നു , അവന്റെ പെരുമാറ്റം കണ്ടാല്‍ തോന്നുകയേ ഇല്ലായിരുന്നു , അവന്റെ കയ്യില്‍ പരീക്ഷയുടെ ഹാള്‍ ടിക്കറ്റ് ഉണ്ടായിരുന്നു " എന്നൊക്കെ ആണ് അഭിപ്രായങ്ങള്‍. ഈ അടുത്ത സമയത്ത് നമ്മുടെ ഹുസൈന്‍ റാണയുടെ സഹോദരന്റെ അഭിപ്രായവും അവര്‍ തേടി പിടിച്ചു . അത് ഇവിടെ വായിക്കാം . അപ്പോള്‍ റാണയും നിരപരാധി ആയി .. (ഇത് നല്ല പരിപാടി തന്നെ .)

ഇത് പോലെ തന്നെ തിയറികള്‍ ഇറക്കി പ്രചരിപ്പിച്ചതായിരുന്നു ജാമിയ നഗര്‍ സംഭവം . അതില്‍ ജുഡീഷ്യല്‍ അന്വേഷണം ആവശ്യപ്പെട്ടു സമര്‍പ്പിച്ച ഹര്‍ജി തള്ളിക്കൊണ്ട് സുപ്രീം കോടതി പുറപ്പെടുവിച്ച വിധി ഇങ്ങനെ

NEW DELHI: The Supreme Court Friday dismissed a plea for an independent judicial probe into the killings of two suspected Indian Mujahideen terrorists and a Delhi Police inspector in the September 2008 Batla House shootout in the capital's Jamia Nagar locality. ..A bench of Chief Justice K.G. Balakrishnan and Justices P. Sathasivam and B.S. Chauhan dismissed the plea that the slain youths were innocent, saying "how can innocent people have arms and kill police"...

Advocate Prashant Bhushan insisted on a judicial probe saying that the NHRC probe was merely based on the police version, but the bench rejected the assertion and said: "What do you think? The police officer was killed (elsewhere) and brought there." As Bhushan talked of suspicion, resentment and lack of confidence in a large section of society over the role of the police following the shootout, the bench said: "This is the problem. Criminals are criminals. Don't identify them with any section of the society." "Thousands of policemen are killed in this country while fighting terrorists and criminals," the judges observed. മുഴുവന്‍ വാര്‍ത്ത ഇവിടെ

വിധി പുറപ്പെടുവിച്ചവരില്‍ ബഹുമാനപ്പെട്ട ചീഫ് ജസ്റിസ് ഉള്ളത് ഭാഗ്യം . അല്ലെങ്കില്‍ " സവര്‍ണ്ണ ഫാസിസ്റ്റ് ജഡ്ജിമാര്‍ സുപ്രീം കോടതിയിലും ." എന്ന പുതിയ തിയറി ഇവര്‍ അവതരിപ്പിക്കുമായിരുന്നു എന്നുള്ള കാര്യത്തില്‍ സംശയം വേണ്ട .

സംഘ പരിവാരിനെതിരെ കഥകള്‍ പടച്ചു വിടുന്ന അവസരത്തില്‍ വീര മൃത്യു വരിച്ച മുംബൈ പോലീസുദ്യോഗസ്ഥരുടെ ബന്ധുക്കളെ പരാമര്‍ശിക്കുമ്പോള്‍ ഒന്ന് സൂക്ഷിക്കുന്നത് നന്നായിരിക്കും .കാരണം അവരില്‍ ചിലര്‍ ഇങ്ങനെയും പറഞ്ഞിട്ടുണ്ട് . പണ്ട് മുസ്ലിം കിഡ്നി ക്ക് പരസ്യം ചെയ്തു പുലിവാല്‍ ആയതു പോലെ ആകും .

ചുരുക്കത്തില്‍ മാധ്യമം പറയാന്‍ ശ്രമിക്കുന്നത് ഇത്ര മാത്രം .. മുംബൈ ആക്രമണം ആസൂത്രണം ചെയ്തത് സംഘ പരിവാര്‍ . ഒരു ലക്‌ഷ്യം മാത്രം ഹേമന്ത് കാര്‍ക്കരെയുടെ മരണം . കൂടെ ഉള്ളവര്‍ ആരായിരുന്നു എന്നുള്ളതില്‍ മാത്രമേ സംശയം ഉള്ളൂ .. ഐ എസ് ഐ ക്കും ലഷ്കര്‍ ഐ തോയ്ബയ്ക്കും പങ്കുണ്ടെന്ന് ഏതായാലും വ്യക്തമായ സ്ഥിതിക്ക് പരിവാര്‍ ഐ എസ് ഐ കൂട്ട് കെട്ട് എന്ന് പറയാം .. പക്ഷെ ഈ ഐ എസ് ഐ എന്ന് പറയുന്നവര്‍ തങ്ങള്‍ക്കു കൂടി താത്പര്യമുള്ളവര്‍ ആയതു കൊണ്ട് അത്രയ്ക്ക് ശക്തമായി പറയാനും മടി . അപ്പോള്‍ പിന്നെ ഒരു വഴിയെ ഉള്ളൂ .." കസബ് നേരത്തെ പിടിക്കപ്പെട്ടിരുന്നു . പാവം കസബിനെ കൊണ്ട് ഇന്ത്യന്‍ ഇന്റലിജന്‍സ് (സംഘ പരിവാര സ്വാധീനമുള്ള ) ആണ് ഇതെല്ലാം ചെയ്യിച്ചത് . അല്ലാതെ ലഷ്കരിനോ ഐ എസ് ഐ ക്കോ യാതൊരു പങ്കും ഇല്ല . അവരൊക്കെ വളരെ നല്ല ആളുകള്‍ . അല്ലെങ്കില്‍ തന്നെ അവര്‍ എന്തക്രമം ആണ് ചെയ്തിട്ടുള്ളത് . ഇന്ത്യയെ മൂന്നു നാല് പ്രാവശ്യം ആക്രമിച്ചു . ഇന്ത്യയില്‍ കുറച്ചു സ്ഫോടനങ്ങള്‍ നടത്തി , (ബാക്കി ഒക്കെ ആരാ ചെയ്തത് എന്ന് നമ്മള്‍ തിയറി ഉണ്ടാക്കിയിട്ടുണ്ട് ) .അതിത്ര വല്യ കാര്യം ആണോ ?? ഇന്ത്യയെ അല്ലെ ആക്രമിച്ചത് പാലസ്തീനെ അല്ലല്ലോ .. അതിനൊക്കെ ഇത്ര പറയാന്‍ ഉണ്ടോ . അല്ലെങ്കില്‍ തന്നെ അതും പറഞ്ഞു പാവങ്ങളെ ഉപദ്രവിക്കുന്നത് ശരിയാണോ " എന്നുള്ള രീതിയിലാണ് 'മാധ്യമ ' ചിന്തകള്‍ .

ഈ ആട്ടിന്‍ തോലിട്ട ചെന്നായ്ക്കളെ തിരിച്ചറിയാതിരിക്കുന്നത് രാജ്യ സുരക്ഷയെ തന്നെ അപകടത്തില്‍ ആക്കും . ഇവരൊക്കെ കൂടി മധുര മനോജ്ഞം ആക്കിയ ഒരു അയല്‍ രാജ്യത്തിന്റെ അവസ്ഥ ദിവസവും നമ്മള്‍ വായിക്കുന്നു .പാലസ്തീനിലെ കുട്ടികള്‍ക്ക് ചായപ്പെന്‍സില്‍ വാങ്ങുന്നതിന്റെ തിരക്കില്‍ പാകിസ്താന്‍ കുഞ്ഞുങ്ങളെ ഇവര്‍ മറന്നുപോകുന്നത് സ്വാഭാവികം .കാരണം മത മൌലിക വാദത്തിന്റെ സ്വാഭാവികമായ അന്ത്യം തിരിച്ചറിയേണ്ടി വരും എന്നത് കൊണ്ട് തന്നെ

എന്തായാലും ഒരേ സമയം ഐ എസ് ഐ , മൊസാദ് , എഫ് ബി ഐ , സി ഐ എ , ഐ. ബി , റോ തുടങ്ങി കേരളത്തിലെ മതേതര ന്യൂന പക്ഷ സംരക്ഷക സര്‍ക്കാരിന്റെ പോലീസില്‍ പോലും സ്വാധീനം ഉള്ള സംഘ പരിവാറിനെ സമ്മതിക്കണം . ഭാവിയില്‍ ,ഹമാസ് , അബു സയ്യാഫ് , അല്‍ ഖോയ്ദ തുടങ്ങിയവരൊക്കെ പരിവാറും ആയി കൂട്ട് കൂടും എന്ന് നമുക്ക് പ്രത്യാശിക്കാം .

ഇത്ര കൂടി : ലേബലൊട്ടിച്ച പാത്രത്തിലെ വിഷം തിരിച്ചറിയാം ,അതിനെ നമുക്ക് വേണ്ടത്ര സുരക്ഷ സജ്ജീകരണങ്ങളോടെ പരിശോധിക്കാം .പക്ഷെ പഞ്ചസാര പാത്രത്തിലെ സയനൈഡ് തിരിച്ചറിയാന്‍ വൈകിയാല്‍ .........

മത മൌലിക വാദികളുടെ മാധ്യമ ധര്‍മം

2009-10-31T11:06:00.000-07:00

മാധ്യമങ്ങളുടെ പക്ഷപാതിത്വതെയും ഭീകരതയെയും പറ്റി ഏറ്റവും അധികം ചര്‍ച്ച നടക്കുന്ന ഒരു കാലം ആണല്ലോ ഇത് . സ്വാഭാവികമായും ബൂലോകത്തും അതിന്റെ അനുരണനങ്ങള്‍ പ്രത്യക്ഷമാണ് . ലവ് ജിഹാദും , പ്രണയത്തിന്റെ സാര്‍വ ലൌകികതയും മനുഷ്യാവകാശവും ഭരണകൂട ഭീകരതയും തുടങ്ങി ഏതു വിഷയവും കൈകാര്യം ചെയ്യപ്പെടുന്ന ഒരു ഇടമായി ബൂലോകവും മാറിയിരിക്കുന്നു .

സമകാലികമായി ഏറ്റവും ഉയര്‍ന്നു കേട്ട ഒരു വിഷയം ആയിരുന്നു ലവ് ജിഹാദ് . കേരളത്തിലെ മാധ്യമങ്ങളെല്ലാം സംഘ പരിവാറിന്റെ അധീനതയില്‍ ആണെന്ന് ആയിരുന്നു ഒരു കൂട്ടം ബ്ലോഗര്‍മാരുടെ ആക്ഷേപം . എന്തിനു കോടതി പോലും സംഘ പരിവാറിന്റെ നിലപാടിനനുസരിച്ചു തുള്ളുന്നു എന്ന് മറ്റൊരു കൂട്ടര്‍ . ഇനിയൊരു കൂട്ടര്‍ ആകട്ടെ തികച്ചും മതേതര പത്രങ്ങള്‍ ആയ , കൃത്യമായി മാധ്യമ ധര്‍മം കാത്തു സൂക്ഷിക്കുന്ന മാധ്യമം ,തേജസ്സ്‌ തുടങ്ങിയവയുടെ തുടര്‍ ലേഖനങ്ങള്‍ പ്രസിദ്ധീകരിച്ചു കൊണ്ട് പാര്‍ശ്വ വല്ക്കരിക്കപ്പെട്ടവരോട് തങ്ങളുടെ സഹാനു ഭൂതിയും അതിനോടൊപ്പം സംഘ പരിവാര്‍ ഭീകരതയുടെ കാണാപ്പുറങ്ങള്‍ തുറന്നു കാണിക്കുകയും ചെയ്തു ..

