Thursday, August 27, 2009

'എസ് 'വളവുള്ള കത്തികള്‍

തുടര്‍ച്ചയായ മൊബൈല്‍ നാദം കേട്ടാണ്‌ ഒരു ഉച്ചയുറക്കത്തിന്റെ ആലസ്യത്തില്‍ നിന്നും ഞെട്ടി ഉണര്‍ന്നത് .. ആരാണാവോ എന്ന് അല്പം ഈര്‍ഷ്യയോടെ വിചാരിച്ച് നോക്കിയപ്പോള്‍ ഒന്ന് അമ്പരന്നു .. മണ്ഡലത്തിന്റെ കാര്യവാഹ് രാജേഷ്‌ ആയിരുന്നു ലൈനില്‍ .. എന്താണാവോ പണി കിട്ടുന്നത് എന്ന് സംശയിച്ചാണ് ഫോണ്‍ എടുത്തത്‌ . കക്ഷി അല്പം സംഭ്രമത്തില്‍ ആയിരുന്നു . സംസാരത്തിന്റെ പൂര്‍ണ്ണ രൂപം താഴെ

" നമസ്തേ രാജേഷേട്ടാ "
"നമസ്തേ .. അത്യാവശ്യമായി ഒരു വിവരം അറിയിക്കാന്‍ ഉണ്ട്.. ഉടനെ കാണണം .. താങ്കളുടെ ശാഖയിലെ സ്വയം സേവകരെ ഒക്കെ വിളിക്കണം "
"എന്താണ് ചേട്ടാ കാര്യം "
"അറിഞ്ഞില്ലേ നമ്മള്‍ ഉപയോഗിക്കുന്ന "എസ്" ആകൃതിയിലുള്ള കത്തിയെ പറ്റി പോലീസിനു വിവരം കിട്ടിയിരിക്കുന്നു .. ഇത്രയും നാള്‍ രഹസ്യമായ ഈ വിവരം എങ്ങനെ പരസ്യമായി എന്നറിയില്ല ."
" അല്ല ചേട്ടാ ആരാണ് പോലീസിനു വിവരം കൊടുത്തത്‌ "
" താങ്കള്‍ അറിഞ്ഞില്ലേ ടി വി ..യില്‍ പിണറായി സഖാവ്‌ പത്ര സമ്മേളനം നടത്തിയത്‌ കണ്ടില്ലേ ??"
"ഇല്ല ഞാന്‍ ഉറക്കമായിരുന്നു "