ബൂലോകത്തിലെ ബുദ്ധിജീവികള്‍ ആകട്ടെ മാധ്യമ പ്രവര്‍ത്തനത്തിന്റെ പോക്കിനെ പറ്റി ഓര്‍ത്തു വിലപിക്കുകയും മേല്‍പറഞ്ഞ സവര്‍ണ്ണ ഭീകരത ഭരണ കൂടത്തോട് ചേര്‍ന്ന് നടത്തുന്ന പൊതു ബോധം സൃഷ്ടിക്കലിനെ പറ്റി വാചാലര്‍ ആകുകയും ചെയ്തു . ചുരുക്കി പറഞ്ഞാല്‍ പ്രണയവും മതവും ആയിരുന്നു കുറച്ചു നാളുകള്‍ ആയി ബൂലോകത്ത് പ്രധാന ചര്‍ച്ചാ വിഷയം ..ഇവിടെ മാധ്യമങ്ങള്‍ ഭീകരത കാണിക്കുന്നു, അസംബന്ധങ്ങള്‍ പടച്ചു വിടുന്നു തുടങ്ങിയ ആക്ഷേപങ്ങളും ആരോപണങ്ങളും ഉന്നയിച്ചവര്‍ തങ്ങളുടെ വാദങ്ങള്‍ക്ക് കൃത്യത പകരാന്‍ ഉപയോഗിച്ചത് മേല്‍ പറഞ്ഞ രണ്ടു പത്രങ്ങള്‍ ആയ മാധ്യമ തേജസ്സുകളിലെ തുടര്‍ ലേഖനങ്ങള്‍ ആയിരുന്നു .

പക്ഷെ പ്രണയത്തിനു ജാതി മത വേലിക്കെട്ടുകള്‍ തടസ്സം ആകരുതെന്നും ഇതെല്ലം ഫാസിസ്റ്റു ഭീകരതയുടെ രഹസ്യ അജണ്ടകള്‍ ആണെന്നുമുള്ള വാദങ്ങളോട് കൂടി വളരെ മനോഹരങ്ങള്‍ ആയ തലക്കെട്ടുകള്‍ കൊടുത്തു ലേഖന പരമ്പര പ്രസിദ്ധീകരിച്ചത് നമ്മുടെ മതേതര "മാധ്യമം" ആണ്. ചില ബ്ലോഗര്‍മാര്‍ തങ്ങളുടെ പോസ്റ്റുകള്‍ ആയി ഈ തുടര്‍ ലേഖനങ്ങള്‍ അവതരിപ്പിക്കുകയും ചെയ്തു . സത്യം പറഞ്ഞാല്‍ പ്രണയത്തെ ഇത്രയധികം പിന്തുണയ്ക്കുന്ന ഇവരെ ഇതുവരെ തിരിച്ചറിയാതെ പോയല്ലോ എന്ന ഒരു ചിന്തയും ഉണ്ടായി .എന്തായാലും ഇത്രയും ശ്രദ്ധ കിട്ടിയ ഈ വിഷയം ആരംഭിക്കാന്‍ കാരണമായ പത്തനം തിട്ട കോളെജ് സംഭവം എങ്ങനെ എന്ന് നോക്കാം .

മാധ്യമത്തിന്റെ ലേഖനത്തില്‍ വന്നത് ഇങ്ങനെ

" ഇതിനിടെ പെണ്‍കുട്ടികള്‍ കോളജ് ഹോസ്റ്റലില്‍ ഇസ്ലാമിക വസ്ത്രരീതിയും ജീവിതശൈലിയും സ്വീകരിച്ചത് സഹപാഠികള്‍ക്കിടയില്‍ ചര്‍ച്ചയായി. അന്തേവാസികള്‍ കോളജ് അധികൃതരെ വിവരമറിയിച്ചു. അധികൃതര്‍ അറിയിച്ചതിനെത്തുടര്‍ന്ന് വീട്ടുകാരെത്തി പെണ്‍കുട്ടികളെ നിര്‍ബന്ധപൂര്‍വം വീടുകളിലേക്ക് തിരിച്ചുകൊണ്ടുപോയി. തങ്ങള്‍ക്ക് മുസ്ലിമായി ജീവിക്കാന്‍ താല്‍പര്യമുണ്ടെന്നും അതിനാല്‍ രക്ഷിക്കണമെന്നും കാണിച്ച് പെണ്‍കുട്ടികളിലൊരാള്‍ ഷഹന്‍ഷാക്ക് എസ്.എം.എസ് സന്ദേശമയച്ചു.തുടര്‍ന്ന് യുവാവ് സംഘടനയുടെയും ലീഗിന്റെയുമൊക്കെ സഹകരണം തേടിയെങ്കിലും നിരാശയായിരുന്നു ഫലം. ഈ അവസരത്തിലാണ് പോപ്പുലര്‍ ഫ്രണ്ട് പ്രവര്‍ത്തകരായ ചിലരുടെ ഇടപെടല്‍. അവരുടെ സഹായത്തോടെ, കഴിഞ്ഞ ജൂലൈ 18ന് ----യും -------യും ഷഹന്‍ഷാക്കൊപ്പം വീടുകളില്‍ നിന്ന് കടക്കുകയായിരുന്നു."

അപ്പോള്‍ ഇതാണ് സംഭവിച്ചത് ..ഇത് വായിച്ചപ്പോള്‍ മനസ്സിലായത്‌ മേല്‍ പറഞ്ഞ യുവാവ് അയാള്‍ സ്നേഹിക്കുന്ന പെണ്ണിനെ മാത്രമല്ല പെണ്ണിന്റെ കൂട്ടുകാരിയെ കൂടെ കടത്തികൊണ്ടു പോയി എന്നാണു . അന്യ മതത്തില്‍ പെട്ടവര്‍ പ്രണയിക്കുന്നതും ഒളിച്ചോടുന്നതും ഒന്നും പുതിയ സംഭവം അല്ല . പക്ഷെ താന്‍ സ്നേഹിക്കുന്ന പെണ്ണിനോടൊപ്പം അവളുടെ കൂട്ടുകാരിയെ കൂടി കടത്തുന്നതിന്റെ പിന്നിലുള്ള മനഃശാസ്ത്രം എന്താണ് ??? കൂട്ടുകാരിക്കും യുവാവുമായി പ്രണയം ഉണ്ടായിരുന്നോ ?? അപ്പോള്‍ പിന്നെ കൂട്ടുകാരിക്ക് വേണ്ടി ഒരു ഭര്‍ത്താവിനെ ഒപ്പിച്ചു കൊടുക്കുന്നതിന്റെ സാംഗത്യം എന്താണ് ?? ഈ ഒപ്പിച്ചു കൊടുക്കപ്പെട്ട ഭര്‍ത്താവ് കൂട്ടുകാരിയുമായി പ്രണയത്തില്‍ ആയിരുന്നോ ??മാധ്യമത്തിലെ തുടര്‍ ലേഖനങ്ങളില്‍ ഒന്നും ഇതിനെ പറ്റി ഒന്നും പറഞ്ഞു കണ്ടില്ല .

അതായത് താന്‍ സ്നേഹിക്കുന്ന പെണ്ണിനോടൊപ്പം ഒളിച്ചോടിയിരുന്നു എങ്കില്‍ ഇതൊന്നും അത്ര വലിയ വാര്‍ത്ത ആകില്ലായിരുന്നു . പക്ഷെ അതിന്റെ കൂടെ കൂട്ടുകാരിയെയും കടത്തുകയും അവള്‍ക്കു ഒരു ഭര്‍ത്താവിനെ കണ്ടു പിടിച്ചു കൊടുക്കുകയും ചെയ്തതില്‍ അസ്വാഭാവികത ഉണ്ട് എന്ന് ആര്‍ക്കും മനസ്സിലാക്കാവുന്നതെ ഉള്ളൂ. സ്വാഭാവികമായും മാദ്ധ്യമങ്ങളില്‍ വാര്‍ത്തകള്‍ വന്നു . സ്ഥിരമായി ചെയ്യാറുള്ളത് പോലെ സംഘ പരിവാറിന്റെ കുല്‍സിത ശ്രമം എന്നൊക്കെ പറഞ്ഞു ശ്രദ്ധ തിരിച്ചു വിട്ടവര്‍ കത്തോലിക്കാ സഭയുടെ റിപ്പോര്‍ട്ട് വന്നപ്പോള്‍ അപകടം മണത്തു . ഒറീസ്സയില്‍,ഇല്ലാത്ത മത പരിവര്‍ത്തനത്തിന്റെ പേരില്‍ വല്ലാത്ത ഫാസിസ്റ്റുകള്‍ കാണിക്കുന്ന ന്യൂനപക്ഷ ആക്രമത്തെ കുറിച്ച് ദിവസങ്ങളോളം കണ്ണീര്‍ പൊഴിച്ചവര്‍ നിമിഷങ്ങള്‍ക്കകം കത്തോലിക്കാ സഭയ്ക്കെതിരെ ഉറഞ്ഞു തുള്ളി.സകല സ്നേഹവും നിമിഷങ്ങള്‍ക്കകം ആവിയായി.വിദേശത്ത് നിന്നും എത്തുന്ന പണം കൊണ്ട് കൂട്ട മതപരിവര്‍ത്തനം നടത്തുന്ന ഇവരാണോ ഇപ്പോള്‍ ഈ ചിന്ന മത പരിവര്‍ത്തനത്തിനെതിരെ ശബ്ദം ഉണ്ടാക്കുന്നത്‌ എന്ന് കണ്ണില്‍ ചോരയില്ലാതെ ചോദിച്ചു കളഞ്ഞു.

തുടര്‍ന്ന് പ്രണയം എന്ന മഹത്തായ കാര്യത്തെ പറ്റി വാചാലര്‍ ആകുകയായിരുന്നു നമ്മുടെ മതേതര ' മാധ്യമം "

പക്ഷെ ഈ വാചാലതയും സ്നേഹവും ഒന്നും കാസര്‍കോട്ടെ ബാലകൃഷ്ണനോടും തയ്യിലെ വിനോദിനോടും ഉണ്ടായില്ല എന്നത് മനസ്സിലാകുമ്പോള്‍ ആണ് ഇവരുടെ പ്രണയ സ്നേഹത്തിന്റെ പൊള്ളത്തരം പുറത്താകുന്നത് . 2001 സെപ്ടംബര്‍ 18 നു കൊല്ലപ്പെടുമ്പോള്‍ യൂത്ത് കോണ്ഗ്രസ് നേതാവായ ബാലകൃഷ്ണന്‍ ചെയ്ത കുറ്റം മുസ്ലിമായ റസിയയെ സ്നേഹിച്ചു വിവാഹം കഴിച്ചു എന്നുള്ളതായിരുന്നു .. നാല് വര്‍ഷത്തിനു ശേഷം കേസില്‍ പുരോഗതി ഇല്ല എന്ന പരാതിയോടെ ബാലകൃഷ്ണന്റെ മാതാപിതാക്കള്‍ ഡി ജി പി യെ സമീപിച്ചതിന്റെ വാര്‍ത്ത ഇവിടെ

കണ്ണൂര്‍ തയ്യിലെ വിനോദ് എന്ന മത്സ്യ തൊഴിലാളിയുടെ ഗതിയും മറ്റൊന്നല്ല .മുസ്ലിം പെണ്‍കുട്ടിയെ വിവാഹം കഴിച്ച കുറ്റത്തിന് മത മൌലികവാദികളുടെ കൊലക്കത്തിക്ക് ആ യുവാവും ഇരയായി .. മലപ്പുറം ജില്ലയില്‍ മുസ്ലിം പെണ്‍കുട്ടിയെ സ്നേഹിച്ച കുറ്റത്തിന് രാജീവന്‍ എന്ന യുവാവിനും ഒപ്പം ആ പെണ്‍കുട്ടിക്കും താലിബാന്‍ മോഡല്‍ പരസ്യ വിചാരണ നേരിടേണ്ടി വന്നു . അങ്ങനെ ചൂണ്ടിക്കാണിക്കാന്‍ എത്ര സംഭവങ്ങള്‍ ഈ കേരളത്തില്‍ .( നാല് പതിറ്റാണ്ടിനു മുന്‍പ്‌ രാമ സിംഹന്‍ ആയ ഉണ്ന്യേന്‍ സാഹിബും ഭാര്യയും അനുജനും പിന്നെ അവരുടെ സഹായിയും മത മൌലിക വാദികളുടെ കൊലക്കത്തിക്ക് ഇരയായതും മതം മാറി എന്ന കുറ്റത്തിനാണ് .. )ഈ വിശ്വാസ പാപ്പരത്തത്തെ എന്ത് പേരിട്ടു വിളിക്കും എന്നത് വായനക്കാര്‍ തീരുമാനിക്കട്ടെ.

അന്നൊന്നും പ്രണയത്തിന്റെ സൌന്ദര്യത്തെ പറ്റി വാചകമടിക്കാന്‍ ഒരു മാധ്യമവും ഉണ്ടായിരുന്നില്ല . ഒരാളും തുടര്‍ ലേഖനങ്ങള്‍ എഴുതിയില്ല . സമീപകാലത്ത് മഞ്ചേശ്വരം എം എല്‍ എ യുടെ മകളുടെ കൂട്ടുകാരനെ തല്ലിയപ്പോള്‍ എന്തായിരുന്നു പുകില്‍ (ശ്രീരാമ സേന എന്ന് പറഞ്ഞെങ്കിലും പിടിയിലായവര്‍ എം എല്‍ എ യുടെ പാര്‍ട്ടിക്കാര്‍ ആണെന്നാണ്‌ പോലീസ്‌ പറയുന്നത് ) കേരളം പൊട്ടിതെറിച്ചു ബൂലോഗത്തില്‍ ആകട്ടെ മതെതരന്മാരുടെയും ബുദ്ധി ജീവികളുടെയും പ്രതിഷേധങ്ങളുടെ പരമ്പര തന്നെ ഉണ്ടായി ..പക്ഷെ ഈ അടുത്ത സമയത്ത് ഇതേ മംഗലാപുരത്ത്‌ ഒരുമിച്ചു ഭക്ഷണം കഴിച്ചതിന്റെ പേരില്‍ പരസ്യ വിചാരണക്ക് ഇരയായ കുട്ടികളെ പറ്റി ഹിന്ദു വില്‍ വന്ന വാര്‍ത്ത ഇവിടെ എന്തെ ആരും അറിഞ്ഞില്ലേ .. ആരും പിങ്ക് ജെട്ടികള്‍ അയച്ചതായി കേട്ടില്ല .. ഒരു മതെതരന്റെയും രക്തം തിളച്ചില്ല . എന്തുകൊണ്ട് ??? ഒരു ഭാഗത്ത് സംഘ പരിവാര്‍ ഇല്ലെങ്കില്‍ അതിനെതിരെ ശബ്ദിച്ചിട്ട്‌ കാര്യമില്ല . കാരണം അപ്പോള്‍ മതേതര പട്ടം കിട്ടില്ല . ചിലപ്പോള്‍ ഫാസിസ്റ്റു പട്ടം കിട്ടാനുള്ള സാധ്യത ഉണ്ട് താനും .

മാധ്യമ തേജസ്സാദികളുടെ അടുത്ത ആരോപണം മറ്റു മാധ്യമങ്ങള്‍ വാര്‍ത്തകള്‍ പടച്ചുണ്ടാക്കുന്നു എന്നതാണ്. മംഗളം,മനോരമ,മാതൃ ഭൂമി,കേരളകൗമുദി,ഏഷ്യാനെറ്റ്‌ തുടങ്ങി ഇന്ത്യാ വിഷന്‍ പോലും സംഘ പരിവാര്‍ സ്വാധീനത്തില്‍ ആണത്രേ.ഗുജറാത്ത് കലാപ ശേഷം ഗര്‍ഭിണിയുടെയും ശൂലത്തിന്റെയും കഥകള്‍ പറഞ്ഞു വിളവെടുപ്പ്‌ നടത്തിയവര്‍ ആണ് ഇങ്ങനെ പറയുന്നത്.അന്ന് പത്രങ്ങളുടെ പ്രവര്‍ത്തനം ഉദാത്തവും ഉത്കൃഷ്ടവും ആയിരുന്നു ഇവര്‍ക്ക് .പിന്നീട് ഈ കഥകളൊക്കെ സെതല്‍ വാദ് അടുക്കളയില്‍ വേവിച്ചെടുത്തത് ആയിരുന്നു എന്ന് അന്വേഷണത്തില്‍ തെളിഞ്ഞപ്പോള്‍ അത് ഒറ്റക്കോളം വാര്‍ത്തയില്‍ ഒതുക്കി പത്ര ധര്‍മം കാത്തു സൂക്ഷിച്ചവര്‍ ആണ് ഇപ്പോള്‍ മാധ്യമ മൂല്യ ച്യുതിയെ പറ്റി മുറ വിളികള്‍ നടത്തുന്നത് .

പാകിസ്ഥാനില്‍ ഇന്ത്യ ഇടപെടല്‍ നടത്തുന്നു എന്ന് പാകിസ്താന്‍ പ്രധാനമന്ത്രി ഇന്ത്യയോട് പറഞ്ഞതായി അവിടുത്തെ ഡോണ്‍ പത്രം എഴുതിയപ്പോള്‍ (പാകിസ്താന്‍ പോലും അന്ന് അങ്ങനെ പറഞ്ഞില്ല ) അതിനെ അനുകൂലിച്ചു കൊണ്ട് എഡിറ്റോറിയല്‍ എഴുതിയ പത്രമാണ്‌ മാധ്യമം . കാശ്മീരിലെ തീവ്രവാദികള്‍ പോരാളികള്‍ ആണ് തേജസ്സിന് . നുഴഞ്ഞു കയറ്റക്കാരെ വെടിവെച്ചു കൊന്നപ്പോള്‍ അത് ലഷ്കര്‍ ഐ തോയ്ബ എന്നാരോപിച്ച് വെടിവെച്ചു കൊന്നുവെന്നാണ് ഇവരുടെ പുതിയ ഭാഷ്യം . ഇങ്ങനെ പരസ്യമായി മത മൌലിക വാദവും രാജ്യ ദ്രോഹവും പ്രവര്‍ത്തിക്കുന്ന ഇവര്‍ പത്ര ധര്‍മ്മത്തെ പറ്റി വാചാലര്‍ ആകുന്നതു കാണുമ്പോള്‍ അത് വേശ്യയുടെ ചാരിത്ര പ്രസംഗം ആണെന്ന് മറ്റുള്ളവര്‍ ധരിക്കുന്നത് സ്വാഭാവികം മാത്രം .

ഇവരുടെ അടുത്ത വാദം ആണ് ഏറ്റവും രസകരം . മേല്‍പറഞ്ഞ പറഞ്ഞ മാധ്യമങ്ങളൊക്കെ തെളിവില്ലാതെ വാര്‍ത്തകള്‍ കൊടുക്കുന്നുവത്രെ .. മുംബൈ ആക്രമണം യാങ്കി സയനിസ്റ്റ്‌ പരിവാര്‍ അച്ചുതണ്ടിന്റെ പരിപാടി ആയിരുന്നെന്നു പ്രചരിച്ചപ്പോള്‍ , ജമിയാ നഗറില്‍ പോലീസ്‌ വ്യാജ ഏറ്റുമുട്ടല്‍ നടത്തിയതാണ് എന്ന് പറഞ്ഞു തുടര്‍ പരമ്പരകള്‍ ഇറക്കിയപ്പോള്‍ ,ഗുജറാത്ത്‌ കലാപം നരേന്ദ്ര മോഡി ആസൂത്രണം ചെയ്തതാണ് എന്ന് പ്രഖ്യാപിച്ചു വാര്‍ത്തകള്‍ കൊടുത്തപ്പോള്‍,ഹേമന്ത് കാര്‍ക്കരെയെ ആര്‍.എസ്.എസ് കാര്‍ വധിച്ചതാണെന്ന് പ്രത്യക്ഷമായും പരോക്ഷം ആയും പറഞ്ഞു കൊണ്ട് പേജുകള്‍ എഴുതി നിറച്ചപ്പോള്‍ എന്ത് തെളിവുകള്‍ ആണ് ഈ മത മൌലിക വാദ പത്രങ്ങളുടെ കയ്യില്‍ ഉണ്ടായിരുന്നത് ?(ജാമിയ നഗര്‍ ഏറ്റുമുട്ടല്‍ ജൂഡീഷ്യല്‍ അന്വേഷണം വേണമെന്ന ആവശ്യം സുപ്രീം കോടതി തള്ളിയത് ഇതിനോടൊപ്പം ചേര്‍ത്ത് വായിക്കുക)

അപ്പോള്‍ കാര്യം ഇത്രയേ ഉള്ളൂ .. തങ്ങള്‍ക്കു വേണ്ടുന്ന വിധത്തില്‍ പത്രങ്ങള്‍ എഴുതിയാല്‍ അത് ഉത്കൃഷ്ടം ഉദാത്തം .. അല്ലെങ്കിലോ പരമ നികൃഷ്ടം . കോടതി വിധികള്‍ അനുകൂലമായാല്‍ കോടതിക്ക് മതേതര സ്വരം , അല്ലെങ്കിലോ സംഘ പരിവാര്‍ സ്വരം .. ഇടയ്ക്ക് മനുഷ്യാവകാശ കമ്മീഷന്‍ എന്ന് പറഞ്ഞാല്‍ തേനും പാലും ആയിരുന്നു . പക്ഷെ ബട്ല ഹൌസ്‌ ഏറ്റുമുട്ടല്‍ വന്നപ്പോള്‍ മനുഷ്യാവകാശ കമ്മീഷനും പരിവാര്‍ ആയി ..

ഇനിയിപ്പോ ജൂഡീഷ്യല്‍ അന്വേഷണം നിരസിച്ചതിന് സുപ്രീം കോടതിക്കും കിട്ടുമായിരിക്കും പരിവാര്‍ പട്ടം . ആര്‍ക്കറിയാം കാത്തിരുന്നു കാണുക തന്നെ .

ഇതര മതങ്ങളില്‍ പെട്ടവര്‍ പ്രണയിക്കുന്നതും വിവാഹം കഴിക്കുന്നതും പുതിയ കാര്യമൊന്നും അല്ല. സാഹചര്യങ്ങള്‍ക്കനുസരിച്ചു ചിലപ്പോള്‍ മതം മാറി എന്നും വരാം . അതൊക്കെ സാധാരണ സംഭവിക്കുന്ന കാര്യങ്ങള്‍ മാത്രം.പക്ഷെ പ്രത്യേക അജന്ഡ വെച്ചുള്ള പ്രണയം ഉണ്ടെങ്കില്‍ അത് എതിര്‍ക്കപ്പെടെണ്ടതാണ് . അതില്‍ യാതൊരു സംശയവും ഇല്ല. വാര്‍ത്തകള്‍ കൊടുത്ത പത്രങ്ങളില്‍ ഒന്നും മുസ്ലിം സമൂഹം മുഴുവനുമോ ഏതെങ്കിലും അംഗീകൃത മുഖ്യ ധാര മുസ്ലിം സംഘടനകളോ ഇതിനു പിന്നില്‍ ഉണ്ടെന്നു പറഞ്ഞിട്ടില്ല .ഒരു പ്രത്യേക തീവ്രവാദ സംഘടനയെ പറ്റി മാത്രം ആയിരുന്നു പരാമര്‍ശം വന്നത് .പക്ഷെ അതേറ്റു പിടിക്കാന്‍ മുഴുവന്‍ മുസ്ലിം സംഘടനകളും ഒറ്റക്കെട്ടായി രംഗത്തെത്തിയത് മത തീവ്രവാദികള്‍ക്ക് കരുത്ത്‌ പകരാന്‍ മാത്രമേ സഹായിച്ചുള്ളൂ.വര്‍ഗീയതയെ എതിര്‍ക്കാം,പരിവാറിനെ എതിര്‍ക്കാം.പക്ഷെ അത് മത തീവ്രവാദികളുടെ തോളില്‍ കയ്യിട്ടു കൊണ്ടാകരുത്.അങ്ങനെ വന്നാല്‍ അത് മറ്റൊരു 'പൊതു ബോധം സൃഷ്ടിക്കലിലേക്ക് ' ചെന്നെത്തുവാന്‍ സഹായകം ആകും എന്ന് ഇവര്‍ എന്നാണു തിരിച്ചറിയുന്നത്‌ ????

വിശ്വാസ പാപ്പരത്തത്തെ പറ്റി രണ്ടു വാക്ക് ..( പോസ്റര്‍ പ്രചരണം നടത്തിയവരോട് മാത്രം )

ശരിയാണ് ..എല്ലാ മാര്‍ഗങ്ങളും ഒരു ലക്ഷ്യത്തിലേക്ക് ആണ് എന്ന് വിശ്വസിച്ചതും പഠിപ്പിച്ചതും ഇവിടുത്തെ ഭൂരിപക്ഷ സമൂഹം ചെയ്ത ആദ്യത്തെ തെറ്റ് . എന്റേത് മാത്രം ശരി മറ്റുള്ളതെല്ലാം തെറ്റ് എന്ന് എവിടെയും പറയാഞ്ഞത് അടുത്ത തെറ്റ് . മത ഭ്രാന്തന്‍ മാരുടെ അരും കൊലകള്‍ കാര്‍ഷിക കലാപം ആയും സ്വാതന്ത്ര്യ സമരം ആയും മാറുന്ന മാജിക്‌ കണ്ടു മിണ്ടാതെ നിന്നത് അടുത്ത തെറ്റ് .അങ്ങനെ നൂറ്റാണ്ടുകളുടെ പഴക്കമുള്ള എത്രയെത്ര തെറ്റുകള്‍ .ഇവിടുത്തെ ഭൂരിപക്ഷ സമൂഹം ഇതൊക്കെ സഹിച്ചത് തങ്ങളുടെ നിസ്സഹായത കൊണ്ട് ആണ് എന്ന് കരുതുന്നുവെങ്കില്‍ പ്രിയ പോസ്റര്‍ ഫ്രണ്ടുകാരെ നിങ്ങള്ക്ക് തെറ്റി .. ഇങ്ങനത്തെ വിശ്വാസ പാപ്പരത്തം ഒക്കെ മാറ്റിവെച്ചു ഇവിടുത്തെ ഭൂരിപക്ഷ സമൂഹം തെറ്റുകള്‍ തിരുത്താനും തീവ്ര വിശ്വാസികള്‍ ആകാനും ശ്രമിച്ചു തുടങ്ങിയാല്‍ പല പ്രതിരോധങ്ങളും മതിയാകാതെ വരുമെന്ന് കൂടി ദയവായി ഓര്‍ക്കുക ...

'എസ് 'വളവുള്ള കത്തികള്‍

2009-08-27T10:35:00.000-07:00

തുടര്‍ച്ചയായ മൊബൈല്‍ നാദം കേട്ടാണ്‌ ഒരു ഉച്ചയുറക്കത്തിന്റെ ആലസ്യത്തില്‍ നിന്നും ഞെട്ടി ഉണര്‍ന്നത് .. ആരാണാവോ എന്ന് അല്പം ഈര്‍ഷ്യയോടെ വിചാരിച്ച് നോക്കിയപ്പോള്‍ ഒന്ന് അമ്പരന്നു .. മണ്ഡലത്തിന്റെ കാര്യവാഹ് രാജേഷ്‌ ആയിരുന്നു ലൈനില്‍ .. എന്താണാവോ പണി കിട്ടുന്നത് എന്ന് സംശയിച്ചാണ് ഫോണ്‍ എടുത്തത്‌ . കക്ഷി അല്പം സംഭ്രമത്തില്‍ ആയിരുന്നു . സംസാരത്തിന്റെ പൂര്‍ണ്ണ രൂപം താഴെ

" നമസ്തേ രാജേഷേട്ടാ "
"നമസ്തേ .. അത്യാവശ്യമായി ഒരു വിവരം അറിയിക്കാന്‍ ഉണ്ട്.. ഉടനെ കാണണം .. താങ്കളുടെ ശാഖയിലെ സ്വയം സേവകരെ ഒക്കെ വിളിക്കണം "
"എന്താണ് ചേട്ടാ കാര്യം "
"അറിഞ്ഞില്ലേ നമ്മള്‍ ഉപയോഗിക്കുന്ന "എസ്" ആകൃതിയിലുള്ള കത്തിയെ പറ്റി പോലീസിനു വിവരം കിട്ടിയിരിക്കുന്നു .. ഇത്രയും നാള്‍ രഹസ്യമായ ഈ വിവരം എങ്ങനെ പരസ്യമായി എന്നറിയില്ല ."
" അല്ല ചേട്ടാ ആരാണ് പോലീസിനു വിവരം കൊടുത്തത്‌ "
" താങ്കള്‍ അറിഞ്ഞില്ലേ ടി വി ..യില്‍ പിണറായി സഖാവ്‌ പത്ര സമ്മേളനം നടത്തിയത്‌ കണ്ടില്ലേ ??"
"ഇല്ല ഞാന്‍ ഉറക്കമായിരുന്നു "

"സംസാരിച്ച് സമയം കളയാനില്ല .. എത്രയും പെട്ടെന്ന് എല്ലാ സ്വയം സേവകരുടെ കയ്യില്‍ നിന്നും അത് തിരിച്ചു വാങ്ങണം . ഒന്നാമത്‌ നാഗ്പൂരില്‍ നിന്നും പ്രത്യേകം തയ്യാറാക്കിയതാണ് .. അത മാത്രമല്ല അതിനെ പറ്റി കൂടുതല്‍ അന്വേഷണം നടന്നാല്‍ അതിനു പിന്നിലുള്ള സി ഐ എ , മോസാദ്‌ എന്നിവരെ ചെലപ്പോള്‍ കണ്ടു പിടിച്ചേക്കാം. അത് കൊണ്ട് വൈകിട്ട് അഞ്ചരയ്ക്ക് തന്നെ എത്തി കത്തികള്‍ തിരിച്ച് ഏല്‍പ്പിക്കണം "
"അല്ല ചേട്ടാ ഇത്ര പെട്ടെന്ന് ???"
" എന്താണ് .. അത് ആര്‍.എസ്.എസ് കാര്‍ മാത്രം ഉപയോഗിക്കുന്നതാണെന്ന് അറിഞ്ഞു കൂടെ .. അപ്പോള്‍ അത് എല്ലാരുടെയും കയ്യില്‍ തന്നെ ഉണ്ടാകും .. മറക്കണ്ട .. ശരി നമസ്തേ "

എന്റെ നമസ്തേ ക്ക് മുന്നേ തന്നെ ഫോണ്‍ കട്ടായി .. എന്ത് ചെയ്യണം എന്നറിയാതെ ഞാന്‍ നിന്നു. . രണ്ടു ദിവസം മുന്‍പ്‌ ചോറ് പൊതിയാന്‍ വാഴയില വെട്ടാന്‍ കൊണ്ട് പോയ കറി കത്തി കളഞ്ഞതും അമ്മയില്‍ നിന്നുള്ള തെറി സഹിക്കാതെ എന്റെ 'എസ് ' കത്തി അമ്മയ്ക്ക് ചക്ക വെട്ടാന്‍ കൊടുത്തതും ഞാന്‍ എങ്ങനെ കാര്യ വാഹ് സമക്ഷം ബോധിപ്പിക്കും .. അതിന്റെ ശിക്ഷ നൂറു സൂര്യ നമസ്കാരത്തിലോ ഇരുനൂറു ബൈടക്കിലോ ഒതുക്കാം എന്ന് വെച്ചാല്‍ തന്നെ പടി കയറി വരാന്‍ പോകുന്ന കോടിയേരി പോലീസില്‍ നിന്നും ഞാന്‍ എങ്ങനെ രക്ഷപെടും .ഉളില്‍ ഒരാന്തല്‍ . എന്റെ സംഘ പരിവാര്‍ പരമ്പര ദൈവങ്ങളെ എന്നെ രക്ഷിക്കണേ .....

ഇതെല്ലാം കണ്ടും കേട്ടും പത്തായത്തിനു മുകളില്‍ ചക്കയരക്കില്‍ മുങ്ങി ഇരിക്കുന്ന എന്റെ" എസ് "കത്തി എന്നെ നോക്കി പരിഹസിച്ചു ചിരിച്ചു

മലബാര്‍ കലാപം - തമസ്കരിക്കപ്പെട്ട സത്യങ്ങള്‍

2009-02-23T00:19:00.000-08:00

1921 ഇല്‍ ഏറനാടു വള്ളുവനാടു പ്രദേശങ്ങളില്‍ ഖിലാഫത്തിന്റെ പേരില്‍ നടന്ന കലാപം ഒരു കൂട്ടര്‍ക്ക് സ്വാതന്ത്ര്യ സമരവും മറ്റൊരു കൂട്ടര്‍ക്കു കാര്‍ഷിക കലാപവും ആയപ്പോള്‍ തമസ്കരിക്കപ്പെട്ടത് കലാപത്തിന്റെ പേരില്‍ ജീവനും മതവും നഷ്ടപ്പെട്ട ഒരു സമൂഹത്തിന്റെ വേദനകളാണ്. ലഹളക്കാലത്ത് കലാപകാരികളുടെ കയ്യില്‍ പെടാതെ ഹിന്ദു സമൂഹത്തെ കണ്ണിലെ ക്രിഷ്ണമണി പോലെ കാത്തു സൂക്ഷിച്ച മുസ്ലിം സഹോദരന്മാര്‍ മറക്കപ്പെട്ടവരും അറുകൊല നടത്തിയവര്‍ പില്‍ക്കാലത്ത് സ്വാതന്ത്ര്യ സമര സേനാനികളും ആയതോടെ മലബാര്‍ കലാപം വളച്ചൊടിക്കപ്പെട്ട ചരിത്രങ്ങളില്‍ പുതിയ അദ്ധ്യായം ആയി മാറുകയായിരുന്നു.

മലബാര്‍ കലാപം സ്വാതന്ത്ര്യ സമരമോ ??

ഈ ചോദ്യത്തിനു ഉത്തരം കണ്ടെത്തണമെങ്കില്‍ മലബാര്‍ കലാപത്തിനു കാരണമായ ഖിലാഫത്ത് പ്രസ്ഥാനത്തെ പറ്റി ചിന്തിക്കേണ്ടി വരും. ഒന്നാം ലോക മഹായുദ്ധത്തിലെ വിജയത്തിനു ശേഷം സഖ്യ കക്ഷികള്‍ വിശേഷിച്ചും ബ്രിട്ടന്‍ തുര്‍ക്കിയില്‍ നടത്തിയ ഇടപെടലുകള്‍ ആണു ഇന്ത്യയിലെ ഖിലാഫത്ത് പ്രസ്ഥാനത്തിനു ഉപോദ്ബലകം ആയത്. തുര്‍ക്കിയിലെ ഖലീഫയെ സ്ഥാനഭ്രഷ്ടനാക്കിയ ബ്രിട്ടീഷ് സാമ്രാജ്യം മറ്റ് അറബ് പ്രവിശ്യകള്‍ സഖ്യ കക്ഷികള്‍ക്ക് പങ്കിട്ടു കൊടുക്കുകയും ചെയ്തു .സ്വാഭാവികമായും ബ്രിട്ടനോടു മുഹമ്മദീയര്‍ക്കു വിദ്വേഷമുണ്ടാകാന്‍ ഈ നടപടി കാരണമാകുകയും ചെയ്തു.

ഖിലാഫത്ത് പ്രശ്നത്തിനു ഹിന്ദുസമൂഹം മുഹമ്മദീയരുമായി സഹകരിച്ചാല്‍ ഹിന്ദു മുസ്ലിം മൈത്രി വര്‍ദ്ധിക്കുമെന്നും ഈ മൈത്രി സ്വാതന്ത്ര്യ സമരത്തെ ശക്തിപ്പെടുത്തുമെന്നും മഹാത്മാഗാന്ധിയും കോണ്‍ഗ്രസ്സും വിശ്വസിച്ചു. അങ്ങനെ 1920 ആഗസ്റ്റ് 1 ഖിലാഫത്ത് ദുഖദിനമായി ആചരിച്ചു. സെപ്റ്റംബര്‍ മാസത്തില്‍ കല്‍ക്കത്ത യോഗത്തില്‍ മഹാത്മാ ഗാന്ധി സഹകരണ ത്യാഗ പ്രമേയം അവതരിപ്പിച്ചു. ദിസംബര്‍ മാസത്തില്‍ നാഗ്പൂരില്‍ ചേര്‍ന്ന യോഗത്തില്‍ പ്രമേയത്തെ ഒന്നുകൂടി സ്ഥിരപ്പെടുത്തി . ഹിന്ദു മുസ്ലിം മൈത്രിയും അക്രമ രാഹിത്യവുമാണു സഹകരണ ത്യാഗത്തിന്റെ തറക്കല്ലുകള്‍ ആയി പ്രമേയത്തില്‍ രേഖപ്പെടുത്തിയത്.എന്നാല്‍ തറക്കല്ലുകളെ ഇളക്കുക മാത്രമല്ല അതിന്റെ ഒരംശം പോലും അവശേഷിക്കാത്ത രീതിയിലായിരുന്നു മലബാര്‍ കലാപം നടന്നത്.

അപ്പോള്‍ ഖിലാഫത്ത് പ്രസ്ഥാനം സ്വാതന്ത്ര്യ സമരമായി പരിഗണിച്ചാലും മലബാര്‍ കലാപം സ്വാതന്ത്ര്യ സമരം ആകുന്നതെങ്ങനെ ?? . ഖിലാഫത്തിന്റെയും സഹകരണ ത്യാഗത്തിന്റേയും തറക്കല്ലുകള്‍ ഇളക്കിയ മലബാര്‍ കലാപം എങ്ങനെ സ്വാതന്ത്ര്യ സമരം ആകും ??

മലബാരിലെ ഹിന്ദുക്കളുടെ അവസ്ഥയും ലഹളകളുടെ പൊതു സ്വഭാവവും .

മലബാറിലെ ഹിന്ദുക്കളുടെ അന്നത്തെ അവസ്ഥയും ലഹളകളുടെ പൊതു സ്വഭാവത്തെയും പറ്റി മാത്രുഭൂമി സ്ഥാപക മാനേജിംഗ് ഡയരക്ടറായും കേരളത്തിലെ കോണ്‍ഗ്രസ്സ് പ്രസിഡന്റായും സേവനമനുഷ്ടിച്ച കെ മാധവന്‍ നായര്‍ എഴുതിയത് എന്താണെന്നു നോക്കാം..

ഹിന്ദുക്കളുടെ അക്കാലത്തെ അവസ്ഥയെ പറ്റി ..

“ഏറനാട്ടിലെ ഹിന്ദുക്കള്‍ താണ ജാതിക്കാരെ ഉപദ്രവിക്കാനുള്ള അധികാരം വിലയേറിയ ഒരവകാശമെന്ന നിലയില്‍ മുറുകെ പിടിച്ചതിന്റെ ഫലം ഇക്കഴിഞ്ഞ കലാപത്തില്‍ അവര്‍ അനുഭവിച്ചു. നായരും നമ്പൂതിരിയും തീയ്യനും ചെറുമനും യോജിച്ച് ഒരു കെട്ടായി നിന്നിരുന്നുവെങ്കില്‍ അക്രമികളായ ലഹളക്കാരോടു ചെറുത്തു നില്‍ക്കാന്‍ ചിലയിടങ്ങളിലെങ്കിലും സാധിക്കുമായിരുന്നു.പക്ഷെ നമ്പൂതിരി നായരെയും നായര്‍ തീയ്യനെയും തീയ്യന്‍ കണക്കനേയും കണക്കന്‍ ചെറുമനേയും ചെറുമന്‍ നായാടിയേയും ശതവര്‍ഷങ്ങളോളം ദ്രോഹിച്ചതിന്റെ ഫലമായി തങ്ങള്‍ക്ക് നേരിട്ട ആപത്തിനിടയിലും തങ്ങളിലും ഉയര്‍ന്ന ജാതിക്കാരുടെ ആപത്തില്‍ അവരില്‍ പലരും സന്തോഷിക്കാതിരുന്നിട്ടില്ല . ഈ അസ്പ്രുശ്യത തുടര്‍ന്നാല്‍ ആപത്തു കാലത്ത് തമ്മില്‍ തമ്മില്‍ യാതൊരു സഹായമോ സഹകരണമോ ഇല്ലാതെ നമ്പൂതിരി നമ്പൂതിരിയുടെ വഴിക്കും ചെറുമന്‍ ചെറുമന്റെ വഴിക്കും കെട്ടും ഭാണ്ഡവും എടുത്ത് ഒടേണ്ടി വരുമെന്നു മാത്രമല്ല കാലക്രമേണ ഹിന്ദു സമൂഹം നാമാവശേഷമായി തീരുമെന്നു കൂടി ഇവര്‍ ഓര്‍ക്കേണ്ടത് ആണ് "

(കെ .മാധവന്‍ നായര്‍. മലബാര്‍ കലാപം. നാലാം പതിപ്പ് -പേജ് 25)

ഇതൊക്കെയാണെങ്കിലും ലഹളക്കാര്‍ക്ക് യാതൊരു ജാതി വ്യത്യാസങ്ങളും ഉണ്ടായിരുന്നില്ല എന്നു വേണം കരുതാന്‍. ഏറനാട്ടിലെ ഹിന്ദുക്കള്‍ സ്വയം ഒന്നാണെന്ന് ചിന്തിച്ചിരുന്നില്ലെങ്കിലും യാതൊരു വിവേചനവുമില്ലാതെ അവരെ ഒരുമിച്ചു കണ്ട് കാലപുരിക്കയക്കാന്‍ ലഹളക്കാര്‍ക്ക് മടി ഉണ്ടായിരുന്നില്ല .

ലഹളയുടെ പൊതുസ്വഭാവം

"നിര്‍ബന്ധമായി മതത്തില്‍ ചേര്‍ക്കുന്നത് തെറ്റാണെന്ന് ഇസ്ലാം ഘോഷിക്കുന്നുണ്ടെങ്കിലും അക്കാര്യത്തില്‍ ലഹളക്കാര്‍ മാര്‍ഗദര്‍ശിയാക്കിയത് മുഹമ്മദ് നബിയെ അല്ല. ടിപ്പു സുല്‍ത്താനെയാണ്.ലഹളകളുടെ ആരംഭം മിക്കവാറും ചുരുങ്ങിയ നിലയിലായിരിക്കും . ഏതെങ്കിലും ഒരു പ്രദേശത്ത് ഒന്നോ രണ്ടോ പേര്‍ വല്ല കാരണത്തിന്മേലും ഹാലിളകി ശത്രുക്കളെ കൊല്ലുവാനും പിന്നെ മരിക്കുവാനും ഒരുങ്ങുന്നു. ആ വിവരം തങ്ങള്‍ക്കു വിശ്വാസമുള്ള അയല്‍വാസിയെ അറിയിക്കുന്നു. അവനെയും കൂട്ടത്തില്‍ ചേര്‍ത്ത് കരുതി വെച്ചിരിക്കുന്ന ആയുധങ്ങളുമായി കൊല്ലണമെന്നു മനസ്സില്‍ തീര്‍ച്ച്പ്പെടുത്തിയ ആളുടെ നേരെ ചെല്ലുന്നു. തരത്തില്‍ കിട്ടിയാല്‍ അയാളെ കൊന്ന് അടുത്ത പ്രദേശങ്ങളിലേക്കു യാത്ര ചെയ്യുന്നു. പോകുന്ന വഴിയില്‍ നേരിട്ടു മുട്ടുന്ന അന്യ മതസ്ഥരെ മിക്കവാറും കൊല്ലുകയോ തൊപ്പി ഇടീക്കുകയോ ചെയ്യും. പോകുന്ന ദിക്കിലുള്ള ഹിന്ദുക്കളുടെ വീടുകള്‍ ചുട്ടുനശിപ്പിക്കും, ക്ഷേത്രങ്ങള്‍ തകര്‍ക്കും , ബിംബങ്ങള്‍ തച്ചുടയ്ക്കും . ഈ വിധത്തില്‍ ഏതാനും പേരെ നശിപ്പിക്കുവാനായി ആരംഭിക്കുന്ന ലഹള ഹിന്ദുക്കളുടെ നേരെ പൊതുവായി ഒരു യുദ്ധമായി കലാശിക്കുന്നു.യുദ്ധമെന്നു പറഞ്ഞത് തെറ്റാണ്. ലഹളക്കാര്‍ വരുന്നു എന്നു കേട്ടാല്‍‍ ഓടുകയല്ലാതെ അവരോടു ഹിന്ദുക്കള്‍ എതിര്‍ത്തു നിന്നതായി മാപ്പിള ലഹളകളുടെ മുഴുവന്‍ ചരിത്രം നോക്കിയാലും കാണുവാന്‍ പ്രയാസം ആണ്.”

(കെ .മാധവന്‍ നായര്‍. മലബാര്‍ കലാപം. നാലാം പതിപ്പ് -പേജ് 32, 33)

മലബാര്‍ കലാപം കര്‍ഷക സമരമോ ??

മലബാര്‍ കലാപം കര്‍ഷക സമരം ആയിരുന്നു എന്നാണ് കര്‍ഷക സമരങ്ങള്‍ കൊണ്ട് പാര്‍ട്ടി അടിത്തറ വിപുലപ്പെടുത്തിയ ഒരു കൂട്ടരുടെ കണ്ടെത്തല്‍. ജന്മിത്വം ആണു കലാപത്തിനു കാരണമായത് എന്നാണു അവരുടെ അഭിപ്രായം. അതിനു പ്രത്യയശാസ്ത്ര പിന്തുണയും നല്‍കി മഹാനായ ഏലംകുളം തമ്പ്രാന്‍.

അങ്ങനെയെങ്കില്‍ ധനികരായ , ജന്മിമാരായ എല്ലാവരും ആക്രമിക്കപ്പേടേണ്ടിയിരുന്നില്ലേ ?. ധനികരായ മുസ്ലിം പ്രമാണിമാര്‍ എങ്ങനെ രക്ഷപ്പെട്ടു ? പാവപ്പെട്ട ചാലിയരും,തീയ്യരും എങ്ങനെ ആക്രമണത്തില്‍ കൊല്ലപ്പെട്ടു ?? നാഴിയരിയ്ക്കു വകയില്ലാത്ത പാവപ്പെട്ടവരും സ്ത്രീകളും കുട്ടികളും എങ്ങനെ കൊല്ലപ്പെട്ടു ? . എന്തിനു വേണ്ടി മതം മാറ്റപ്പെട്ടു.?? സ്വാതന്ത്ര്യ സമരം ആയാലും കര്‍ഷക സമരം ആയാലും മതം മാറ്റത്തിനു എന്തു പ്രസക്തി ??

ഹിന്ദുക്കള്‍ പട്ടാളക്കാരെയും പോലീസുകാരേയും സഹായിച്ചതു കൊണ്ടാണ് കൊള്ളയും കൊലയും നടത്തിയത് എന്നു വാദിക്കുന്നവരുണ്ട്. തിരൂരങ്ങാടി പള്ളി പട്ടാളക്കാര്‍ ആക്രമിച്ചു തകര്‍ത്തു എന്ന വ്യാജ പ്രസ്താവം ആണു കലാപത്തിനു കാരണം. തുടര്‍ന്നു പതിനഞ്ചു ദിവസത്തേക്കു പോലീസോ പട്ടാളമോ ഏറനാടു വള്ളുവനാടു പ്രദേശങ്ങളിലെ എത്തിയിരുന്നില്ല. എന്നാല്‍ പള്ളി ആക്രമണ വാര്‍ത്ത അറിഞ്ഞതിനു പിറ്റേന്നു മുതല്‍ ഹിന്ദു വീടുകളില്‍ കയറി കൊലയും കൊള്ളയും നടത്തിയത് മേല്പറഞ്ഞ കാരണത്താലാണ് എന്നു പറയുന്നതിനു എന്തടിസ്ഥാനം ? മറ്റൊരു കാര്യം തിരൂരങ്ങാടി പള്ളീ പട്ടാളം ആക്രമിച്ചു എന്നു കേട്ട് പൂക്കോട്ടൂരിലെ ലഹളക്കാര്‍ പോയത് കൂടുതല്‍ അടുത്തുള്ള തിരൂരങ്ങാടിയിലേക്കല്ല , മറിച്ച് ദൂരെയുള്ള നിലംബൂര്‍ കോവിലകത്തേക്കായിരുന്നു . അപ്പോള്‍ കൊലയുടെയും കൊള്ളയുടേയും കാരണം മതഭ്രാന്തും മതത്തിനു വേണ്ടി മരിച്ചാല്‍ സ്വര്‍ഗം കിട്ടുമെന്ന ചിന്തയും ആയിരുന്നു എന്നു നിസ്സംശയം പറയേണ്ടി വരും .മലബാറിലെ ജന്മി കുടിയാന്‍ സമ്പ്രദായം ഒരു വളമായി തീര്‍ന്നു എന്നു മാത്രം.

പ്രധാനപ്പെട്ട ഒരു വസ്തുത ഇതൊന്നുമല്ല. ഇന്നലെ വരെ നടന്നതും ഇന്നു നടക്കുന്നതും നാളെ നടക്കാന്‍ പോകുന്നതുമായ എല്ലാ മുസ്ലിം തീവ്രവാദ ആക്രമണങ്ങളും സംഘപരിവാറിന്റെ ക്രിയകളുടെ പ്രതിക്രിയയാണ് എന്നു സാമാന്യ വത്കരിക്കുന്ന ഇവിടുത്തെ പുരോഗമന ജനാധിപത്യ മനുഷ്യാവകാശ ബുദ്ധിജീവികള്‍ക്ക് അറിയുമോ എന്നറിയില്ല, 1921 ഇല്‍ സംഘപരിവാര്‍ കേരളത്തില്‍ - എന്തിനു ഭാരതത്തില്‍ പോലും ഉടലെടുത്തില്ല എന്ന സത്യം. കച്ചവടത്തിനു വന്നവര്‍ക്ക് ആരാധനാലയം നിര്‍മ്മിക്കാന്‍ സൗകര്യം കൊടുത്ത് മതപ്രചരണത്തിനുള്ള അവസരങ്ങള്‍ ഒരുക്കിക്കൊടുത്ത കേരളത്തിലെ ഭൂരിപക്ഷ ജനത 1921 നു മുന്‍പുള്ള എട്ട് പതിറ്റാണ്ടുകളിലായി ഏകദേശം മുപ്പതോളം കലാപങ്ങളുടെ തിക്തഫലങ്ങള്‍ അനുഭവിച്ചു കഴിഞ്ഞിരുന്നു എന്ന സത്യം.

കര്‍ഷക കലാപം ,സ്വാതന്ത്ര്യ സമരം എന്നൊക്കെ പറഞ്ഞ് , ടിപ്പുവിന്റെ ആക്രമണത്തിനു ശേഷം കേരളം കണ്ട ഏറ്റവും വലിയ വംശോന്മൂലന കലാപത്തെ വെള്ള പൂശിയവര്‍ക്ക് ,അതില്‍ പങ്കെടുത്ത ചിലര്‍ക്ക് സ്വാതന്ത്ര്യ സമര പെന്‍ഷനും താമ്രപത്രവും നല്‍കിയവര്‍ക്ക് അതു വംശഹത്യ ആയിരുന്നു എന്നു പറയാന്‍ നാവു പൊങ്ങുകയില്ല. ഭാവിയില്‍ ഉണ്ടാക്കപ്പെടാന്‍ പോകുന്ന സംഘ പരിവാരില്‍ ആളെ കൂട്ടാന്‍ വേണ്ടി ഗോള്വള്‍ക്കരും ഹെഡ്ഗേവാറും കൂടി ആസൂത്രണം ചെയ്തതാണ് എന്നു പറയാന്‍ ചിലപ്പോള്‍ ഇവര്‍ക്ക് മടി കാണില്ല.

കെ ഇ എന് - പുരോഗമന പുണ്യാളന്

2009-01-31T00:04:00.000-08:00

ശ്രീ കെ.ഇ.എന്‍ കുഞ്ഞഹമ്മദിന്റെ " അവര്‍ ക്രിസ്ത്യാനികളെ തേടിയെത്തി " എന്ന മഹത്തായ പുസ്തകം ആണ് ഈ പോസ്റ്റിനാധാരം . ചിന്ത പബ്ലിഷെര്‍സ് ആണു പുസ്തകത്തിന്റെ പ്രസാധകര്‍. ദേശാഭിമാനി ബുക്ക് ഹൗസ് വിതരണക്കാരും. സംഘ പരിവാറിന്റെ ക്രിസ്ത്യന്‍ വംശ ഹത്യ നേരിട്ടു കാണാന്‍ സഖാവ് കുഞ്ഞഹമ്മദ്ക്കയും കൂട്ടു പുരോഗമനക്കാരും പോയതിന്റെ ബാക്കി പത്രമാണു ഈ പുസ്തകം .

ശ്രീ കെ.ഇ .എന്‍ തന്നെ എഴുതിയ ആമുഖം അവസാനിക്കുന്നത് ഇങ്ങനെ .
“എന്നാല്‍ ഇതേറ്റവും കൂടുതല്‍ കടപ്പെട്ടിരിക്കുന്നത് പീഡനങ്ങള്‍ക്ക് നടുവിലും ഫാസിസ്റ്റ് ആക്രോശങ്ങള്‍ക്കിടയിലും എന്തു തന്നെ സംഭവിച്ചാലും ഞങ്ങളിവിടെ ഈ രുധിര ഭൂമിയില്‍ ഉറച്ചു നില്‍ക്കും എന്ന് നിശബ്ദമായി പ്രഖ്യാപിക്കുന്ന കന്ദമാലിലെ പീഡിത ക്രിസ്ത്യന്‍ സമൂഹത്തിന്റെ സര്‍ഗാത്മക ശക്തിയോടാണ് "

അങ്ങ് ഇങ്ങനെ പലരോടും കടപ്പെട്ടിരിക്കുന്നു എന്നത് പരസ്യമായ രഹസ്യം ആണല്ലൊ .
“ മതനിരപേക്ഷതയുടെ പത്രം” എന്നു തേജസ്സിനെ വിശേഷിപ്പിച്ച താങ്കളുടെ പുരോഗമന സഹയാത്രികന്‍ പുരുഷന്‍ കടലുണ്ടിയും ആരോടൊക്കെയോ കടപ്പെട്ടിരിക്കുന്നു.

ഒറീസ്സയില്‍ എത്തിയപ്പോള്‍ നല്ല കൊഴുത്തു തടിച്ച കാളക്കൂറ്റന്മാരെ കണ്ടപ്പോള്‍ സഖാവിനു നാവില്‍ വെള്ളമൂറി. പോസ്റ്റര്‍ ഒട്ടിക്കാത്ത ചുമരുകള്‍ കണ്ടപ്പോള്‍ കൈകള്‍ തരിച്ചു. വംശോന്മൂലന സിദ്ധാന്തം പോസ്റ്റര്‍ ആയി അവതരിപ്പിക്കാന്‍ കഴിയാത്ത നിരാശ പുസ്തകത്തില്‍ ഉടനീളം ഉണ്ട്.

പിന്നെയുള്ളത് ആദിവാസികളെ ഹിന്ദുക്കള്‍ ആക്കുന്നു എന്ന സ്ഥിരം പല്ലവി . ആദിവാസി സ്വത്വം അവര്‍ക്കു നഷ്ടപ്പെടുന്നു പോലും . ഈ ആദിവാസികള്‍ ക്രിസ്ത്യാനികള്‍ ആയി മത പരിവര്‍ത്തനം ചെയ്യപ്പെടുമ്പോള്‍ ഈ സ്വത്വം നഷ്ടപ്പെടില്ലേ സഖാവേ ??

തന്റെ വിശ്വ പ്രസിദ്ധമായ കാളയും കാളനും എന്ന പ്രയോഗത്തെ പറ്റിയും കെ.ഇ.എന്‍ ഇതില്‍ അനുസ്മരിക്കുന്നുണ്ട് . പന്നിവധ നിരോധനം എന്ന പേരില്‍ ഇവിടെ പ്രശ്നങ്ങള്‍ ഒന്നും ഉണ്ടായിട്ടില്ല പോലും . അതിനു പന്നി ഹറാം അല്ലേ സഖാവെ . അതിനെ കൊന്നാല്‍ എന്താണു പ്രശ്നം ?? പന്നിയെങ്ങാനും വിശുദ്ധമായിരുന്നെങ്കില്‍ ഇവിടെ എന്നേ പന്നി വധ നിരോധന നിയമം വന്നേനെ. !!

പുരോഗമന പുണ്യാളന്റെ വാക്കുകളിലൂടെ..

“കാഷായ വസ്ത്രം ധരിച്ച കൊടും ക്രിമിനല്‍ ആണു ലക്ഷ്മണാനന്ദ സരസ്വതി.നേരത്തെ കൊലക്കേസിലെ പ്രതിയായിരുന്നു. ഹിമാലയത്തില്‍ പോയി സന്ന്യാസി ആയി തിരിച്ചു വന്നതാണ്.പിടിച്ചു പറിക്കാരനായ രത്നാകരന്‍ മാനസിക പരിവര്‍ത്തനം വഴി വാത്മീകി ആയി മാറിയെന്നാണ് പുരാണം പറയുന്നത്. സത്യത്തില്‍ ഈ ലക്ഷ്മണാനന്ദ വന്നതിനു ശേഷം ആണു കന്ധമാലില്‍ പ്രശ്നങ്ങള്‍ തുടങ്ങിയത്. അയാളുടെ വധത്തെ പറ്റി ജനങ്ങള്‍ക്കിടയില്‍ വ്യത്യസ്തമായ കാഴ്ചപ്പാട് ഉണ്ട് . ആശ്രമത്തിലെ അധികാര തര്‍ക്കമാണ് കൊലയ്ക്കു കാരണമായതെന്നു പറയുന്നുണ്ട്. മാവോയിസ്റ്റുകള്‍ വധത്തിന്റെ ഉത്തരവാദിത്വം ഏറ്റെടുത്തിട്ടുണ്ട്. മനുഷ്യത്വ വിരുദ്ധമായി പ്രവര്‍ത്തിക്കുന്ന ഭ്രാന്തന്മാരെ ഇനിയും കൊല്ലും എന്നു അവര്‍ ഭീഷണിപ്പെടുത്തിയിട്ടുണ്ട് . "

എന്റെ കെ .ഇ .എന്‍ പുണ്യാളാ തനിക്കൊക്കെ നാണമില്ലേ ?

സ്വാമി കൊലക്കേസില്‍ പ്രതിയായിരുന്നു പോലും. ഇനി അഥവാ ആണെങ്കില്‍ തന്നെ മനപരിവര്‍ത്തനം വരാന്‍ പാടില്ല എന്നുണ്ടോ ?? പാകിസ്താന്‍ ചാരന്‍ എന്ന് പലരും സംശയത്തോടെ വീക്ഷിച്ചിരുന്ന ,സ്വന്തം വാക്കുകളില്‍ കൂടിയും പ്രവര്‍ത്തികളില്‍ കൂടിയും അതു തെളിയിക്കുകയും ചെയ്തിരുന്ന ഒരു മാന്യ ദേഹത്തെ മാനസിക പരിവര്‍ത്തനം വന്നു എന്നു പറഞ്ഞു കൊണ്ട് കെട്ടിപിടിച്ചു നില്‍ക്കുന്നത് അങ്ങു കണ്ടില്ലാ എന്നുണ്ടോ ?? അതോ ഈ മാനസിക പരിവര്‍ത്തനം മദനിക്കു മാത്രം ഉണ്ടാകുന്ന ഒരു പ്രത്യേക കാര്യം ആണോ ?? എന്തിനധികം കണ്ണൂര്‍ ജില്ലയിലെ കൊലക്കേസ് പ്രതികളല്ലേ ഇന്നു ആഭ്യന്തരമന്ത്രിയും പാര്‍ട്ടി സെക്രട്ടറിയും. പുണ്യാളനു അക്കഥയൊന്നും അറിയില്ലേ ??

ഇതു ന്യൂന പക്ഷ കമ്മീഷന്‍ 2008 ജനുവരിയില്‍ പ്രസിദ്ധപ്പെടുത്തിയ രിപ്പോര്‍ട്ടിലെ ഒരു ഭാഗം ആണ്.
Swami Saraswati Lakshmanda, the leader of the anti-conversion
campaign, established an Ashram in this area in 1969 and has opened educational institutions for tribal boys and girls.

അപ്പോള്‍ എന്താണു താങ്കള്‍ പറഞ്ഞു വന്നതിന്റെ അര്‍ത്ഥം. സ്വാമി ആദിവാസികള്‍ക്കു വേണ്ടി സ്കൂളുകള്‍ തുടങിയതാണു പ്രശ്നം എന്നാണൊ ? സ്കൂളുകള്‍ തുടങ്ങുന്നതും ആദിവാസികളേ സഹായിക്കുന്നതും ഒക്കെ മിഷണറിമാര്‍ക്കു തീറെഴുതി കൊടുത്തിട്ടൊന്നും ഇല്ലല്ലോ അല്ലേ ?? അല്ല അറിയാത്തതു കൊണ്ടു ചോദിച്ചതാണ്. മിഷണറിമാര്‍ സ്കൂള്‍ തുടങ്ങിയതിനെ പറ്റിയൊക്കെ വളരെ പ്രശംസിച്ചു പറയുന്നുണ്ട് താങ്കള്‍ ഇതില്‍ .

ഇനി വംശീയ ഉന്മൂലനം എന്ന പ്രയോഗം. വാര്‍ത്തകള്‍ ഒന്നും കുഞ്ഞഹമ്മ്ദ്ക്ക വായിക്കില്ല എന്നു തോന്നുന്നു. തേജസ്സും ദേശാഭിമാനിയും മാത്രം നോക്കിയാല്‍ എല്ലാ വാര്‍ത്തയും കാണണമെന്നില്ല. മുഖവുരയില്‍ പറഞ്ഞ പീഡിത ക്രിസ്ത്യന്‍ സമൂഹത്തിന്റെ ആ സര്‍ഗാത്മക ശക്തി ആളുകളെ പെട്രോള്‍ ഒഴിച്ചു കത്തിക്കാനും ഉപയോഗിച്ചിരുന്നു എന്നതു കൂടി അറിഞ്ഞാല്‍ നന്ന്.

സത്യം പറഞ്ഞാല്‍ എന്താണു കുഞഹമ്മദ്ക്ക താങ്കളേ പോലെയുള്ളവരുടെ പ്രശ്നം ?? അങ്ങോട്ടു മനസ്സിലാകുന്നില്ല . സ്വന്തം സഹോദരങ്ങളെ അസ്പ്രുശ്യരായി കണ്ടിരുന്ന നീചമായ ഒരു സ്ഥിതി ഹിന്ദുവിനുണ്ടായിരുന്നു. സമ്മതിക്കുന്നു. അങ്ങനെയുള്ള പല അനീതികളില്‍ നിന്നും പാഠം ഉള്‍ക്കൊണ്ട് പ്രവര്‍ത്തിക്കാന്‍ പല ഹിന്ദു സംഘടനകളും തയ്യാറായിട്ടുണ്ടു താനും . അതൊന്നും പാടില്ല , ഇനിയും വിദ്വേഷത്തോടെ തന്നെ ജീവിക്കണം എന്നു പറയുന്നതില്‍ എന്തര്‍ത്ഥം ആണുള്ളത് ?. തങ്ങളുടെ പൂര്‍വികര്‍ ചെയ്ത അക്ഷന്തവ്യമായ അപരാധത്തിനു പ്രായശ്ചിത്തം ചെയ്യാന്‍ പുതിയ തലമുറകളിലെ ആളുകള്‍ക്കു തോന്നുന്നുവെങ്കില്‍ , അവര്‍ അതിനു വേണ്ടി പ്രവര്‍ത്തിക്കുന്നുവെങ്കില്‍ അതിനെ അംഗീകരിക്കുകയാണ് വേണ്ടത് .

പുസ്തകം വായിച്ചു കഴിഞ്ഞപ്പോള്‍ സഹതാപം ആണ് തോന്നിയത് കുഞ്ഞഹമ്മദ്ക്ക . ആ സഹതാപം കന്ധമാലിലെ ക്രിസ്ത്യാനികളോട് അല്ല ,മറിച്ച് . മൂട്ടനാടുകളുടെ പോരിനിടയില്‍ വീഴുന്ന ചോരത്തുള്ളികള്‍ നൊട്ടി നുണയ്ക്കാന്‍ ആര്‍ത്തിയോടെ നില്‍ക്കുന്ന മനുഷ്യാവകാശ കുറുക്കന്മാരുടെ മതമൗലിക വാദത്തിന്റെ കൂലിയെഴുത്തുകാരനാകേണ്ടി വന്ന അങ്ങയുടെ അവസ്ഥയോടാണ്. പിന്നെ ഈ പുസ്തക പ്രകാശനത്തിന്റെ പിന്നിലുള്ള പ്രസാധകരുടെ പ്രത്യയ ശാസ്ത്രത്തോടും .!!

ഉച്ചക്കിറുക്കന്മാരുടെ 'മാധ്യമ' തമാശകള്‍ !!

2008-12-21T05:10:00.000-08:00

ഉച്ചക്കിറുക്കന്മാരുടെ മാധ്യമ തമാശകള്‍ !!!

മുംബൈ ഭീകരാക്രമണത്തിനു ശേഷം നിരവധി കഥകളും വാര്‍ത്തകളും പുറത്തു വന്നു കൊണ്ടിരിക്കുന്നു .പലരും തങ്ങളുടെ മനോധര്‍മ്മങ്ങള്‍ക്ക് അനുസരിച്ചു പലതും പടച്ചു വിടുന്നു.. വാര്‍ത്ത പിറക്കുന്നത് പത്ര മുതലാളിമാര്‍ക്കും നിയന്ത്രിക്കുന്ന സംഘടനകള്‍ക്കും അനുസരിച്ചാകുമ്പോള്‍ നേരിയ പക്ഷപാതിത്വം ഉണ്ടാകുന്നത് സ്വാഭാവികം മാത്രം ..

എന്നാല്‍

മുംബൈ ഭീകരാക്രമണങ്ങളുമായി ബന്ധപ്പെട്ട് സകല പരിധികളും ലംഘിച്ച ഒരു പത്രം ഉണ്ട്.. നിക്ഷ്പക്ഷതയുടേയും മതേതരത്വത്തിന്റേയും മുഖം മൂടി അണിഞ്ഞ് ജുഗുപ്സാവഹമായ വാര്‍ത്തകള്‍ പുറത്തു വിടുന്ന ആ പത്രം മറ്റൊന്നുമല്ല.. പണ്ടു മുസ്ലീം കിഡ്നി ആവശ്യം ഉണ്ട് എന്നു പരസ്യം കൊടുത്ത വിഖ്യാതമായ നമ്മുടെ മാധ്യമം തന്നെ അത് .

ഭീകരാക്രമണത്തിന്റെ പിറ്റേ ദിവസം തന്നെ, അത് ആസൂത്രണം ചെയ്തത് യാങ്കി -സയണിസ്റ്റ് -ഹിന്ദുത്വ അച്ചുതണ്ട് ആണെന്നു പറഞ്ഞു കൊണ്ട് മാധ്യമം ലേഘനം എഴുതി. സംശയിക്കുന്നതിനു പ്രത്യേകം പരിധി നിശ്ചയിച്ചിട്ടില്ലാത്തത് കൊണ്ട് അതില്‍ അസ്വാഭാവികത ഒന്നും കണ്ടില്ല.. ആരാണെന്നു ആര്‍ക്കും പറയാന്‍ പറ്റാത്ത ഒരു സമയമാകുമ്പോള്‍ പ്രത്യെകിച്ചും. നമ്മുടെ ദേശാഭിമാനിയും അങ്ങനെ ഒരു സംശയം പ്രകടിപ്പിച്ചിരുന്നു താനും.. എന്തിനും ഏതിനും അമേരിക്കയെ സംശയിക്കുന്ന രീതി സഖാക്കള്‍ക്ക് ജന്മനാ ഉള്ളതാകുമ്പോള്‍ അതിലൊന്നും അത്ര ചിന്തിക്കേണ്ട കാര്യവുമില്ല. .. കേരളത്തിലെ ഏതെങ്കിലും ഗ്രാമത്തിലെ ബ്രാഞ്ച് സെക്രട്ടറിക്ക് വയറിളക്കം വന്നാലും അതിനു പിന്നില്‍ സി ഐ ഏ ആകാന്‍ സാധ്യത ഉണ്ട് എന്നു പറയുന്നവര്‍ അത്രയല്ലെ പറഞ്ഞുള്ളൂ എന്നാശ്വസിക്കുന്നതായിരിക്കും ഉത്തമം..

എന്തായാലും ഭീകരരില്‍ ഒരാളെ ജീവനോടെ പിടി കൂടിയല്ലോ . സത്യം എങ്ങനെ ആയാലും പുറത്ത് വരുമെന്നു കരുതി കാത്തിരുന്നു.. താമസിയാതെ വിവരങ്ങള്‍ പുറത്തു വരികയും ചെയ്തു. പോലീസിന്റെ പിടിയിലായ അജ്മല്‍ പരിശീലനതിന്റെ വിവരങ്ങളും , പിന്നില്‍ പ്രവര്‍ത്തിച്ച സംഘടനകളുടെ വിവരങ്ങളും ഒക്കെ പോലീസിനോടു പറഞ്ഞു. പത്രങ്ങള്‍ ആയ പത്രങ്ങളൊക്കെ അതു റിപോര്‍ട്ട് ചെയ്യുകയും ചെയ്തു .. ഭാരതത്തിന്റെ വിദേശകാര്യ മന്ത്രിയും പുതുതായി ചുമതലയെറ്റ ആഭ്യന്തര മന്ത്രിയും ഒക്കെ ഔദ്യോകികമായി അതൊക്കെ സ്ഥിരീകരിക്കുകയും ചെയ്തു.. പാകിസ്ഥാന്‍ സംഘടന ആയ ലഷ്കര്‍ എ തോയ്ബ ആണു പിന്നില്‍ പ്രവര്‍ത്തിച്ചത് എന്നു സര്‍ക്കാര്‍ വ്യകതമായി പറഞ്ഞു. കേന്ദ്ര മന്ത്രി ഇ . അഹമ്മദ് ഐക്യ രാഷ്ട്ര സഭയിലും അതു തന്നെ പറഞ്ഞു.

എങ്കിലും

സ്വന്തമായി അന്വേഷണ ഏജന്‍സികളും കുറ്റാന്വേഷകരും ഉള്ള മാധ്യമം ഇപ്പോഴും പറയുന്നത് സംഭവം സയണിസ്റ്റ്-യാങ്കി -ഹിന്ദുത്വ പരിപാടി ആയിരുന്നു എന്നാണ്. കൊല്ലത്തു നിന്നുള്ള ഒരു വിദഗ്ധ കുറ്റാന്വേഷകന്‍ ആയ ജയപ്രകാശ് എഴുതിയ ലേഘനം എഡിറ്റ് പേജില്‍ തന്നെ പ്രസിധീകരിച്ചു. അദ്ദേഹവും പാകിസ്ഥാന്‍ ബന്ധം നിഷേധിക്കുന്നു.. പിന്നില്‍ ആര്‍.എസ്സ്.എസ്സ് ഉം മൊസാദും ആണെന്നാണ് അദ്ദേഹത്തിന്റെ കണ്ടുപിടിത്തം സത്യം പറഞാല്‍ ഈ അന്താരാഷ്ട്ര സമൂഹം എന്തു ദ്രോഹമാണ് ഈ ചെയ്യുന്നത്.. ഇത്രയും വലിയ കുറ്റാന്വേഷകര്‍ ഉള്ളപ്പോള്‍ അവരുടെയൊന്നും സേവനങ്ങള്‍ ഉപയോഗിക്കാത്തത് അക്ഷന്തവ്യമായ അപരാധം തന്നെ .. സംശയമില്ല ..

ഇതിനിടയില്‍ ഐക്യരാഷ്ട്ര രക്ഷാസമിതി പാകിസ്ഥാന്‍ ആസ്ഥാനമായ ഒരു മനുഷ്യാവകാശ സേവന സന്നദ്ധ സംഘടനയെ നിരോധിച്ചു. ജമാ അത് ഉദ് ദാവ എന്നാണു ആ സംഘടനയുടെ പേര്.സംഘടനാ നേതാക്കളായ ഹാഫിസ് മുഹമ്മദ് സയ്യിദിനെയും റഹ്മാന്‍ ലഖ്വിയേയും പാകിസ്ഥാന്‍ ഭീകരരായി പ്രഖ്യാപിക്കുകയും അറസ്റ്റ് ചെയ്യുകയും ചെയ്തു..അന്താരാഷ്ട്ര സമൂഹം ഇന്ത്യക്ക് പിന്നില്‍ അണിനിരക്കുകയും ചെയ്തു ശക്തമായി തന്നെ ..

എങ്കിലും നമ്മുടെ മതേതര മാധ്യമത്തിനു പഴയ അഭിപ്രായം തന്നെ ..
യാങ്കി - സയണിസ്റ്റ് - ഹിന്ദുത്വ അച്ചുതണ്ട്.. മാധ്യമം പത്രത്തില്‍ കൊടുത്തിട്ടു ഏല്‍ക്കാഞ്ഞിട്ടാണൊ എന്നറിയില്ല ഇപ്പോള്‍ മാധ്യമം വാരികയിലും വളരെ മനോഹരമായിത്തന്നെ ഈ ആശയം പറയുന്നുണ്ട്.

മലയാളികള്‍ക്ക് ചിരിക്കാന്‍ ഇപ്പൊ ഹാസ്യപരിപാടിയൊന്നും വേണ്ടാത്ത അവസ്ഥയാണ്. . കേരളത്തില്‍ നിന്നും കാഷ്മീരിലേക്ക് ആള്‍ക്കാരെ രിക്രൂട്ട് ചെയ്തത് സംഘ പരിവാര്‍ ആണെന്നു പറയുന്ന മറ്റു ചിലരും ഉണ്ട് ഈ നാട്ടില്‍ . ഇവര്‍ പറഞ്ഞു വരുമ്പോള്‍ ലഷ്കര്‍ എ തോയ്ബയും പരിവാറിലെത്തി എന്നു വേണം കരുതാന്‍.. എന്തിനധികം കാര്‍ഗില്‍ യുദ്ധത്തില്‍ ഇന്ത്യന്‍ പട്ടാളക്കാരോടു യുദ്ധം ചെയ്തത് പാകിസ്ഥാനികളുടെ വേഷം കെട്ടിയ സംഘ പരിവാറ് അംഗങ്ങള്‍ ആണെന്നു പറയുന്നതില്‍ എത്തി നില്‍ക്കുന്നു ഇവരുടെ നര്‍മ്മ ബോധം . ലഷ്കര്‍ ഇ തോയബയുടെ പിന്തുണ കൂടി ഈ സംഘ ഭീകരര്‍ക്ക് കിട്ടിയാല്‍ ..നല്ല കഥയായി.. ഇന്ത്യയിലെ ന്യൂനപക്ഷങ്ങളുടെ അവസ്ഥ ചിന്തിക്കാന്‍ പോലും വയ്യ..

കൊമ്പന്‍ പോയത് മോഴയ്ക്കു വഴി എന്നു പറഞ്ഞതു പോലെ മാധ്യമത്തിനു പിറകേ അതിലും നര്‍മ്മബോധമുള്ള വാര്‍ത്തകളുമായി മനുഷ്യാവകാശത്തിന്റെ അപ്പോസ്തലന്മാരുടെ പത്രമായ തേജസ്സും കൂടെ തന്നെ ഉണ്ട്. കാഷ്മീരില്‍ മലയാളികള്‍ വെടിയേറ്റു മരിച്ചു എന്ന വ്യാജ വാര്‍ത്ത പത്രങ്ങളില്‍ വരുന്നു എന്നതായിരുന്നു ആദ്യം അവരുടെ സങ്കടം.. വാര്‍ത്ത സത്യം ആയപ്പോള്‍ അതിനു പിന്നില്‍ ഐ.ബി ആണെന്നായിരുന്നു അടുത്ത വാര്‍ത്ത.. മനുഷ്യാവകാശ സംഘടന ആയ എന്‍ ഡി എഫ് നെതിരെ സഖാവ് പിണറായി വിജയന്‍ സംസാരിച്ചപ്പോള്‍ ആണു അവരുടെ നര്‍മ്മബോധം ഉച്ച്സ്ഥായിയില്‍ എത്തിയത് .. " പിണറായി വിജയനു സംഘ പരിവാര്‍ സ്വരം " എന്നായിരുന്നു ആ തമാശ..

ചുരുക്കം പറഞ്ഞാല്‍ ഇന്ത്യയുടെ അന്വേഷണ ഏജന്‍സികളേയും ഭരണകൂടത്തെയും ഇവര്‍ക്ക ഒട്ടും വിശ്വാസമില്ല എന്നു വേണം കണക്കാക്കാന്‍.. എല്ലാം ഒരു വിഭാഗത്തെ പ്രാന്തവല്‍ക്കരിക്കുന്നതിനുള്ള സംഘ പരിവാറിന്റെ കുല്‍സിത ശ്രമം. രാഷ്ട്രീയ ഭേദമെന്യേ എല്ലാ സര്‍ക്കാരുകള്‍ക്കും ഈ അജണ്ട ആണുള്ളത് എന്നാണ് അവരുടെ പക്ഷം.

ഇന്ത്യയിലെ ഒരു അന്വേഷണ ഏജന്‍സിയെ മാത്രമേ അവര്‍ക്കു വിശ്വാസമുള്ളു അതു മുംബൈ ഏ .ടി ഏസ്സ് ആണ്. അവരുടെ എല്ലാ അന്വേഷണങ്ങളിലും വിശ്വാസമുണ്ടെന്നു വായിക്കുന്നവര്‍ ധരിക്കരുത്. വിശ്വാസമുള്ളത് ഒരു പ്രത്യേക കേസിന്റെ അന്വേഷണത്തില്‍ മാത്രം ..സ്വാതന്ത്ര്യാനന്തര ഇന്ത്യയിലെ അന്വേഷണ ഏജന്‍സികള്‍ സത്യസന്ധമായി അന്വെഷിച്ച ഒരേ ഒരു കേസേ ഉള്ളു അതു മാലേഗാവ് മാത്രമാണ്..

സത്യം പറഞ്ഞാല്‍ ഇവര്‍ക്കൊക്കെ " ചോറിങ്ങും കൂറങ്ങും "എന്നുള്ള ഒരു നിലപാട് ഉണ്ടോ എന്നു മറ്റുള്ളവര്‍ സംശയിച്ചാല്‍ കുറ്റം പറയാനാകില്ല. കാരണം മുംബൈ ആക്രമണത്തില്‍ തങ്ങളുടെ നാട്ടിലെ ആര്‍ക്കും പങ്കില്ല എന്നു പാകിസ്താന്‍ പറയുമ്പോളൊക്കെ ഈ മാധ്യമങ്ങളില്‍ അതിനെ ന്യായീകരിച്ചു കൊണ്ടു വാര്‍ത്ത വന്നിരുന്നു.

ജമാ അത്തെ ഇസ്ലാമിയുടെ പാകിസ്താന്‍ ഘടകം മാരിയറ്റ് ഹോട്ടല്‍ സ്ഫോടനത്തിനു പിന്നില്‍ ഇന്ത്യ ആണെന്നു ആരോപണം ഉന്നയിച്ചിരുന്നു.. മൗദൂദിസം എന്ന ആശയം ആണ് ഇവരുടെ പരസ്പര സഹകരണത്തിന്റെ പ്രത്യയ ശാസ്ത്രം എന്നു കൂടി ഇതിനൊപ്പം ചെര്‍ത്തു വായിക്കേണ്ടതാണ്.

തരിമ്പും നാണമില്ലാത്ത ഇവരെപ്പോലെയുള്ള ഉച്ചക്കിറുക്കന്മാരുടെ പത്ര പ്രവര്‍ത്തനം സകല മര്യാദകളും ലംഘിക്കുന്നത് മാത്രമല്ല പ്രശ്നം അത് രാജ്യ താത്പര്യത്തിനു വിരുദ്ധമാണ് എന്ന സത്യം കൂടി നാം മനസ്സിലാക്കേണ്ടിയിരിക്കുന്നു. വര്‍ഗീയതയും ഭീകരവാദവും വളര്‍ത്താനേ ഇങ്ങനെയുള്ള പത്ര പ്രവര്‍ത്തനം കൊണ്ടു സാധ്യമാകൂ എന്നു ഇവര്‍ ഇനിയെങ്കിലും മനസ്സിലാക്കിയിരുന്നെങ്കില്‍...